Мафијашка егзекуција во Атина: Маж е убиен додека емитувал во живо на Фејсбук (ВИДЕО) - Канал 5

Балкан

Мафијашка егзекуција во Атина: Маж е убиен додека емитувал во живо на Фејсбук (ВИДЕО)

Египќанец (42), познат на полицијата во Грција по случаи поврзани со дрога, е убиен минатата недела во Калитеа, а својата смрт несвесно ја забележал на социјалните мрежи.

Мафијашка егзекуција во Атина: Маж е убиен додека емитувал во живо на Фејсбук (ВИДЕО)

Во моментот кога бил застрелан, мажот емитувалво живо на Фејсбук, а на видеото се гледа шокантниот момент на убиството, објави Прототема.

На местото на настанот се пронајдени пет чаури од пиштол калибар 9 милиметри, а истрагата се уште е во тек. Според достапните информации, властите го идентификувале убиениот, а карактеристично е тоа што имал повеќе имиња - можно е да се викал Абдала, Абт Ала, Абушиам или Усам, додека пронајдените презимиња се Емал, Фирас и Санте.

Имал и неколку различни татковски имиња: Болос, Билел и Хамед, како и различни мајчински имиња: Амира, Емира, Мирна и Мерна. Покрај различните имиња, тој имал и неколку различни датуми на раѓање и места на потекло - освен од Египет, поседувал и документи од Авганистан и Ирак.

Според извештаите, 42-годишниот маж претходно му бил познат на законот за случаи поврзани со дрога, а истражителите веруваат дека убиството најверојатно било нарачано од криминално милје поврзано со наркотици.

Од се уште неразјаснети причини, сторителот или сторителите му нанеле заседа и го убиле додека бил во својот автомобил во гаража од станбена зграда. Тие со возило поминале покрај него и го застрелале во главата и вратот, при што веднаш го убиле.

Во моментот на нападот автомобилот бил вклучен, а прозорецот спуштен. На местото на пукањето биле пронајдени пет чаури од пиштол калибар 9 милиметри, а истрагата се уште е во тек.

Жртвата бил татко на две деца, а според соседите никогаш не правел проблеми и не се однесувал сомнително.

Се известува и дека жителите на населбата ги разбудило врескањето на неговата сопруга, кое следело веднаш по пукањето.

Вознемирувачкото видео од убиството на 42-годишен маж можете да го погледнете ТУКА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Протоколарна средба на претседателот на Собранието со британскиот амбасадор Метју Лосон

Гаши посебно ја издвои соработката на ниво на претседатели на парламенти, со осврт на неговата минатогодишна официјална посета на Британскиот парламент. 

Протоколарна средба на претседателот на Собранието со британскиот амбасадор Метју Лосон

Денеска во Собранието се одржа протоколарна средба на претседателот на Собранието на Република Македонија, Африм Гаши, со британскиот амбасадор Метју Лосон. Беа констатирани одличните билатерални односи меѓу Република Македонија и Обединетото Кралство, кои се одвиваат на редовна основа со развојна динамика.

Претседателот Гаши посебно ја издвои соработката на ниво на претседатели на парламенти, со осврт на неговата минатогодишна официјална посета на Британскиот парламент. Го истакна значењето на проектната помош за Собранието што се одвива преку Весминстер фондацијата за демократија и со која се зајакнуваат функциите на Собранието и Службата.

Амбасадорот Лосон изрази задоволство за потврдата на продолжување на веќе воспоставената соработка.

Претседателот Гаши го информираше амбасадорот за процесот на дигитализација на Собранието, за зајакнувањето на надзорната улога на Собранието, како и за подигнувањето на нивото на политичката култура во Собранието и подобрувањето на перцепцијата на законодавниот дом во јавноста.

Двајцата соговорници разменија мислења околу претстојните активности на Собранието, можностите и модалитетите во рамките на веќе утврдената соработка, но и за потенцијалите на друг вид на соработка од взаемен интерес. Беше изразена посебна благодарност до Обединетото Кралство за водечката улога и поддршка во развитокот и во клучните историски моменти на нашата земја како независна европска демократија.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Стој за УСЈЕ“: Средбата со министерот за животна средина беше позитивна

Од иницијативата „Стоп за УСЈЕ“ попладнево беа на средба со министерот за животна средина Мухамет Хоџа.

„Стој за УСЈЕ“: Средбата со министерот за животна средина беше позитивна

Средбата како што оценија потоа, била позитивна во насока на изнаоѓање на некакво решение.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер