Свет

Лула, пред почетокот на КОП30 во Белем, го претстави Фондот за спас на тропските шуми

Бразилскиот претседател Луиз Инасио Лула да Силва го претстави новиот повеќемилијарден фонд за заштита на тропските шуми, непосредно пред почетокот на Конференцијата на ОН за климатски промени (COP30) во градот Белем, во срцето на Амазонија.

Лула најави дека, по првпат, земјите од Глобалниот Југ ќе имаат водечка улога во програмата за заштита на шумите преку новиот механизам Објект „Тропска шума засекогаш“ (Tropical Forest Forever Facility).

Моделот на бразилската Влада ќе обезбеди финансиски награди за земјите што ги зачувуваат своите тропски шуми.

Фондот ќе може да распределува до четири милијарди долари годишно, речиси тројно повеќе од сегашната меѓународна помош за заштита на шумите.

Државите што ќе зачуваат вредни шумски површини ќе добиваат премија од четири долари по хектар годишно, а оние што ќе уништуваат шуми ќе плаќаат казна од 140 долари по хектар, при што проверките ќе се вршат преку сателитски снимки.

Околу 70 земји во развој со тропски шуми би можеле да имаат корист од овој фонд, а до една петина од средствата ќе бидат насочени кон домородните заедници.

Богатите земји треба првично доброволно да вложат 25 милијарди долари, а меѓу потенцијалните донатори се Германија, Обединетите Арапски Емирати, Франција, Норвешка и Обединетото Кралство.

Овој почетен капитал треба да овозможи мобилизирање на дополнителни 100 милијарди долари од приватниот сектор во наредните години.

Покрај Бразил, основачи на иницијативата се Колумбија, Гана, Демократска Република Конго, Индонезија и Малезија.

Бразил веќе најави дека ќе вложи еден милијард долари од сопствени средства.

Од Гринпис ја поздравија иницијативата како важен политички сигнал, но предупредија дека мора да се обезбеди фондот да не вложува во индустрии што му штетат на природата и климата. – Тоа би било контрапродуктивно, изјави експертот на Гринпис, Јанес Штопел.

Организацијата побара и COP30 да усвои обврзувачки план за запирање на уништувањето на шумите до 2030 година.

Настапот на Лула се случи неколку часа по изјавата на генералниот секретар на ОН, Антонио Гутереш, кој го нарече „морален неуспех“ и „смртоносна небрежност“ тоа што светот не успева да го ограничи глобалното затоплување на 1,5 степени Целзиусови, како што беше предвидено со Парискиот договор од 2015 година.

Гутереш предупреди дека е „неизбежно“ прагот од 1,5 степени да биде остварен до почетокот на 2030-тите, поради континуираната зависност на човештвото од фосилните горива.

Тагови: Бразил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот.

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

US Open outfit pic.twitter.com/pIOVmEpisS
— 👑 Aryna Sabalenka 🐯 Daily (@SabalenkaDaily) July 30, 2026

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.