Можеше ли да се избегне несреќата и дали соседите не забележале ништо сомнително кај соседите кои неодамна се вселиле до нив? Одговорите на овие прашања засега никој ги нема, истрагата допрва ќе ги утврдува сите околности за трагедијата во Гостивар.
Според информации од СВР Гостивар, во опожарениот стан живеело шестчлено семејство, во моментот на пожарот во станот биле само мајката и сега веќе настраданото седумгосдишно дете. Трагедијата се случила на улицата кеј Вардар во раните утрински часови, а први пожарот го забележале случајните минувачи кои повикале пожарна.
Откако ѝ била пружена медицинска помош, мајкатата на детето вчера попладне била задржана во полициска станица, под соменение дека сторила кривично дело „повреда на семејни обврски“. 35 годишната жена е лишена од слобода откако лекарите утвардиле дека нејзиниот син бил врзано со ланци на нозете кога избувнал пожарот. Таму таа ќе биде задржана се до расветлување на деталите за трагичниот настан по што се очекува да биде изведена пред судија на претходна постапка во Основниот суд Гостивар.
Канал 5 утринава се обидуваше да стапи во контакт со центарот за социјални работи на Гостивар, до моментот на објавување на прилогот не добивме одговор. Една од информациите која чека потврда од институциите е дека несреќното дете не било заведено во матичната евиденција и припаѓало на категоријата „деца фантоми" и не одело на училиште.
Отако ќе заврши истрагата, по добиените информации од ЈО за Канал 5 велат дека во текот на денот ќе бидат одредени мерки и дадени насоки за постапување. Претходно од Основното јавно обвинителство информираа дека седумгодишното момче кое го загуби животот во пожарот било врзано со ланец бидејќи според семејството, било агресивно.
Досегашните информации се дека семејството пред 7 дена до изнајмило сега опожарениот стан, не било корисник на социјална помош, ниту евидентирано во Центарот за социјална работа. Таму немало никакви информации за каков било тип на родителска негрижа, злоупотреба или несовесно однесување кон кое било од децата во семејството.