Шоу биз

Мајкл Б. Џордан отиде на необично место, откако го доби Оскарот, сите се одушевени (ВИДЕО)

Мајкл Б. Џордан го прослави својот прв Оскар на малку необичен начин.

По гламурозната церемонија, наместо да оди на една од раскошните забави, тој се упати кон ресторан за брза храна, а снимката од неговата прослава брзо се прошири на интернет.

Прослави со хамбургер и помфрит

Џордан го прослави Оскарот за најдобар актер во главната улога во филмот „Грешници“ со хамбургер и помфрит. На снимката што кружи на социјалните мрежи, актерот, облечен во елегантен црн костум, се гледа како седи на маса додека Оскар стои покрај послужавник со храна.

@gigi100599 Michael B Jordan at In'N'Out in Hollywood #losangeles #hollywood #michaelbjordan #oscars #thesinners ♬ original sound - Gigi

Глетката на холивудската ѕвезда на толку опуштен начин го привлече вниманието на другите гости во ресторанот, кои се собраа околу него и го снимаа со своите мобилни телефони. Неговиот потег привлече многу позитивни коментари на интернет. „Икона“, „Ова е премногу добро!“ и „Браво, Мајкл!“ Ова се само дел од реакциите на обожавателите кои ја пофалија неговата скромност.

View this post on Instagram

A post shared by The Oscars (@theoscarsworld)

Одржа емотивен говор по освојувањето на Оскарот

„Стојам тука благодарение на сите што беа тука пред мене“, рече Џордан во емотивен говор, а потоа ги наведе поранешните добитници: Сидни Поатје, Дензел Вашингтон, Џејми Фокс, Форест Витакер и Вил Смит, како и Хали Бери, првата и сè уште единствена афроамериканка што освои Оскар за најдобра актерка.

„Да бидам во друштво на такви великани, мои модели на улоги и луѓе што ми го отворија патот... Ви благодарам на сите во оваа сала и на сите дома што ме поддржуваа во текот на целата моја кариера. Ја чувствувам таа поддршка. Знам дека навивате за мене и затоа ви благодарам што сè уште верувате во мене“, додаде тој.

„Човече, Бог е добар. Бог е добар“, рече Џордан на почетокот од својот говор, а потоа им се обрати на своето семејство во публиката. „Мамо, како сте? Сите знаете колку ми значи тоа. И тато е тука. Тато, каде си? Татко ми допатува од Гана за да биде тука.“

Тагови: Оскар Мајкл Б. Џордан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ТИРЗ: ВДЛ Бус Македонија ќе започне со трета фаза на инвестицијата - производство на нов модел на автобус

Директорот на ТИРЗ Гоце Димовски денес имаше средба со Аврам Стојчевски, генерален директор на компанијата ВДЛ Бус Македонија.

На средбата се разговараше за тековните активности на компанијата, реализирањето на третата фаза од инвестицијата која ќе изнесува повеќе од 5 милиони евра, со нови 150 висококвалификувани работни места во рамките на ТИРЗ Скопје 2.

Димовски нагласи дека Дирекцијата за ТИРЗ останува посветен партнер на компаниите кои веќе инвестираат во земјата, преку навремена институционална поддршка и активно следење на нивните потреби. Тој истакна дека токму постојните инвеститори претставуваат најсилен показател за квалитетот на деловното окружување, а нивното проширување е важен сигнал за довербата во домашната економија.

На средбата беше разгледан планот за реализација на третата фаза од инвестицијата, која предвидува производство на нов модел на автобус. Дополнително, беше потврдена заложбата за продолжување на конструктивна соработка, со цел создавање услови за успешна реализација на овој инвестициски циклус, натамошен развој и зајакнување на конкурентноста на домашната економија.

Инаку, компанијата во април годинава од ВДЛ Ван Хоол Македонија се преименува во ВДЛ Бус Македонија, со што истата започна нова развојна фаза во своето работење. Промената е дел од поширокиот процес на трансформација и развој на компанијата, со фокус на понатамошно унапредување на производствените активности и зајакнување на нејзината позиција во автомобилската индустрија.

Тагови: ТИРЗ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗС: Неексплодирана граната со калибар 75mm извлечена од под вода во Црна Река кај с. Радобор

Станува збор за граната што била истрелана, но не експлодирала.

Пиротехничарот на Дирекцијата за заштита и спасување (ДЗС), Ѓорѓи Стефанов, безбедно отстрани неексплодирана артилериска граната со калибар 75mm, што потекнува од Првата светска војна и беше пронајдена под вода во Црна Река, кај мостот во село Радобор, Општина Могила.

Станува збор за граната што била истрелана, но не експлодирала. За пронајденото убојно средство, ДЗС Битола ја прими дојавата преку единствениот повикувачки број за итни случаи 112.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода црногорец, со „БМВ“ возел со брзина од 205 километри на час

Лишен од слобода црногорец, на автопатот во гевгелиско со „БМВ“ возел со брзина од 205 километри на час, поднесена пријава.

На 13.07.2026 во 11:09 часот на автопатот А1, кај село Милетково, гевгелиско, полициски службеници од СВР Струмица- ОВР Гевгелија го лишија од слобода црногорскиот државјанин Д.Б.(36). При контрола на патниот сообраќај со радар, полициските службеници констатирале дека Д.Б. управувал патничко возило „бмв“ со црногорски регистарски ознаки, со брзина од 205 километри на час, на место каде со сообраќаен знак брзината на движење е ограничена на 120 километри на час. За настанот е запознаен јавен обвинител од Основното јавно обвинителство Гевгелија, а против лицето е поднесена соодветна пријава.

Тагови: бмв

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.