Лидерите на ЕУ изразија жалење поради несреќата во Лисабон - Канал 5

Свет

Лидерите на ЕУ изразија жалење поради несреќата во Лисабон

Лидерите на ЕУ во објави на социјалните мрежи изразија жалење и сочувство за жртвите во синоќешната несреќа на популарната железничка жичница „Глорија“ во Лисабон, при што, според последните податоци, загинаа 15 лица, а 18 се повредени. 

Лидерите на ЕУ изразија жалење поради несреќата во Лисабон

- Штотуку слетав во Париз и со длабока тага ја примив веста за сериозната трагична несреќа на „Глорија“, која значи толку многу во мојот живот, објави претседателот на Европскиот совет Антонио Кошта на платформата Икс.

Тој во објавата изрази сочувство за несреќата до неговата матична држава Португалија и до градот Лисабон.

- Моите мисли се со жртвите, со нивните најблиски и со повредените, на кои им посакувам брзо закрепнување, додаде Кошта.

Во објава, исто така, на Икс сочувство за жртвите изрази и претседателката на Европската комисија, Урсула фон дер Лајен.

- Со тага дознав за излетувањето од шините на познатата жичница „Глорија“. Им изразувам сочувство на семејствата на жртвите, наведе Фон дер Лајен.

Длабока жалост поради „трагичната загуба на животи“ во Лисабон изрази и високата претставничка на ЕУ за надворешни работи и безбедносна политика Каја Калас.

- Упатувам искрено сочувство за жртвите, нивните семејства и сите засегнати. Во овој трагичен момент изразуваме солидарност со народот на Португалија, додаде Калас на Икс.

Најмалку 15 лица загинаа, а 18 се повредени кога вчера околу 18:15 часот по локално (19:15 по средноевропско време) возило на железничката жичница „Глорија“, воведена пред 140 години и популарна меѓу туристите, излета од шините и удри во зграда.

Локалните власти информираа дека меѓу загинатите има и странски државјани, но нивниот идентитет не е соопштен. Петмина од повредените се наоѓаат во критична состојба.

Поради несреќата Португалија прогласи Ден на жалост.

Тагови: ЕУ Лисабон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Против пожарната единица Кавадарци уште еднаш покажа како се работи пожртвувано и тимски

Со 4 пинцгауери, 1 џип со пумпа, 2 унимога, 12 пожарникари и 1 цивил, цела ноќ се водеше тешка битка со огнената стихија на исклучително непристапен терен, објави на Фејсбук првиот човек на Кавадарци, Митко Јанчев. 

Јанчев: Против пожарната единица Кавадарци уште еднаш покажа како се работи пожртвувано и тимски

Голем пожар избувна во атарот на кавадаречкото село Раец, каде што доцна синоќа огнот бил активен на пет различни локации.

Градоначалникот на Кавадарци, Митко Јанчев, оцени дека состојбата е исклучително сериозна и соопшти дека пожарникарите и другите надлежни служби вложуваат максимални напори за локализирање на пожарот.

-Teritorijalna Protiv Pozarna Edinica-Kavadarci уште еднаш покажаа како се работи пожртвувано и тимски. На терен и во постојана координација со пожарникарите беше и градоначалникот Митко Јанчев, до раните утрински часови, се додека огнот не се локализира.

Со 4 пинцгауери, 1 џип со пумпа, 2 унимога, 12 пожарникари и 1 цивил, цела ноќ се водеше тешка битка со огнената стихија на исклучително непристапен терен.

Пожарникарите презедоа огромен ризик, работејќи без престан во многу тешки услови за да ги стават под контрола петте подметнати пожари. Нивната пожртвуваност, професионалност и несебична борба заслужуваат најголема почит.

Голема благодарност и до Васко механичарот од Дреново, кој одлично го познава теренот и цела ноќ беше рамо до рамо со пожарникарите, помагајќи им во оваа исклучително тешка акција.

Вака се сака Македонија, со дела, со храброст и со пожртвуваност.

Во меѓувреме, Министерството за внатрешни работи работи на откривање на сторителот или сторителите кои стојат зад подметнувањето на пожарите, стои во објавата на Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

72 лица загинаа за време на неодамнешниот масовен прилив на мигранти во шпанската енклава Сеута од Мароко

Најмалку 72 лица загинаа за време на неодамнешниот масовен прилив на мигранти во шпанската енклава Сеута од Мароко, соопштија шпанските власти. 

72 лица загинаа за време на неодамнешниот масовен прилив на мигранти во шпанската енклава Сеута од Мароко

Мароканските власти тврдат дека се помалку жртви 11.

Повеќето од околу 60.000 луѓе кои набрзина влегоа во северноафриканската територија на Шпанија, повеќето со пливање, се вратија во Мароко по најголемиот масовен премин на мигранти на територијата.

„ Најголемиот наплив на мигранти во енклавата предизвика меѓународна криза за Шпанија, бидејќи некои од нејзините европски партнери го критикуваа Мадрид за неговата имиграциска политика.

Шпанија ги обвини криминалните банди за ширење гласини дека неодамнешната одлука на Врховниот суд на Шпанија за имиграцијата ќе им овозможи на мигрантите полесен премин.

Некои аналитичари сугерираат дека Мароко можеби им дозволил на мигрантите да ја преминат границата за да изврши дипломатски притисок врз Шпанија, која неодамна ги подобри односите со соседниот Алжир, најголемиот непријател на Рабат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Бројот на потврдени и суспектни на „западен нил“ се искачи на 16

Расте бројот на хоспитализации поради вирусно воспаление на мозокот на Инфективната клиника во Скопје.

Бројот на потврдени и суспектни на „западен нил“ се искачи на 16

Вчера се хоспитализирани уште тројца нови пациенти со што бројот на потврдени и сомнителни случај на западно – нилска треска се искачи на 16.

Сите досега хоспитализирани имаат повеќе хронични болести и се над 60 годишна возраст....

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер