Мајката на загинатата Драгана Минова: Ја однела во диско, без да знаат се гушнале за последен пат - Канал 5

Македонија

Мајката на загинатата Драгана Минова: Ја однела во диско, без да знаат се гушнале за последен пат

Завидувам на личноста која е најодговорна за смртта на моето дете, бидејќи неговиот син е до него, а моето дете не напушти.

Мајката на загинатата Драгана Минова: Ја однела во диско, без да знаат се гушнале за последен пат

Со овие зборови мајката на загинатиот 24 годишник Андреј Петрушев, сведочеше на судењето за пожарот во кочанската дискотека „Пулс“, алудирајќи на првообвинетиот Дејан Јованов, сопственик на дискотеката и неговиот син кој е исто така обвинет.

Мајката детално го опиша ужасот во болницата во Кочани и негирањето на реалноста кога го видела телото на својот син кое немало видливи изгореници. Таа додаде дека нејзиниот друг, преживеан син, Кристијан, до денес се бори со тешки трауми и кошмари, обвинувајќи се себеси што не успеал да го извлече брат му од огнот.

-Пред дискотеката имаше премногу тела. Сопругот се упати во дискотеката да ги бара, а јас се наведнав да ги превртувам децата за да видам дали некој од синовите е тука. Го барав Андреј, оти за Кристијан ми рекоа дека го виделе. Кога стигнав во болницата, таму ме дочека уште поголем ужас. Цел ходник беше со легнати деца на подот, на клупите, исцрнети до непрепознавање, некои изгорени. Кога го најдов другиот син Кристијан во една соба, тој ми кажа дека не успеале да го спасат Андреј. Животот ми е поделен на пред и после 16 март. Во овој момент можам да кажам дека завидувам на една личност која е најодговорна за смртта на моето дете, оти неговиот син е до него, а мојот не е до мене,- – Марија Петрушева, мајка на починатиот Андреј Петрушев.

На судењето сведочеше и Ирена Минова, мајка на 16-годишната Драгана Минова, која исто така го загуби животот кобната вечер. Кажа дека, ако сите кои сега велат дека помагале, немало да има толку жртви и побара признавање на вината од обвинетите.

-Кога стигнавме таму веше тажно да се гледа како млади детски животи се борат за сопствениот живот. Во близина на диското го видов Михаил, синот на газдата. До него стоеше полицаец, стоеја и гледаа додека деца извикуваа и бараа помош. Ако сите кои сега како што викаат помагале, немаше да има ниедна жртва. Помагаа само оние што починаа. Ја барав мојата ќерка, и после го видов сопругот стоеше покрај неа, мислев дека само е онесвестена зошто на неа немаше видливи повреди. Откако ја однесовме во болница сфативме дека веќе била почината. Нашите деца беа убиени, задушени. На обвинетите сакам да им кажам - од вас не барам сожалување туку барам да ја признаете вината. Со секој ваш потпис на секој документ, ја потпишавте судбината на нашите деца. – Ирена Минова, мајка на починатата Драгана Минова.

Габриела Наунова, мајка на починатата надица, беше последната која сведочеше на рочиштето..Таа пред судијката кажа дека слушнала како синот на сопственикот на „Пулс“, се распрашувал дали кобната вечер ќе има рација во дисокотеката и добил потврда дека немало да има.

-Кога пристигнав таму вечерта, видов пожарникарско возило а не и пожарникари. Дури и кога на неколку полицајци им реков да ми помогнат да го качиме детето во колата, тие не сакаа...

-Бидејќи „Пулс“ веше единствена дискотека во Кочани, таму излегуваа многумина од тие што седат тука. Излегуваа и инспектори од полиција, градежни инспектори и градоначалници. Има слики секаде од Ратко Димитровски. Никогаш не помислував дека така работела дискотеката. Лично ја имам видено таму и инспекторката Христина Николовска. Таа и Михаил, синот на газдата Деко, и во мое присуство разговараа. Еднаш кога бевме во другиот локал Класик, Михаил ја прашуваше Христина дали вечерта ќе има рација во дискотеката. Таа му кажа дека вечерта ќе има овде во Класик а не во дискотеката Пулс. -Габриела Наунова – сведок.

Инаку, пред почетокот на денешното рочуште, судијката Дијана Груевска Илиевска информираше дека мобилен телефон со сим картичка бил пронајден во келијата на првообвинетиот Дејан Јованов Деко, по што го опомена дека во иднина ќе се забранат посети, ако се повтори ваква ситуација. Следното рочиште е закажано по празниците, на 14 јануари

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ким Кардашијан има пет дадилки за своите четири деца: „Една е секогаш на должност“

Ким Кардашијан, 45-годишната основачка на брендот „SKIMS“, во ново интервју откри детали за тоа како го организира животот со четирите деца што ги има со поранешниот сопруг, Канје Вест. 

Ким Кардашијан има пет дадилки за своите четири деца: „Една е секогаш на должност“

Заедно ги имаат ќерките Норт (13) и Чикаго (8) и синовите Сејнт (10) и Псалм (7), при што Кардашијан е нивниот примарен старател.

Кардашијан за „Тајмс“ откри дека има помош околу грижата за децата, ангажирајќи пет дадилки кои се менуваат. Таа објасни дека „една е секогаш на должност“, додека „останатите четири се менуваат во смени“.

Таа секој ден ги вози на училиште

И покрај тоа што има помош, Кардашијан вели дека е активно вклучена во секојдневниот живот на своите деца. Таа лично ги вози на училиште и ги зема оттаму секој ден, а секоја вечер заедно вечераат. „Мислам дека сум умерено строга мајка. Многу сум трпелива и им давам многу љубов. Децата сè уште можат да спијат во мојот кревет кога и да посакаат, а јас им читам секоја вечер пред спиење“, рече таа.

Таа се грижи за јавното експонирање на децата

Во интервјуто, таа се осврна и на прашањето за јавното експонирање на нејзините деца – особено на најстарата ќерка, Норт, која е популарна на „TikTok“ и сè повеќе се занимава со музика. Кардашијан призна дека се грижи за учеството на децата во семејното реално шоу „The Kardashians“. „Секое дете учествува онолку колку што се чувствува пријатно. Помалите деца се појавуваат додека снимам, но немаат некои големи улоги во серијата. Норт ужива во тоа малку повеќе од другите, па морам малку да ја ограничувам“, објасни таа. Таа додаде дека Норт е најмногу заинтересирана за проекти кои нудат јавно експонирање, поради што нејзините родители се обидуваат внимателно да ги избираат можностите што таа ги прифаќа, наместо да се согласуваат на сè што ѝ се нуди.

Кога станува збор за музиката, Кардашијан вели дека подобро комуницира со Канје Вест на таа тема. Тие се погрижуваат да бидат усогласени и се осигуруваат дека Норт учествува само во проекти што и двајцата ги одобриле.

Извор: Индекс.хр

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во Франција: Се затвораат до 500 средни училишта, 24 се запалени или вандализирани

Училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Хаос во Франција: Се затвораат до 500 средни училишта, 24 се запалени или вандализирани

Францускиот министер за образование, Жан-Мишел Бланке, денес соопшти дека утре целосно или делумно ќе бидат затворени меѓу 400 и 500 средни училишта во Франција поради последиците од насилните студентски протести, додека најмалку 24 училишни објекти биле запалени или вандализирани.

„Наставата беше прекината во меѓу 400 и 500 образовни установи во петокот, а веројатно сличен број ќе бидат затворени и во понеделник, иако со делумно и постепено продолжување на наставата“, изјави Бланке, пренесува весникот „Ле Фигаро“.

Францускиот министер наведе дека 78 вработени во образовниот систем се повредени откако започнаа протестите.

Според него, училиштата се затвораат кога не се исполнети безбедносните услови – било поради оштетување на имотот или поради тоа што вработените биле директно загрозени.

Бланке рече дека одредени припадници на крајната левица се приклучиле на протестите, обвинувајќи ги дека го злоупотребиле студентското движење и прибегнале кон насилство.

„Ова претставува ризик и за нашиот персонал и за учениците. Повредени се 78 вработени во образованието – нешто што досега не сме го виделе. Тие беа намерно нападнати бидејќи работат во образованието“, изјави министерот.

Протести низ Франција

Протестите и блокадите на средните училишта започнаа на 17 септември во регионот на Париз, а потоа се проширија низ целата земја. Ситуацијата, како што забележува францускиот весник, ескалираше во четвртокот во неколку француски градови.

Петокот беше одбележан со тензии и повеќе од 1.700 приведени лица, со што вкупниот број на приведени од почетокот на неделата достигна околу 5.000.

Организаторите повикаа протестите да продолжат и во вторник, наведувајќи дека не добиле „конкретни мерки“ од властите.

Учениците што учествуваат во протестите, меѓу другото, бараат повеќе персонал и зголемени средства за образованието, а истовремено се жалат на притисокот од системот за упис на универзитетите, недостигот на наставници-заменици, лошата состојба на училишните згради и преоптоварените распореди на часовите.

Извор: Б92

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пукање во близина на границата меѓу Норвешка и Шведска: Убиени татко и син

Татко и син загинаа, а трет маж беше тешко ранет во пукање во близина на Халден, во југоисточна Норвешка. Осомничениот, маж на возраст од околу 30 години, бил совладан од присутните на местото на настанот пред да пристигне полицијата.

Пукање во близина на границата меѓу Норвешка и Шведска: Убиени татко и син

Жртвите биле маж во седумдесеттите години и неговиот син, кој бил во четириесеттите години. Сите тројца биле дел од ловечка група собрана на имот во близина на езерото Ершеен, недалеку од шведската граница.

Напаѓачот совладан пред пристигнувањето на полицијата

Според норвешките медиуми, осомничениот не бил дел од ловечката група.

По пукањето, луѓето присутни на имотот успеале да го совладаат и да го задржат до доаѓањето на полицијата. Полицијата верува дека тој дејствувал сам и соопшти дека нема опасност за јавноста.

Според досегашните информации, во нападот била употребена ловечка пушка. Норвешките медиуми исто така известуваат дека осомничениот поседувал дозвола за две парчиња огнено оружје.

Адвокат: Тој ја признал кривичната одговорност

Адвокатот на осомничениот, Оле Ричард Холм-Олсен, изјави дека неговиот клиент ја признал кривичната одговорност за двете убиства и за ранувањето на третото лице.

Според адвокатот, осомничениот писмено ја признал кривичната одговорност и се согласил на притвор, но во моментов не сака да даде изјава пред полицијата.

Мотивот сè уште непознат

Полицијата сè уште истражува зошто осомничениот отворил оган и каква поврзаност имал со луѓето на имотот. Истражителите се сомневаат дека тој ја познавал групата или некои од нејзините членови, но според досега објавените информации, тој не бил во роднинска врска со загинатите или со ранетиот маж.

По пукањето, полицијата ја пребарала околината и блиските објекти за да провери дали има други напаѓачи или жртви. Не биле пронајдени други жртви ниту дополнителни напаѓачи.

Извор: Индекс.хр

Тагови: пукање

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер