Мадона бара од нејзиното момче да почитува 28 строги правила, едно е посебно бизарно - Канал 5

Забава

Мадона бара од нејзиното момче да почитува 28 строги правила, едно е посебно бизарно

Мадона има повеќе правила што треба да ги следи нејзиното многу помладо момче кога поминува време со поп дивата. А едно од нив се однесува и на гледање телевизија.

Мадона бара од нејзиното момче да почитува 28 строги правила, едно е посебно бизарно

Пејачката, која веќе е во седмата деценија и има 66 години, моментално е во врска со спортската ѕвезда од Јамајка, Аким Морис, кој има 28 години. И покрај многу големата разлика, би се рекло дека парот е прилично хармоничен и не можат да ги одвојат рацете еден од друг.

Сепак, Метро пренесува дека Мадона во голема мера ја контролира врската, па ѕвездата дури му напишала и некои строги правила.

- Мадона го подложи Аким на еден куп правила и строги услови за врска. И тој се согласил со нив бидејќи е „загреан“ и подготвен да ја плати цената – тврди „инсајдер“ близок до парот и продолжил: - Таа е многу строга. Тој живее со неа, но само затоа што го делат нејзиниот кревет, не значи дека може да спие во него. Кога таа сака, тој мора да спие или да стане кога таа работи, без разлика на сѐ. Таа, исто така, му забранува да гледа спорт и телевизија кога поминуваат време заедно.

Двојката, наводно, се запознала за прв пат на фотосесија за магазинот „Paper“ во 2022 година, на тема „дива ноќ надвор во Њујорк“. Аким бил дел од сетот, но тогаш немало навестување дека ќе започнат романтична врска.

Првиот знак на нивната романса беше за време на овогодинешната прослава на четврти јули, кога Мадона даде изјава за „неверојатната година“ во која ужива откако претрпе сериозни здравствени проблеми. Во срдечна објава на Инстаграм, Мадона - која беше хоспитализирана со септичен шок минатата година - сподели слики на кои таа и Аким изгледаат навистина среќни заедно.

Тие се горе-долу „домашни“, па на едната фотографија се гледаат како уживаат во сладолед, додека на другата се свиткани на кауч. Затоа се претпоставува дека Аким е причината поради која годината на Мадона ѝ е толку незаборавна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Отстранета нелегалната конструкција на „Даме Груев“ , јавниот простор вратен на граѓаните

Општина Центар ја отстрани металната конструкција на улица „Даме Груев“, кај слаткарницата „Малага“. Со нејзиното демонтирање, пешачката патека повторно е слободна за движење.

Герасимовски: Отстранета нелегалната конструкција на „Даме Груев“ , јавниот простор вратен на граѓаните

„Го расчистивме просторот и го вративме на пешаците, на кои им припаѓа. Јавните површини мора да бидат слободни и достапни за сите“, рече градоначалникот на Општина Центар, Горан Герасимовски.

Конструкцијата, која претходно се користеше како тераса, ја зафаќаше пешачката зона и го попречуваше нормалното движење во строгиот центар на градот.

Општина Центар продолжува со инспекциски контроли и активности за отстранување на бесправно поставени конструкции и објекти, со цел заштита на јавниот простор и непречено движење на граѓаните.

Општина Центар - Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсени се повеќе лица во контрола на угостителски објекти во Скопје

Ноќеска акциска контрола во угостителски објекти во Скопје, лишени од слобода повеќе лица, меѓу нив и малолетници.

Уапсени се повеќе лица во контрола на угостителски објекти во Скопје

Секторот за внатрешни работи Скопје, во содејство со инспектори од Државен пазарен инспекторат, ноќеска изврши контрола во повеќе угостителски објекти во Скопје. За време на контролата легитимирани се 37 лица и лишени од слобода се осум лица, од кои три малолетници.

Притоа, во два угостителски објекти констатирано е пречекорување на работното време, а во еден од угостителските објекти констатирано е точење на алкохол на малолетни лица, како и лица кои поседуваат наркотични дроги, психотропни супстанции и прекурсори.

Акциските контроли продолжуваат и во наредниот период, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се уредува нова парковска површина кај „Џевахир“ во општина Аеродром

Се уредува нова парковска површина од околу 3.000 м2 во непосредна близина на комплексот „Џевахир Скај Сити“ во Општина Аеродром.

Се уредува нова парковска површина кај „Џевахир“ во општина Аеродром

Градоначалникот на Општина Аеродром Дејан Митески денеска изврши увид во активностите за расчистување на просторот што ќе прерасне во нов парк со детско игралиште, пешачки патеки, урбана опрема и зеленило.

На целиот простот ќе биде поставен и систем за наводнување, како и комплетно нови линии за осветлување.

Благодарност до компанијата „Џевахир“ за поддршката и соработката во реализацијата на овој проект со кој аеродромци добиваат ново место за одмор, рекреација и дружење.

Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер