МАЕИ и МД „Илинден“ со честитка до новоизбраниот Митрополит на Корча, г. Анастаси - Канал 5

Балкан

МАЕИ и МД „Илинден“ со честитка до новоизбраниот Митрополит на Корча, г. Анастаси

Митрополит Анастаси доаѓа на местото на митрополит Јован, кој беше избран за поглавар на Албанската автокефална црква, по смртта на поглаварот Анастасиос Јанулатос.

МАЕИ и МД „Илинден“ со честитка до новоизбраниот Митрополит на Корча, г. Анастаси

Македонската партија во Албанија, Македонската алијанса за европска интеграција (МАЕИ) и македонското друштво „Илинден“ - Тирана, во име на Македонците во оваа земја, на митрополитот на Корча, Неговото Високопреосвештенство г. Анастаси му го честитаа устоличувањето на оваа висока и света должност.

Во честитката на МАЕИ, претседателот Васил Стерјовски наведува дека овој избор претставува значаен момент за православните верници од Корчанскиот округ и за цела Автокефална православна црква на Албанија.

„Убедени сме дека вашата духовната мисија како Митрополит ќе даде вреден придонес за зајакнување на православната вера, вредностите на мирот, љубовта и солидарноста, како и во поддршката на македонската православна заедница во Корчанскиот округ“, наведува Стерјовски.

Исто така, ја нагласува важноста, Светата Митрополија на Корча да биде отворен простор за сите верници, со почитување на нивните традиции и јазици, вклучувајќи го и одржувањето на богослужби на македонски јазик, во духот на единството и разновидноста на Православната црква.

„Ви посакуваме здравје, мудрост и сила во вашата висока духовна мисија, уверувајќи дека под ваше раководство ќе се зацврстат вербата и хармоничниот соживот во Корчанскиот округ и во цела Албанија, стои во честитката на МАЕИ.

Идентични желбите до Миротполитот г. Анастаси, во честитката упатува и Македонското друштво „Илинден“.

„Во мое лично име и во име на Македонското друштво „Илинден“, како и во име на македонското национално малцинство ви ги изразувам моите најдобри желби и срдечни честитки за вашето востоличување за митрополит на Корча и ви посакувам успех во вашата нова задача. Уверени сме дека во иднина ќе имаме успешна соработка“, се наведува меѓу дргото во честитката на друштвото.

Митрополит Анастаси доаѓа на местото на митрополит Јован, кој беше избран за поглавар на Албанската автокефална црква, по смртта на поглаварот Анастасиос Јанулатос.

На божествената архиерејска Литургија на која беше хиротонисан и востоличен г. Анастасиј, во црквата „Воскресение Христово“ во Корча присуствуваа голем број Македонци, од повеќе населени места на округот, меѓу нив и Стерјовски, како и свештеникот од Пустец, отец Алексо Темелко.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос кај Оман: Непознат проектил погоди брод

Центарот за поморски трговски операции на Велика Британија (UKMTO) денес објави дека непознат проектил погодил брод на околу 33 километри од брегот на Оман, во близина на градот Касаба.

Хаос кај Оман: Непознат проектил погоди брод

Според „UKMTO“, кој се повикува на доверлив извор, бродот бил погоден од непознат проектил, по што избувнал пожар.

Пожарот е изгаснат, а бродот и сите членови на екипажот се безбедни, се вели во соопштението на „UKMTO“.

Досега нема извештаи за какви било последици по животната средина.

Надлежните органи го истражуваат инцидентот, а на бродовите им е советувано да бидат внимателни додека пловат и да пријават каква било сомнителна активност до „UKMTO“.

Тагови: Оман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем шумски пожар избувна кај најголемото езеро во Италија, евакуирани повеќе од 200 луѓе

Голем шумски пожар избувна на западниот брег на езерото Гарда во Италија, а локалните власти евакуираа повеќе од 200 луѓе, вклучувајќи многу туристи, како мерка на претпазливост.

Голем шумски пожар избувна кај најголемото езеро во Италија, евакуирани повеќе од 200 луѓе

Езерото Гарда, најголемото езеро во Италија и една од најпознатите туристички дестинации во земјата, привлекува голем број посетители секоја година поради својата природна убавина, планинската околина и бројните летни одморалишта. Токму во оваа популарна област, која е особено популарна во ова време од годината, пожарот предизвика загриженост кај жителите и туристите.

Пожарот избувна вчера во општината Тињале и брзо се прошири низ ридестиот предел над езерото во текот на вечерта и ноќта.

Пожарникарите сè уште се борат со пожарот денес, но пожарот сè уште не е под контрола. Бројни противпожарни екипи, како и авиони и хеликоптери, учествуваат во гаснењето.

Пожарникарите ги штитат домовите

„Напорите во моментов се фокусирани на запирање на противпожарните фронтови и заштита на неколку станбени згради“, изјавија пожарникарите.

Досега нема извештаи за повредени.

Областа на езерото Гарда, најголемото езеро во Италија, е една од најпопуларните туристички дестинации во земјата.

Топлотниот бран продолжува да ја погодува Италија

Пожарот избувна во време кога Италија, како и поголемиот дел од Европа, се соочува со продолжен топлотен бран.

Температурите во делови од земјата надминуваат 40 степени Целзиусови во последните денови, а се очекува високите температури да продолжат до средината на месецот.

Извор: Индекс.хр

Тагови: Италија шумски пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Протест на Мајорка против масовниот туризам

Жителите на Мајорка денес повторно излегоа на улиците за да протестираат против големиот годишен прилив на туристи и кризата со домувањето што произлегува од тоа на шпанскиот медитерански остров.

Протест на Мајорка против масовниот туризам

Две недели по големиот митинг во главниот град Палма против она што многумина го сметаат за прекумерен туризам, најновите демонстрации се одржаа во западниот град Солер.

„Помалку туризам, повеќе живот“

Двата протести беа организирани од граѓанската иницијатива „Помалку туризам, повеќе живот“ (Menys Turisme, Més Vida).

Според властите, околу 1.000 луѓе учествуваа на митингот во градот, кој е исклучително популарен кај туристите.

„Mallorca Zeitung“, медиум на германски јазик наменет за бројните германски посетители и жители на островот, го процени бројот на учесници на 2.000. „Mallorca Magazin“, кој се издава и на германски јазик, објави дека се собрале до 2.500 луѓе.

Нема судири со полицијата

Протестот вклучуваше скандирања насочени против туристите. Сепак, овој пат немаше судири со полицијата, за разлика од митингот во Палма.

Иницијативата „Помалку туризам, повеќе живот“ првпат повика на протести во 2024 година, огорчена од растечката криза со домувањето што е резултат на масовниот туризам на Мајорка, најголемиот остров на Балеарските Острови.

Извор: Индекс.хр

Тагови: Мајорка протест

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер