Ленс Армстронг среде огромен скандал: На Тур’д Франс користел мотор (ВИДЕО)

Ленс Армстронг, осрамотениот поранешен шампион во велосипедизам, е во центарот на нов скандал, можеби најлудиот од сите досега.

Францускиот новинар Антоан Вајер презентира докази дека Американецот користел таканаречен технолошки допинг за време на Тур де Франс, односно дека инсталирал мал мотор на неговиот велосипед.

Армстронг остана без седум титули од Тур де Франс што го освои во периодот од 1998 до 2011 година, поради признанието за допинг, откако една година подоцна јавно призна сè.

Сега Амстронг е обвинет за најбизарното дело во аферата. Обвинувањата на Вајер ги потврдил и Жан-Пјер Верди, поранешен шеф на Антидопинг агенцијата на Франција. Верди тврди дека постојат докази дека Амстронг го користел моторот.

„Амстронг е најголемата измама. Комплицирано е на секое ниво. Со години имаше посебен третман. Многумина ми рекоа да не обрнувам внимание на бројните приказни, но многу од нив беа сомнителни. Разговарав со сите допинг-специјалисти што ги познавав и тие не можеа да разберат дека некој може да изведе ваква изведба и покрај допингот “, рече Верди.

Како одговор на сите овие обвинувања, пристигна видео од француски новинари на кое се гледа како Армстронг го допира задниот дел од својот велосипед додека возел, за да го запали вградениот мотор. Таквите делови се продаваат од 1998 година, но се забранети на трки.

Моторот тежи само 800 грама и затоа може лесно да се скрие на велосипедот. Се состои од мотор што може да произведе 500 W моќност и батерија што се вклопува во шише што го користат велосипедистите.

Сепак, и покрај моторот, велосипедистот мора да ги врти педалите, вели Хари Гибингс, шеф на Тајфун, производител на овие типови мотори.

„Не е како возење мотор. Мора да работиш напорно за да се движиш “, објасни тој.

Лазаревска: Со измените на Законот за наставници обезбедуваме сигурност за наставниот кадар

Денеска на Комисијата за образование наука и спорт овде во Собранието расправаме важни измени и дополнувања на закони од областа на образованието.

Со измените на Законот за наставниците и стручните соработници во основните и средните училишта и Законот за Бирото за развој на образованието реализираме две важни ветувања дадени пред граѓаните кои беа дел и од изборната програма на СДСМ за последните парламентарни избори.

Преку измените на Законот за наставници и стручни соработници во основното и средното образование обезбедуваме правна и економска сигурност на наставниот кадар.

Наставниците и стручните соработници отсега директно ќе се вработуваат на неопределено време доколку ги исполнат законски предвидените услови, односно, со новиот закон им се трансформира работниот однос на сите наставници и стручни соработници кои до моментот на негово стапување на сила се ангажирани на определено време, ако за тоа ги исполнуваат условите.

На овој начин би се опфатиле над 4.700 просветни работници и тоа: 1.464 наставници и стручни соработници кои во моментов се ангажирани на определено работно време до 2 години и 3.326 наставници ангажирани на определено работно време над 2 години на кои не им е трансформиран работниот однос.

Законското решение ќе обезбеди создавање на правна и економска сигурност на наставниците и стручните соработници преку засновање на работниот однос на неопределено време, подобрување на квалитетот на воспитно-образовниот процес преку воспоставување на континуитет во реализацијата на наставата, како и овозможување на професионален и кариерен развој на овие наставници и стручни соработници.

Со ова ставаме крај на неправдите кон одреден број наставници и стручни соработници кои немаа еднаков статус со нивните колеги.

Сепак јавноста треба да знае дека и покрај тоа што овие измени се во интерес на наставниот кадар, во интерес на образовниот процес и во интерес и на учениците, ВМРО-ДПМНЕ и по однос на овие измени се однесува деструктивно и работи на штета на граѓаните.

Пратениците на ВМРО-ДПМНЕ, членови на Комисијата за образование, наука и спорт денеска се противат наставниците и стручните соработници да добијат правна и економска сигурност, да се ослободат од стресот предизвикан од неизвесноста дали ќе им се продолжи работниот однос, тие се против тоа да се обезбеди континуитет во реализацијата на наставниот процес што е важно, како за самиот наставник, така и за учениците и нивните родители.

Ја уверуваме јавноста, ги уверуваме наставниците и стручните соработници дека и покрај деструкциите, измените на овие важни закони ќе бидат донесени и наскоро ќе започне и нивната реализација.

Прес- конференција, Жаклина Лазаревска, пратеничка на СДСМ

Комуналното претпријатие и вицепремиерот Груби во заедничка акција пред Рамазан Бајрам

Муслиманските верници утре го слават Рамазан Бајрам светиот месец во кој се верува дека се слави победата на верата над неверството, на доброто над злото на великодушноста над скржавоста. 

По тој повод се мијат и дезинфицираат џамиите како и просторот околу нив со цел побезбедно одбележување на празникот од ковид 19 пандемијата..

Во чистењето и дезинфекцијата што ја спроведе Комуналното претпријатие Скопје, синоќа се вклучи и првиот вицепремиер Артан Груби. Тој на фејсбук напиша:

„Вечерва заедно со општинските работници за хигиена ги чистиме, дезинфицираме и подготвуваме џамиите во Скопје во пресрет на Рамазан Бајрам“.

Како што соопшти ЈП Комунална хигиена-Скопје, направено било рачно и машинско миење на поголемите исламски верски објекти на територијата на градот Скопје како што се: џамиите Мурат Паша и Мустафа Паша во Старата скопска чаршија, Јахја паша во Чаир, џамијата Иса Бег на Бит Пазар, џамијата Дуќанџик, џамијата Хусеин Шах во Сарај и други“, се вели во соопштението.

Над 7.000 граѓани вакцинирани во штипскиот регионален пункт

Во регионалниот пункт во салата „Јордан Мијалков" во Штип досега се имунизирани над 7.000 граѓани. Само до 12 часот денеска се аплицирани 600 вакцини на кинеската „Синофарм".

Лекарката на регионалниот пункт во Штип, Дијана Коцева Миланова за МИА изјави дека од отворањето на пунктот, но и при имунизацијата на населението во пунктовите на здравствените домови во општините од штипскиот и струмичкиот регион над 10.000 граѓани примиле вакцина.

-Во нашиот пункт досега се пристигнати околу 14.500 вакцини, од кои дел се дистрибуирани и на здравствените домови во штипскиот и струмичкиот регион. Во моментов се имунизираат граѓаните над 60 години, кои имаат добиено порака од „Мој Термин" и се пријавиле на апликацијата на Министерството за здравство. Покрај вработените од штипските основни и средни училишта, од денеска се имунизираат и вработените во училиштата во Пробиштип, а од утре ќе ги вакцинираме и од Кочани, вели Коцева-Миланова.

Таа додаде дека на пунктот се примаат и лицата со хронични болести, како и вработените во останатата критична инфраструктура. Планирано е и денеска да се аплицираат над 1.500 вакцини. Во текот на денот телефонски се јавувале и граѓани над 55 години, кои имаат изразено интерес за вакцинација на апликацијата и како што вели ги информирале дека добиле порака да се имунизираат во петок, со што старосната граница почнува да се спушта.

притисни ентер