Мајк Тајсон призна дека бил пијан и дрогиран додека снимал култен филм (ВИДЕО) - Канал 5

Шоу биз

Мајк Тајсон призна дека бил пијан и дрогиран додека снимал култен филм (ВИДЕО)

Мајк Тајсон, 56-годишната боксерска легенда, се прослави со ударите во рингот, но зад неговото холивудско деби се крие неочекувана приказна.

Мајк Тајсон призна дека бил пијан и дрогиран додека снимал култен филм (ВИДЕО)

Тајсон признал дека бил пијан и се дрогирал кога првпат се сретнал со актерската екипа на The Hangover и дека немал поим дека требало да се појави на снимањето на комедијата, пишува New York Post.

„Ги запознав момците во клубот, тие беа во делот за ВИП, и реков: „Обично седам овде и обично нема никој таму. Затоа отидов да проверам што прават во мојот дел. Зак беше таму. и уште еден дечко, а Зак рече: „Ќе бидеме на филм со тебе“. Јас одговорив: Да? Кога? А тој рече утре.“

Поради влијанието на опојните средства, Тајсон не ни сфатил дека наскоро ќе се појави на големото платно. Сепак, тој го одржал ветувањето и следниот ден се појавил на снимањето. Во филмот тој се играше себеси, а ликовите кои ги толкуваа Зак Галифианакис, Ед Хелмс и Бредли Купер се обидуваат да украдат еден од неговите познати тигри. Филмот стана хит и му врати на Тајсон дел од неговата популарност по низа контроверзии.

YouTube video

Сепак, борбата на Тајсон со зависноста продолжи и за време на снимањето. „Бев нестабилен. Бев дебел. Бев свиња, полн со кокаин“.

Неговата улога во The Hangover не запре со првиот филм. Тајсон се појави и во продолжението „Мамурлак 2“ и разви пријателство со Бредли Купер, главниот актер на „Ѕвездата е родена“. Тајсон го опиша Купер како „навистина добар човек“. „Тој е навистина одлично момче, добар е и во она што го работи“, додаде тој.

Тајсон изјави дека неговото филмско деби во Холивуд повторно го направило популарен. Тој се присети на настан во ресторан каде што децата го препознале бидејќи го виделе во трејлерот за филмот. Вниманието на младите фанови било откритие за легендарниот боксер.

„Кога сум надвор и ми доаѓаат деца на возраст меѓу 20 и 15 години, тоа е затоа што го гледале The Hangover - тие немаат поим дека некогаш сум бил боксер“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Петмина загинати во поплави во Турција – издадено предупредување за 45 провинции

Пет лица загинаа, а три се водат за исчезнати во поплавите што погодија неколку региони во Турција, како резултата на силните поројни дождови.

Петмина загинати во поплави во Турција – издадено предупредување за 45 провинции

Турската генерална дирекција за метеорологија издаде жолто и портокалово предупредување за 45 провинции, вклучително и за Истанбул, поради најавените обилни врнежи и силен ветер, објавија турските медими. Поради опасноста од ненадејни поплави, свлечишта, удари од гром и град, граѓаните се повикани да бидат внимателни и да ги почитуваат предупредувањата на надлежните служби. Портокалово предупредување е издадено за Истанбул, Бурса, Коџаели, Јалова и Сакарија, додека жолто предупредување важи за уште 40 провинции.

Тагови: турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Нов бран насилни судири во Тирана – над 150 повредени, најмалку 160 приведени во изминатите денови

Нов бран насилни судири меѓу полицијата и демонстрантите избија синоќа во Тирана, четврти ден во Албанија. 

Нов бран насилни судири во Тирана – над 150 повредени, најмалку 160 приведени во изминатите денови

Полицијата употреби солзавец и водени топови за да ги растера демонстрантите, кои фрлаа камења и блокираа улици со запалени контејнери за отпад. Според извештаите, судирите продолжиле до доцна во ноќта во неколку делови од главниот град. Демонстрантите бараат оставка од премиерот Еди Рама, кој е на власт 13 години, а истовремено го изразуваат незадоволството од условите за студирање и висината на школарините на универзитетите. Албанскиот министер за внатрешни работи Ервин Дема соопшти дека во изминатите денови биле повредени 156 лица, од кои 97 полицајци. Албанскиот премиер Еди Рама ги обвини неодредени странски сили дека стојат зад немирите и дека се обидуваат да го попречат патот на земјата кон членство во Европската Унија, отфрлајќи ги тврдењата дека протестите се резултат на реалните проблеми и незадоволството на граѓаните.

YouTube video

Тагови: Тирана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Клиника за онкологија: Од дистрибутерот добивме уверување дека терапијата „Phesgo“ ќе се реализира во понеделник

Откако вчера пациентки останаа без потребната терапијата „Фесго“, од Клиниката за радиотерапија и онкологија велат дека лекот очекуваат да биде обезбеден кон почетокот на следнава недела.

Клиника за онкологија: Од дистрибутерот добивме уверување дека терапијата „Phesgo“ ќе се реализира во понеделник

Терапијата „Фесго“ во петокот беше недостапна поради ненавремена испорака од дистрибутерот, од кого добивме уверување дека испораката ќе биде реализирана во понеделник, велат од Клиниката за онкологија за Канал 5.

Од таму, информираат и дека од иста причина во моментов има застој и во снабдувањето со Госерелин, но дека добиле уверување оддистрибутерот дека ќе биде обезбеден во текот на следната недела. Вчера од Клиниката упатија извинување до сите засегнати пациентки, признавајќи дека ситуацијата предизвикала загриженост, неизвесност и непријатности. Не е познато колку пациентки се погодени од одложувањето на терапијата „Фесго“, која се користи во третманот на одредени форми на карцином на дојка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер