Легализацијата и декриминализацијата на марихуаната деновиве сериозно ја разбранува јавноста. Премиерот Зев во интервју за Дојче Веле најави дека идејата преку контролирани услови да се дозволи употребата на марихуаната во угостителските објекти може многу да помогне за сериозен развој на туризмот и угостителството но под услов да се почитуваат стандарди за вентилација и да има доказ за потекло на марихуаната.

Од здружението за канабиси зелени политики засега се претпазливи по најавите за легализација на марихуаната за рекреативно туристички цел бидејќи стравуваат да не се случи истото сценарио како со легализацијата за производство на медицински канабис.

Од здружението билка сметаат дека нема да се реши проблемот ако се остварат најавите дека во законското решение ќе има ДДв од 50 до 70% бидејќи на тој начин ќе се поттикне уште повеќе сивата економија. Клиничкиот токсиколог Чибишев кој повеќе од 20 години ја следи употребата на опојните дроги категорично е против идејата на владата бидејќи засега нема сериозна клиничка студија за тоа лековите својства на канабисот а има докази за штетноста особено кај помладата популација. Во Америка најголемиот број од тешките сообраќајни незгоди се случиле заради возење под дејство на марихуаната.

Дека идејата веќе е во напредна фаза се гледа и од ставот на министерот за правда Бојан Маричиќ, кој најави ќе се инсистира доследно и без исклучок да се спроведуваат на законите во оваа област за да неможе секој да ја толкува декриминализацијата на свој начин.