Либанската влада си поднесе оставка поради експлозијата

Либанската влада денеска поднесе оставка, пренесува АФП, а премиерот Хасан Диаб се очекува наскоро да го стори истото. Оваа вест е потврдена за локалните медиуми од страна на неколку сега поранешни министри.

Министерот за здравство Хамад Хасан им рече на новинарите по состанокот на владата: „Целата влада си поднесе оставка“. Хасан додаде дека премиерот Хасан Диаб ќе се упати кон претседателската палата каде ќе си поднесе оставка во име на сите министри.

Премиерот Диаб ќе се обрати пред нацијата во 19:30 часот по локално време, пренесува Ројтерс.

Оставките дојдоа по дводневните немири во Либан поради експлозијата во Бејрут што се случи минатиот вторник и начинот на кој владата реагира на целата ситуација.

Претходно, министерот за правда Мари Клод Најм, министерот за информации Манал Абдел Самад и министерот за животна средина Дамјанос Катар поднесоа оставки.

Покрај тоа, најмалку девет члена на парламентот поднесоа оставки.

Форд од 80-тите е најскапиот караван на светот(ФОТО)

Тргувањето со стари автомобили е денес многу профитабилна работа, особено кога станува збор за егзотични примероци на класиците од минатиот век.

Овој Форд не припаѓа скоро никаде. Тоа е издолжено возило, типично за американскиот пазар,што ја дели основата со тогашниот Мустанг. Готовиот производ е апсолутно неинтересен во однос на технологијата. Се напојува со 3.8 V6 мотор , а овој модел има 150.000 километри поминато зад себе.

Сето ова вели дека автомобилот ќе биде тешко да го смени сопственикот, дури ни за неколку илјади евра, а камоли за 1.999.999 евра, колку што бара сегашниот сопственик. Неговата самодоверба произлегува од фактот дека тој е единствен, барем кога станува збор за изгледот. Автомобилот е насликан во 1996 година од танзанискиот уметник Џорџ Лиланг.

Според огласот објавен на mobile.de, Лиланг го насликал автомобилот за време на изложбата во Фирт, Германија, кога сопственик на хотел му понудил бесплатно сместување доколку го наслика автомобилот и го претворил во уметничко дело.

Друг уметник, Пони Јенги, помогнал во креирањето на новата надворешност, украсувајќи ги предните и задните делови на возилото, додека остатокот го направил Лиланг.

Без сомнение, безличниот караван станал уметничко дело и единственото прашање е дали вреди толку многу.

НАСА планира до 2024 да ја прати првата жена на Месечината

Како дел од програмата Артемис, целта на агенцијата е да испрати маж и жена да слетаат на Месечината, првото човечко враќање на ова место од 1972 година.

Американската вселенска агенција НАСА објави планови во вредност од 28 милијарди долари за враќање на Месечината до 2024 година - и првата жена-астронаут ќе биде вклучена во таа мисија.

Но, овој распоред е условен од фактот дека сè уште не е познато кога Конгресот ќе одобри 3,2 милијарди долари за изградба на системот за слетување.

Астронаутите ќе патуваат со вселенското летало „Орион“, капсула која личи на „Аполо“ и треба да биде прикачена на моќната ракета СЛС.

"Сумата од 28 милијарди долари ги претставува трошоците поврзани со нашите активности и програмата Артемида за слетување на Месечината во следните четири години. Има пари за SLS, за Орион, системот за слетување луѓе и, се разбира, вселенски костуми ", рече Џим Брајденштајн, првиот човек на НАСА.

„Овој план бара Сенатот да одобри буџет од 3,2 милијарди американски долари за изградба на систем за слетување на луѓето следната година. Тоа е од суштинско значење“, додаде тој.

Претставничкиот дом на САД веќе донесе закон со кој се предвидени 600 милиони долари за изградба на леталото, но НАСА мора да добие повеќе пари за да го заврши тој проект.

Во јули 2019 година, Брајденштајн за Си-Ен-Ен изјави дека првата жена на Месечината во 2024 година ќе биде личност која „се докажа, веќе леташе и остана на Меѓународната вселенска станица“.

По тој повод, Брајденштајн додаде дека тоа ќе биде некој што веќе е дел од вселенските единици.

За време на интервјуто, НАСА имала 12 жени-астронаути. Во меѓувреме, се приклучиле уште пет, кои дипломирале оваа година.

Останува нејасно дали некоја од нив може да ги исполни критериумите и да лета на првата мисија на Месечината во 2024 година.

Во последната генерација астронаути имало шест жени - пет од НАСА и една од Канадската вселенска агенција.

Запрашан за распоредот за избор на членови на мисијата Артемида, шефот на НАСА рече дека се надева дека тие ќе бидат избрани две години порано.

„Важно е да започнеме да собираме тим за оваа мисија што е можно побрзо“, рече тој.

Со испраќање на тимот повторно на Месечината, Белата куќа сака да ја засили Америка како лидер во вселенската трка.НАСА, исто така, планира да собере вредни наслаги на замрзната вода од лунарниот јужен пол. Тие може да се користат за производство на ракетно гориво на Месечината - по пониска цена отколку да се донесени од Земјата.

Познато е кому Роман Абрамович му подарил 100 милиони долари

Истрагата покажала дека сопственикот на фудбалскиот клуб Челзи делел дарежливи донации преку неговите компании, пренесуваат медиумите.

Роман Абрамович, сопственикот на англискиот фудбалски клуб Челзи, наводно донирал 74 милиони фунти (100 милиони долари) на израелската имигрантска група Елад, која ги раселува Палестинците од источниот Ерусалим.

Абрамович, државјанин на Русија, има и израелско државјанство од 2018 година, откри БиБиСи, а пренесува Ал Џезаира.

Донациите ги доставувал на Елад преку неговите компании, судејќи според документите што протекоа.

Дарежливите суми одобрени од Абрамович го прават најголемиот донатор на групата, која ужива и финансиска помош од израелската држава.

Од Елад за арапски БиБиСи изјавиле дека групата се придржувала до израелските закони за невладини организации, но не потврдила дека Абрамович е донатор.

Портпаролот изјави дека Амрабович „бил посветен и дарежлив поддржувач на Израелците и еврејското граѓанско општество и дека тој донирал 500 милиони долари во изминатите 20 години за поддршка на здравствениот систем, науката, образованието и еврејските заедници во Израел и низ целиот свет“

Елад е обвинета за поддршка на населбите во Силван, во источен Ерусалим, каде 450 еврејски доселеници живеат меѓу 10 000 Палестинци, тврди Гардијан.

притисни ентер