Љубовните писна од авторот на Џејмс Бонд на аукција во Лондон

Љубовните писма кои Иан Флеминг, авторот на Џејмс Бонд и ги пишувал на својата партнерка Ен, ќе видат на аукција во Лондон во декември, соопшти куќата „Сотби“.

Вкупно 160 писма пратени во период од 20 години, ја опишуваат тајната идила која писателот ја имал со Ен Картерис, која тогаш била омажена за друг човек, се до нивната венчавка.

Иан и Ен се сретнале во 1934 година додека таа била во брак со еден барон. Набрзо станале љубовници но паралелно имале и други врски. Ен во 1948 година родила ќерка од врската со Иан, но бебето починало што додатно ги зближило љубовниците.

Парот конечно се венчал во 1952 година кога е роден нивниот син Каспар иобјавен последниот дел од сагата за чуениот агент 007.

Љубовните псма ќе бидат на аукција од 3 до 10 декември. Се проценува дека ќе бидат продадени за вредност од 33.000 до 349.000 евра.

Белорусија ослободи 32 Руси , обвинети за организирање немири пред изборите

Белорусија ослободи 32 руски државјани кои претходно биле приведени, соопшти вчера портпаролот на руското јавно обвинителство.

Според руското јавно обвинителство, руските државјани се ослободени во согласност со меѓународното право и националното законодавство на Русија и Белорусија, а во координација со обвинителствата на двете држави, јавува ТАСС.

Тие биле уапсени во Минск и обвинети дека се платениците задолжени за дестабилизација на земјата пред претседателските избори одржани на 9 август.

„Група од 32 руски државјани, кои беа уапсени во Белорусија, ја преминаа границата и се наоѓаат во Русија“, објави канцеларијата на рускиот главен обвинител.

На почетокот на август, Русија испрати барање до Белорусија за нивно ослободување и враќање во земјата. Белоруските власти на 29 јули објавија дека уапсиле 32 „руски борци“ на приватна вооружена група Вагнер, позната како блиска до Кремљ, затоа што се осомничени за „дестабилизација“ на земјата пред претседателските избори.

Локалните медиуми тогаш објавија дека апсењата биле извршени откако дознале дека група од „200 борци пристигнале во Белорусија со цел да ја дестабилизираат ситуацијата за време на предизборната кампања“.

Односите меѓу Русија и Белорусија се традиционално добри, но тензиите се јавуваат периодично, особено поради енергетските проблеми. Сепак, во последните месеци белорускиот претседател Александар Лукашенко ја обвини Москва дека сака да ја претвори неговата земја во колонија и да манипулира со претседателските избори.

Рускиот претседател Владимир Путин му честиташе на Лукашенко за неговата победа на претседателските избори, и покрај обвинувањата за изборна измама и протести кои следуваа и завршија со насилство.

Рекорден раст на новозаболени во Украина

Во последните 24 часа во Украина се регистрирани 1.847 случаи на коронавирус, што е рекорден број случаи во еден ден.

Ненадејното зголемување на бројот на заразени лица е забележано во Украина по ублажувањето на мерките, пренесува агенцијата Ројтерс.

Претходниот ден биле регистрирани 1.732 нови случаи.

Вкупно, заразени се скоро 90.000 луѓе, а 2.044 починале.

Бројот на заразените се зголемил од јуни, кога властите олеснаа некои мерки на претпазливост, дозволувајќи им на кафулињата и јавниот превоз да продолжат со работа.

Над 21 милиони заболени со коронавирус во светот, во Бразил над 50.000 нови случаи

Бразил вчера забележа  50.644 нови случаи на коронавирус и 1.060 смртни случаи, соопшти бразилското Министерство за здравство, додека повеќе од 21 милиони луѓе ширум светот биле заразени.

Така, вкупниот број заразени во Бразил се искачи на 3.275.520, а бројот на починати на 106.523.

Бразил е втора земја според заразени во светот, по Соединетите држави.

Повеќе од 21 милиони луѓе ширум светот се заразени со новиот коронавирус, а 759.411 починале, покажуваат податоците на Ројтерс.

Инфекциите се регистрирани во повеќе од 210 земји и територии, откако првите случаи се идентификувани во Кина во декември 2019 година.

притисни ентер