Последната жестока размена на оган меѓу САД и Иран ги затекна светските лидери на половина од глобалниот собир. САД синоќа нападнаа над 80 цели во Иран како одговор на иранските напади врз комерцијални бродови во Ормутскиот теснец. Техеран возврати со слична мера, истрелувајќи проектили врз 80-ина американски воени цели во Бахреин и Кувајт. Мировните преговори со Иран се губење време, рече Трамп.

-За мене, мислам дека (прекинот на огнот) е завршен. Не сакам повеќе да се занимавам со нив, со тоа ѓубре. Знаете што е ѓубре? Тие се ѓубриња и болни луѓе.Нешто не е во ред со нив. Тие се кукавици. Што се однесува до мене, сѐ е завршено. , изјави Доналд Трамп, претседател на САД.

На средбата со првиот човек на НАТО, Руте, Трамп не ги поштеди ниту НАТО сојузниците. Повтори дека останал осамен во однос на конфликтот во Иран, кога клучните земји членки останале неми на неговите повици за поддршка. Обвини дека Вашингтон со години ги плаќал обврските на другите, а иронично ги проследи фалбите на Руте дека сојузниците успешно се доближиле до обврската за одвојување на 5 проценти од БДП за одбраната.

-Разговарав со В. Британија и премиерот рече: не сакаме да ви помогнеме сега, ќе ви помогнеме кога војната ќе заврши. Реков дека тоа не е добро. Разговарав со Германија, не сакаа да помогнат. Разговарав со Франција, не сакаа да помогнат.Не сме третирани праведно. Имаше периоди кога плаќавме 100 % во НАТО, а многу земји не плаќаа ништо. , изјави Трамп.

-Она што вие го постигнавте е огромна победа и би сакал да повторам дека само во последните две години, Канада и европските НАТО членки потрошија 215 милијарди долари повеќе во 2024, 2025 и 2026 година во споредба со 2024 година. , изјави Марк Руте, генерален секретар на НАТО.

Трамп во Анкара не го заборави ниту Гренланд, реафирмирајќи ја амбицијата да го преземе арктичкиот остров, кој е автономен дел од Данска.

-Нашата позиција е јасна, како и досега. Гренланд не е на продажба, изјави Мете Фредериксен, премиерка на Данска.

На самитот на НАТО во Анкара е планирано да се ветат 140 милијарди евра воена помош за Украина во следните две години, со главен фокус на вооружување и обука на украинските војници. Последните случувања на Блискиот Исток денеска ја качија цената на нафтата за речиси шест проценти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија има реална можност да напредува кон полноправно членство во Унијата, но уставните измени остануваат услов за формалнo отворање на преговорите – порача еврокомесарката за проширување Марта Кос на заедничката прес-конференција со премиерот Mицкоски кој пак побара евроинтеграциите да се темелат на критериуми...

Пред Владата е Афродита Рамос, Афродита, на прес-конференцијата стана збор и за планот за раст, како е оценета земјава?

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

На маргините на самитот Претседателката ќе има низа билатерални средби и свој говорт на состанокот на Северноатлантскиот совет, на кој учествуваат шефовите на држави и влади на 32 земји членки на НАТО.

„Потребно ни е повеќе кантијанизам, а помалку макијавелизам во политиката. Денеска сакам да кажам дека мотото ’Посилна Европа, посилно НАТО‘ по мое мислење е проширувањето. Обединета Европа е посилна Европа. Но, најсилна Европа е Европа која предводи во мир и демократија базирана на принципи и вредности. Тоа е мојата порака“– Гордана Сиљановска Давкова, претседателка на Македонија.

Македонија во моментот издвојува над 4 проценти од БДП за одбраната од предвидените 5 отсто кои е потребно да ги достигне во наредните 10 години, порачал министерот за одбрана Мисајловски за време на состанокот на Северноатланскиот совет на ниво на министри за одбрана. Досегашните договори и поддршка која ја добива македонската армија од сојузниците и преку Европскиот мировен фонд, како што посочил Мисајловски значителено ги зајакнуваат капацитетите на македонската армија. Мисаловски беше дел и од церемонијата за приклучување на Франција, Финска и Шведска кон иницијативата на Мултинационалната соработка за воспоставување на НАТО обука за летање во Европа.

Дел од државната делегација, која ја предводи претседателката Сиљановска Давкова е и шефот на дипломатијата Муцунски, кој на маргините на НАТО Самитот остварил средба со министерот за надворешни работи на Холандија, Том Берендсен, на која разговарале за билатералните односи, регионалните и европските прашања, како и за соработката во рамки на НАТО. Освен со холаднскиот министер Муцунски се очекува во текот на денот да оствари десетици средби со негови колеги и шефови на делегации на дел од земјите членки на НАТО.

Во текот на вчерашниот ден, пак престедателката Сиљановска Давкова присуствуваше на приемот организиран од турскиот претседател Реџеп Таип Ердоган, на кој како што посочи во објава на социјалните мрежи биле разменети мислења за натамошно јакнењето на колективната одбрана и зацврстувањето на трансатлантското единство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.