Во рамки на работната посета на Мадрид, првиот заменик-претседател на Владата и министер за европски прашања, Беким Сали, оствари средба со државниот секретар за Европската Унија на Кралството Шпанија, Фернандо Маријано Сампедро Маркос.

На средбата беше разговарано за напредокот на европската интеграција на Македонија, спроведувањето на Реформската агенда, како и за актуелните случувања во рамките на политиката на проширување на Европската Унија.

Министерот Сали се заблагодари за континуираната поддршка што Шпанија ја дава на европската перспектива на нашата држава и ја потврди посветеноста на Владата за продолжување на реформите и исполнување на обврските на патот кон членство во Европската Унија.

Двајцата соговорници ја потврдија важноста од блиската билатерална соработка и континуираната координација во европските процеси, изразувајќи подготвеност за понатамошно продлабочување на односите меѓу двете земји.

Кабинет на министерот за европски прашања

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Нападите следеа по судирите во петокот во кои загинаа четворица Палестинци и двајца израелски војници, од кои едниот беше координатор за безбедност на блиската израелска населба. Судирот се случи кога група израелски доселеници, од кои некои беа вооружени, се приближија до палестинското село Тал, југозападно од Наблус.

Селаните излегоа од своите куќи за да се соочат со доселениците, по што следеше пресметка. Палестинските локални власти тврдат дека доселениците го предизвикале насилството, додека израелската војска вели дека двете страни пукале.

Ова беше последниот во низата конфликти оваа година во кои беа вклучени доселеници. Според Обединетите нации и Палестинската самоуправа, десетици Палестинци беа убиени во овие инциденти, а стотици беа ранети.

The mosque is burning... and the world's conscience is absent.

Israeli settlers set fire to a mosque in the village of Qusra, southeast of Nablus, in full view of everyone. pic.twitter.com/7auIMn3w6d

— Sameh Ahmed 𓂆 🇵🇸 (@PalPress24) July 26, 2026

Некои израелски министри повикуваат на анексијата на Западниот Брег

Израелскиот премиер Бенјамин Нетанјаху, кој се соочува со избори во октомври, нареди голема безбедносна операција против она што го нарече тероризам насочен кон израелските цивили. Во исто време, тој ги зголеми воените сили на Западниот Брег и го откажа отсуството за војниците.

Некои членови на неговата влада, вклучувајќи го и екстремно десничарскиот министер за финансии Безалел Смотрих, повикаа на анексија на Западниот Брег, територија што Израел ја зазеде во Блискоисточната војна во 1967 година.

🎥 🕌 Israeli Settlers Torch Two Mosques in the West Bank: Drop Site Report

"A stranger comes and takes over all of our hard work. This land was empty. There was nothing here except stones.”

Israeli settlers set fire to the under-construction Al-Rahma Mosque in Qusra, south of… pic.twitter.com/AjBL5q8B7F

— Drop Site (@DropSiteNews) July 26, 2026

Палестинските власти велат дека доселениците извршиле серија напади врз села во различни делови од Западниот Брег во текот на ноќта од сабота до недела. Претседателот на локалниот совет на селото Кусра, југоисточно од Наблус, Абдел Азим Вади, рече дека доселениците ја запалиле новата џамија.

„Џамијата била во последна фаза од изградбата и подготвена да ги прими верниците. Веќе била опремена со мебел. Ја запалиле и напишале слогани на хебрејски јазик на ѕидовите“, изјави тој за Ројтерс. Меѓу графитите имало пораки како „Еврејска одмазда“ и името на еден од Израелците убиени во близина на Тал.

Израелска армија: Ги осудуваме нападите врз верски објекти

Палестинската власт, која управува со делот од Западниот Брег каде што се случи пукањето во петокот, изјави дека тоа е дел од поширок напад врз Палестинците. „Тероризмот на доселениците поддржан од израелската држава прераснува во систематски погроми низ окупираниот Западен Брег“, објави канцеларијата на палестинскиот премиер на социјалната мрежа X.

Израелската армија потврди дека војниците испратени во Кусра, која се наоѓа во близина на неколку големи израелски населби, пронашле графити и траги од палење и дека ги бараат сторителите. Таа додаде дека полициските истражители ќе соберат докази.

„Безбедносните сили остро ги осудуваат ваквите инциденти, вклучително и нападите врз верски објекти, и ќе дејствуваат решително за да ја одржат безбедноста и јавниот ред во областа“, објави армијата.

Палестинците го гледаат Западниот Брег како темел на идната независна држава

Во одделни инциденти, палестинските власти велат дека доселениците запалиле џамија во близина на селото Кур, југоисточно од Тулкарем, и нападнале палестински работници во фабрика за преработка на камен во градот Кафр Малик надвор од Рамала.

Членот на локалниот совет на селото Кур, Фарид Џијуси, рече дека тројца доселеници ја запалиле џамијата во зори, но верниците го изгаснале пожарот пред да се прошири на главниот дел од зградата. „Ова е првиот напад што го доживеа нашето село“, рече Џијуси, додавајќи дека напаѓачите напишале и графити на хебрејски јазик на ѕидовите на џамијата.

Израелските населби на Западниот Брег се сметаат за нелегални од повеќето држави и тела на Обединетите нации, што Израел го отфрла. Палестинците го гледаат Западниот Брег како темел на идната независна држава, додека Израел го темели своето барање за територијата на историски и библиски врски. Владата на Нетанјаху, која се спротивставува на воспоставувањето палестинска држава, брзо ги проширува постојните населби и гради нови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Снимките од концертот во Нешвил, одржан во саботата како дел од турнејата со Крис Браун, брзо се проширија на интернет.

Непријатна ситуација на сцената

Обожавателка од публиката беше избрана да му се придружи на пејачот на сцената. Додека Ашер, без маица, ѝ пееше и ја допираше по лицето, нејзината непријатност беше опиплива. Таа се вкочани и се оддалечи кога тој се обиде да ја положи на креветот што е дел од сценографијата, по што и 47-годишниот пејач се повлече.

„Не мислам дека навистина сака да биде на сцената, а?“ збунетиот Ашер ја праша публиката.

Пејачот на крајот целосно се оддалечи од неа и му сигнализираше со рака на обезбедувањето да ја испрати од сцената. Таа изгледаше вознемирена бидејќи некои во публиката почнаа да ја исвиркуваат.

@_shanayyy23 But fr. This girl really went up on that stage just bc she looked cute 🤣 #usher #rnbtour #usherraymond #usherconcert #chrisbrownconcert ♬ original sound - Shannon | Mama of 3

Обожавателката одговори на критиките

Жената подоцна се огласи на социјалните мрежи за да им одговори на оние кои сметаа дека не требало ни да се согласи да излезе на сцената.

„Прво на сите, НИКОЈ не одбива да излезе на сцената“, напиша таа. „Изгледав одлично, дали навистина мислевте дека ќе ми недостига да ме видат илјадници луѓе?“

Таа објасни дека таа и нејзината мајка имале билети за приземјето, но пред почетокот на концертот, била преместена во ВИП делот поради „привилегиите што ги носи убавината“.

„Не ти кажуваат за кого се качуваш горе! Што очекуваше, да спиеш со него пред сите?“ додаде таа.

Во неделата, таа објави селфи со натпис: „Не ме трогнува ова“. Таа ја продолжи својата одбрана на Инстаграм стори. „Нема да ме навредувате и да очекувате да молчам! Немојте да мислите дека ќе ме злоупотребувате поради искуство што не сте го доживеале“, рече таа.

View this post on Instagram

A post shared by Gabrielle Cheyenne ✨ (@gabrielle.cheyenne)

Познати интеракции со публиката

Ашер е познат по неговата провокативна интеракција со публиката. Неговиот телохранител стана вирален во 2024 година поради неговата ужасната реакција за време на дел од концертот каде што Ашер ги храни женските обожаватели со цреши.

Неговиот партнер од турнејата, Крис Браун, исто така привлече внимание во септември 2025 година, но во поинаква ситуација. Тој ја донесе на сцената Кајла Никол, поранешна девојка на ѕвездата на НФЛ, Тревис Келс.

Браун, тогаш 37-годишен, ѝ подари на 34-годишната Кајла сензуален танц во скут на неговиот хит „Take You Down“ за време на концерт во Лос Анџелес. Тоа предизвика мешани реакции - некои сметаа дека потегот е претеран, додека други ја пофалија Кајла што го искористила моментот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.