Левица – Свети Николе: Газдата профитира, власта импровизира,а градоначалникот релативизира - Канал 5

Македонија

Левица – Свети Николе: Газдата профитира, власта импровизира,а градоначалникот релативизира

Во изминатиот период, околу 230 работници во Свети Николе, од две конфекции, фирми кои се сродни, останаа без работа. 

Левица – Свети Николе: Газдата профитира, власта импровизира,а градоначалникот релативизира

Овие работници останаа на улица како резултат на слабостите во легислативата за работни односи. Додека пак, Градоначалникот свесен за тоа како ова ќе се одрази на следните Локaлни избори, повика на средба со работниците, со цел да ја релативизира целата ситуација и да се обиде преку манипулација да „спаси некој глас“. Заради ова следеше реакција од ЛО Левица – Свети Николе, на својата фејсбук страница тие напишаа:

„Откако претходниот месец педесетина работници од светиниколските конфекции „АД Мода“ и „Камотекс“ останаа без егзистенција, овој месец слична судбина дочекаа уште околу 180 работници од истите конфекции. Работодавачот врши класична злоупотреба на Законот за работни односи, затоа што истиот овозможува да ја заобиколи регулативата, без да сноси никаква одговорност!

Според искази на вработените во конфекциите, мнозинскиот сопственик Ангел Димитров, поранешен пратеник на СДСМ познат по тоа што им има нанесено многу штети на работниците во Македонија преку својата Организација на работодавачи и кој што беше дел од криминалното приватизирање на фирмата што ја управува, намерно ја доведува фирмата во незавидна ситуација, за подоцна да може за мала вредност целосно да ја присвои!

Фирмата која некогаш броеше над 1000 вработени, денес не работи ниту со 1/3 од својот капацитет. Нејзиниот извоз е целосно намален, а ова што денес им се случува на работниците очигледно е однапред испланирано сценарио. Имено, на работниците кои работат години наназад во конфекцијата, не им било доделено решение за работен однос на неопределено работно време, а на оние кои имале вакви договори истите им биле преиначени во договори на определено работно време. Оваа слабост во законите кроени по терк на капиталот Димитров ја користи за да ги избегне обврските кон работниците така што кога ќе реши да ги отпушти, едноставно не им го продолжува договорот.

Дополнителен проблем е тоа што врз вработените се вршени разни притисоци, па голем дел од нив „сами“ си дале отказ, за на таков начин да добијат барем минимална неколкукратна помош.

Патем, сите овие работници се синдикално организирани под „капата“ на ССМ, и секој месец одвојуваат дел од нивната плата за заштита на сопствените работнички права. Некои од нив повеќе од триесет години наназад плаќале чланарина за ССМ да ги застапува нивните права, но, засега ССМ е целосно пасивен, изгледа дека повеќе е расположен да игра како што му свират, небаре е член на играорно друштво, а не синдикален сојуз!

После оваа катастрофа, градоначалникот Сашо Велковски ги покани отпуштените работници на средба „за изнаоѓање на решение“. Свесен за тоа што го чека на локалните избори после постапката на неговиот сопартиец, прави очаен обид за манипулација со работниците, смислен за ако може „да се спаси некој глас“.

Патем, во обидот за манипулација, на истата средба ќе присуствува советникот на премиерот за труд и социјална политика. Наместо да бара системско решение, централната власт на СДСМ продолжува да импровизира со цел да ги манипулира работници.

Ова е уште еден показател колку се итни и неопходни промени во Законот за работни односи.

И оваа власт, идентично како претходната, никогаш нема преземено иницијатива за решавање на легислативните проблеми во Законот за работни односи, туку напротив, со години наназад истиот го менува единствено во полза на капиталот, а на штета на работникот.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Средба со делегација од Израел

Средба со делегација од Министерството за регионална соработка на Државата Израел.

Јанчев: Средба со делегација од Израел

Градоначалникот Митко Јанчев, денес оствари официјална средба со делегација од Министерството за регионална соработка на Државата Израел, која престојува во Македонија предводена од г-дин Гилат Шадмон генерален директор на Министерството за регионална соработка на Израел.

На средбата беше разговарано за можностите за унапредување на институционалната и регионалната соработка, со посебен фокус на иновациите, претприемништвото, технолошкиот развој и размената на искуства и добри практики.

Посетата има за цел да отвори можности за идни партнерства и конкретна соработка меѓу институциите, бизнис-секторот, стартапите и другите релевантни чинители од двете земји.

Кавадарци останува отворен за нови меѓународни партнерства и иницијативи кои создаваат можности за развој, инвестиции и размена на знаења и искуства, објави на својот профил на Фејсбук, градоначалникот на Кавадарци, Митко Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Манасиевски: СДС и ДУИ го создадоа и партизираа правосудството, денес нивните кадри ги штитат нивните интереси

СДС и ДУИ го создадоа и партизираа правосудството, a денес нивните кадри ги штитат нивните блиски и нивните интереси.

Манасиевски: СДС и ДУИ го создадоа и партизираа правосудството, денес нивните кадри ги штитат нивните интереси

Дозволете да потсетам на дел од нив, лица кои се блиски до структурите на СДС.

Весна Дамева, која беше претседател на Судскиот совет, била член на партиската комисија на СДС.

Добрила Кацарска, судијката која изрече вкупно 211 години затвор за случајот 27 април, па како награда стана Уставен судија, а денес продолжува да работи во интерес на СДС, односно грчевито да се бори да го укине линеарното зголемување на пензиите од 7000 денари.

Наќе Георгиев, токму во периодот на власта на СДС, напредуваше до Врховниот суд, а потоа стана и член на Судскиот совет.

И секако, да не ја заборавиме, Вилма Русковска, обвинителката која го застапуваше обвинението за 27 април и стана еден од главните симболи на обвинителството во времето на СДС и на ДУИ.

Почитувани граѓани,

Ова се луѓето кои СДС и ДУИ со години ги поставуваа, унапредуваа и носеа на највисоките позиции во правосудството.

Токму ова е доказот дека правосудните инсталации на СДС и на ДУИ, имаат име и презиме.

Македонија мора да стави крај на правосудство предводено од СДС и ДУИ. Законот мора да важи еднакво за сите.

Валентин Манасиевски, портпарол на ВМРО-ДПМНЕ

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Франкфурт издаде предупредување поради маларија

Франкфурт издаде предупредување поради маларија. Се појавија два нови случаи на зараза.

Франкфурт издаде предупредување поради маларија

Од јули во Франкфурт се регистрирани осум случаи на маларија, од кои два завршиле со смртен исход.

По потврдувањето на два нови случаи, градскиот здравствен оддел издаде официјално предупредување со кое ги повикува граѓаните на претпазливост во врска со оваа тропска болест што ја пренесуваат комарците, пренесува „Еуроњуз“ (Euronews).

Новите случаи неодамна се регистрирани во населбата Шванхајм, која се наоѓа во непосредна близина на аеродромот во Франкфурт.

Здравствените власти испитуваат можна поврзаност, бидејќи неодамна заразените лица биле главно вработени на аеродромот.

Се претпоставува дека комарците пристигнуваат преку авиони, преживуваат во новата средина и ја шират заразата преку каснувања.

Навремената дијагноза е клучна за успешно лекување на маларијата, но проблемот е што раните симптоми често наликуваат на грип или настинка.

„Затоа е од витално значење да се земе предвид можна инфекција со маларија штом ќе се појават такви симптоми“, соопштија властите во Франкфурт. Типичните симптоми вклучуваат треска, грозница, главоболка и болки во екстремитетите; можни се и дигестивни проблеми.

„Таквите знаци често се мешаат со грип или гастроинтестинална инфекција“, објаснуваат од Институтот „Роберт Кох“. Постојат неколку форми на болеста и не сите се смртоносни.

Најопасната форма е *malaria tropica* (тропска маларија), која може да биде фатална доколку не се дијагностицира и лекува брзо. Поради тоа, германското Министерство за надворешни работи ја класифицира како болест што претставува закана по животот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер