Мајк Тајсон се враќа во рингот

За многумина најдобриот боксер на сите времиња, легендарниот Мајк Тајсон се враќа во рингот иако има  53 години.

Секако, Железниот Мајк нема намера да се врати во вистински, натпреварувачки бокс, туку сака да боксува неколку натпревари во хуманитарни цели.

"Работев фокусирано последните две недели и тоа е заморно. Не сум во најдобра форма, моето тело не е во најдобра форма и вежбањето ми е прилично истоштувачко. Сепак, сакам да дојдам во форма, за да можам да изиграм неколку рунди во хуманитарни цели", изјави Тајсон во интервју во живо на Инстаграм, па додаде:

„Сакам да учествувам во хуманитарни натпревари за да обезбедам пари за бездомниците или за луѓето кои имаат проблеми со дрогата. Сакам да им помогнам на луѓето како мене“.

Тајсон опиша како изгледаат тренинзите.

'' Правам кардио вежби на мојот велосипед и на лента два часа, а потоа кревам тегови. Потоа одам на тренинг со боксирање половина час, 25 минути, се подобрувам. Повторно комбинирам, но ме боли, се чувствувам како тројца да ме претепале “, рече еден од најголемите боксери во историјата.

притисни ентер