Македонија останува посветена на европските интеграции, но тие немаат суштина ако билатералните прашања бидат фактор што одлучува дали државите ќе станат полноправни членки на Унијата, ова е пораката која премиерот Христијан Мицкоски ја упати од Тирана, на лидерскиот самит посветен на Планот за раст. Мицкоски нагласи дека земјава премногу долго е во пристапниот процес и фокусот, како што рече, сега е ставен на развојната агенда... најави дека до крајот на годинава да бидат реализирани најмалку осум од преостанатите чекори.

-Навистина не гледам повеќе суштина како билатералните пролеми одлучуваат дали земјите ќе станат полноправни членки во рамките на ЕУ. За мене суштината која ја гледам е испораката на реформите, ако е така, ние како држава ќе бидеме компетитивни, и убеден сум ние ќе бидеме тие кои ќе стигнат до финалната цел. / Јас повеќе сум фокусиран тука на развојната агенда, односно развојниот план/ До крајот на годината очекувам, најмалку 8, а богами можеби и 10 од 12 неисполнети чекори да бидат реализирани, остануваат два проблематични,- - Христијан Мицкоски – Претседател на владата.

Самитот во палатата на Бригадите во албанската престолнина го отвори премиерот Еди Рама кој во воведниот говор порача дека регионот не моли за место во Унијата, туку секој ден докажува дека припаѓа таму. Рама нагласи дека целта е западен Балкан да се развива заедно со Унијата, а не на нејзина сметка. Дека Брисел е подготвен за заеднички напредок потврди и еврокомесарката за проширување Марта Кос. Намерата како што кажа таа е регионот заедно да напредува, а целта е земјите да станат полноправни членки со како што потенцираше, целосни права.

-Западен Балкан не бара услуги и тоа е нешто што може да се почувствува и да се слушне во секоја изјава на секој од лидерите околу масата. Никој не бара услуги, никој не плаче за некакви „слатки“, секој доаѓа со гордост да понуди вредности и да понуди пот и солзи, му благодарам на бога, крв не е потребна. Ние не молиме да влеземе во ЕУ, ние докажуваме дека ние секој ден сме се по подготвени,- - Еди Рама – Премиер на Албанија.

-Нашата амбиција е сите земји да напредуваат истовремено и не сакаме да се развиваат нови празнини меѓу шесте земји од западен Балкан, бидејќи на крајот, сите земји од западен Балкан припаѓаат во ЕУ. Сите земји од западен Балкан треба да станат полноправни членки на Унијата, со, и нагласувам, со целосни права како потврда за целосното усогласување со законите на ЕУ и уште поважно, со вредностите на ЕУ,- - Марта Кос – Еврокомесарка за проширување.

Разговорите на шесте лидери во Тирана во главно беа фокусирани на продлабочување на економската и институционална интеграција на земјите од западен Балкан во единствениот европски пазар, преку клучни иницијативи од планот за раст, меѓу нив за роаминг, приклучувањето кон Сепа, зелените коридори и новата фаза од заедничкиот регионален пазар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.