Лекар предупредува дека одреден вид храна е поштетна од пушењето - Канал 5

Здравје

Лекар предупредува дека одреден вид храна е поштетна од пушењето

Британскиот доктор Крис ван Тулекен упати остро предупредување за храната за која тврди дека би можела да биде дури и поштетна за вашето здравје од пушењето...

Лекар предупредува дека одреден вид храна е поштетна од пушењето

Британскиот доктор Крис ван Тулекен упати остро предупредување за храната за која тврди дека би можела да биде дури и поштетна за вашето здравје од пушењето, наведувајќи дека таа е една од водечките причини за предвремена смрт. Иако во последниве години акцентот е на откажувањето од пушење и намалувањето на консумирање алкохол, се чини дека ултра-преработената храна е многу поопасна.

Што се ултра-преработена храна?

Тоа се намирници кои често содржат конзерванси, емулгатори, вештачки засладувачи и други адитиви и голем дел од нив ги јадеме секојдневно. Тоа не се не само производи кои вообичаено се сметаат за нездрави, како што се чоколадата и грицките, туку и храна која често се смета за здрав избор, како што се производите од пилешко месо или лебот од цели житарки.

Примери за ултра-преработена храна:

газирани и енергетски пијалаци

индустриски сокови и засладени ледени чаеви

чоколатца, бонбони, колачи, бисквити

чипс, флипс, индустриски грицки

инстант супи и готови оброци

хот-дог, салама, пилешки медалјони, „нагетс“

паштети и многу месни производи

спакуван бел и тост-леб со многу адитиви

некои „фит“ или „протеински“ печива и плочки

засладени јогурти, пудинзи и десерти

индустриски житни снегулки за појадок

маргарин и разни преработени намази

замрзнати пици и готови сендвичи

сосови и преливи со долг список на состојки

„Оваа храна го надминува тутунот како водечка причина за смрт“

Д-р Крис ван Тулекен, кој долго време предупредува на важноста на здравата исхрана, го привлече вниманието укажувајќи на опасноста на ултра-преработената храна, во време кога расте бројот на случаи на рак на дебелото црево поврзани со консумација на оваа храна.

При гостување во подкастот „Дневникот на еден извршен директор“, тој изјави: „Долго време бевме целосно збунети околу тоа што всушност треба да јадеме. Храната што е лоша за нас ја нарекувавме брза или преработена храна - онаа со висока содржина на масти, сол и шеќер. Не знаевме како јасно да ја дефинираме, дури ни кога болестите поврзани со таквата исхрана земаа замав“.

Иако квалитетните намирници се често поскапи од ултра-преработената храна, што ги прави помалку достапни за многумина, особено за оние со пониски приходи, последиците од ваквата исхрана можат да бидат сериозни. Тој вели дека лошата исхрана богата со ултра-преработена храна „го надминала тутунот како водечка причина за предвремена смрт“ на глобално ниво.

Ван Тулекен верува дека причината за ова е и поширокиот начин на кој се произведува таквата храна. „Ултра-преработената храна доаѓа од прехранбен систем кој е водечка причина за губење на биодиверзитетот, втора најголема причина за емисии на јаглерод и водечка причина за загадување со пластика“, вели тој.

Тој додава дека пред околу 12 години е развиена дефиниција која го опишува западниот, индустриски модел на исхрана, првенствено карактеристичен за Соединетите Американски Држави. „Таа е развиена од тим во Бразил, а голем дел од најдобрите истражувања на оваа тема доаѓаат од земјите од Централна и Јужна Америка“, вели тој.

Потоа продолжи: „Единственото нешто што се промени е пробивот, генерално кажано, на американската исхрана базирана на индустриски преработена храна. Дефиницијата настана во 2009 или 2010 година, а денес имаме една деценија докази што многу јасно покажуваат дека ултра-преработената храна е одговорна не само за епидемијата на дебелина, туку и за голем број други здравствени проблеми, вклучително и предвремената смрт.“

Научни студии ги потврдуваат ризиците

Тврдењата на д-р Ван Тулекен се поткрепени од бројни студии што ја поврзуваат ултра-преработената храна со голем број здравствени проблеми и болести: дебелина, дијабетес тип 2, срцеви заболувања и рак на дебелото црево.

Студија од 2024 година објавена во Националната медицинска библиотека наведува: „Високата консумација на ултра-преработена храна е поврзана со зголемен ризик од разни хронични болести и нарушувања на менталното здравје.“

Авторите на студијата го истакнуваат и следново: „До денес, ниедно истражување не покажало поврзаност помеѓу внесувањето ултра-преработена храна и поволните здравствени исходи. Овие наоди сугерираат дека исхраната со ниска содржина ултра-преработена храна може да има големи придобивки за јавното здравје.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Авион на „Рајанер“ удри во пистата со крило при грубо слетување (ВИДЕО)

Авион на „Рајанер“ на лет од Манчестер до Даблин направи ризично слетување за време на бура, а снимката снимена од патник покажува како врвот на крилото ја удира пистата.

Авион на „Рајанер“ удри во пистата со крило при грубо слетување (ВИДЕО)

Авионот силно отскокнува и скршнува од курсот при слетувањето, но пилотите успеале да ја одржат контролата врз авионот.

Видеото го прикажува крилото на Боингот 737 како се витка под налетите на ветерот пред неговиот врв накратко да ја допре пистата. Патник по име Метју, кој го снимил инцидентот, го опишал искуството како „многу страшно“, но ја пофалил реакцијата на пилотите.

Незгодно слетување

„Пилотите завршија неверојатна работа. Авионот силно отскокнуваше при слетувањето, потоа се крена и се сврте надесно. Да бидам искрен, мислев дека крилото е готово“, рече тој.

„Рајанер“ потврди дека летот „FR5042“ од Манчестер слета во Даблин поради силни ветрови, но ја опишуваат ситуацијата поинаку. Во официјалното соопштение, тие наведуваат дека авионот слета „нормално“ и дека по корекцијата, слета на пистата при вториот обид без тешкотии.

Инцидентот се случил за време на бурата Кетлин што ја погоди Ирска. Налетите на ветер достигнаа брзина и до 113 километри на час, поради што неколку летови на аеродромот во Даблин беа откажани или пренасочени кон други дестинации.

Извор: Индекс.хр

Тагови: Рајанер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено

Интензитетот на сообраќај на патните правци надвор од градските средини е зголемен

Сообраќајот на државните патишта се одвива непречено

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

ВИА ДОО Вевчани известува, поради реконструкција на граничниот премин Делчево, од 09.09.2026 воведен е времен режим на сообраќај. За целото времетраење на градежните работи граничниот премин ќе фунционира непрекинато и сообраќајот ќе се одвива нормално.

Во периодот од 17.08.2026 до 01.10.2026 година, поради изведување работи на објектот „Санација на косина на автопат А4, делница Миладиновци – Свети Николе – Штип (кај наплатна станица Преод)“, ќе биде изменет режимот на сообраќај пред наплатната станица Преод

Од 06.07.2026 г. започна времена измена на сообраќајот при санација на мост на река Брегалница на Р1204 во Штип и ќе трае до завршувањето на санацијата.

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес променливо облачно со повремени врнежи од дожд

Времето денес ќе биде променливо облачно со повремени врнежи од дожд.

Денес променливо облачно со повремени врнежи од дожд

Локално врнежите ќе бидат во форма на невреме со пороен дожд (над 15l/m2), грмежи и засилен ветер. Ќе дува умерен, а долж Повардарието повремено засилен ветер од северозападен правец, кој повремено ќе достигнува брзина од 40 km/h. Минималната температура ќе биде во интервал од 12 до 19, а максималната ќе достигне од 27 до 33 степени.

Во Скопје, променливо облачно со повремени врнежи од дожд. Во делови од котлината врнежите ќе бидат во форма на невреме со пороен дожд, грмежи и засилен ветер. Минималната температура ќе се спушти до 19, а максималната ќе достигне до 26 степени.

Денес ќе биде променливо облачно со повремени врнежи од дожд. Локално врнежите ќе бидат поројни и пообилни (над 15 l/m²), проследени со грмежи и засилен северен ветер (над 40 km/h). Дневната температура ќе биде во опаѓање. Потоа следува период на сончево време со мала до умерена облачност. Во вторник и четврток наместа ќе има услови за врнежи од дожд.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер