ТехнологијаЛансиран е огромен сателит, би можел да ги засени сите ѕвезди и планети на ноќното небо (ВИДЕО)Приватните вселенски компании работат напорно за да ја пополнат орбитата на нашата планета со огромен број сателити.Меѓу нив, компанијата SpaceX се издвојува со својата серија сателити Starlink, кои на крајот треба да се состојат од неколку десетици илјади објекти, од кои секој тежи околу 260 килограми. Во саботата беше лансиран сателитот BlueWalker 3, кој е толку голем што може да биде посветол од кое било друго тело на ноќното небо, освен Месечината. Овој факт особено ги загрижил астрономите и љубителите на ноќното небо. Имено, ново лансираната серија сателити веќе им пречат на научните набљудувања од Земјата и некои радио сигнали, пишува Futurism. BlueWalker 3 е изграден од AST SpaceMobile со седиште во Тексас. Тој е дизајниран да ја тестира мобилната технологија, вклучувајќи 4G и 5G интернет. Тоа е најголемиот комерцијален комуникациски сателит некогаш лансиран, тежок околу 1.500 килограми. Подоцна, компанијата има намера на него да постави антена долга осум метри, односно огромен рефлективен објект кој прилично ги загрижува астрономите бидејќи BlueWalker 3 би можел, за време на неговото поминување, практично да ги засени сите околни ѕвезди и планети на небото. „Загрижени сме. Тоа би можело да биде најсветлиот објект на ноќното небо, потенцијално посветлен од Венера“, изјавил астрономот Џон Барентин од Dark Sky Consulting во Аризона, како што објави New Scientist. „BlueWalker 3 може, додека испраќа податоци од орбитата до нечиј мобилен телефон, да создаде проблеми за радиоастрономската опрема. Ние сме загрижени за количината на енергија што ќе ја емитува“, додаде тој. Уште полошо, AST SpaceMobile планира во иднина да лансира повеќе од 100 сателити наречени BlueBirds, кои се двојно поголеми од BlueWalker 3. "Колку се посветли овие објекти, толку поголема штета ќе предизвикаат на сликите на ноќното небо. Повеќето астрономи го прифаќаат фактот дека во иднина ќе има сѐ повеќе и повеќе сателити. Она што тие го сакаат е мирен соживот. Се разбира, сателитите не можат да станат невидливи “, рече Барентин. BlueWalker 3 бил испратен во вселената од компанијата SpaceX со нивната ракета Falcon 9. Сателитот бил лансиран во саботата навечер од платформата 39A на вселенскиот центар Џон Г. Кенеди (KSC) на НАСА во Флорида.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаМицкоски во Вашингтон на средби со американски конгресмени: Фокус на стратешкото партнерствоСо средби со конгресмени, премиерот Мицкоски ја почна посетата на Соединетите Американски Држави..Мицкоски прво оствари средба со претседателот на Поткомитетот за Европа во комитетот за надворешни работи на претставничкиот дом на САД, Кит Селф, а на средбата како што информира Мицкоски на фејсбук, разговарале за значењето на стратешкото партнерство меѓу Македонија и САД, за заедничките интереси и за можностите за понатамошно продлабочување на соработката. На средбата со конгресменката Клаудија Тени, инаку копретседавач на македонската група за пријателство во конгресот на САД, се разговарало за традиционално силните и пријателски односи меѓу двете земји, како и за значењето на парламентарната соработка и размената на искуства меѓу двете земји..Тагови: Христијан Мицкоски Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиМицкоски во Вашингтон на средби со американски конгресмени: Фокус на стратешкото партнерство08:52Специјализираниот суд во Хаг ги осуди четворицата водачи на ОВК на вкупно 81 година затвор15:00Хашим Тачи и Јакуп Красниќи осудени на по 25 години затвор за воени злосторства11:53ЦУК. Вкупно 12 пожари на отворен простор, нема активни, еден под контрола, 11 изгаснати08:21Судење за Ристов: Таткото на судијата тврдел дека парите се негови, но не сакал децата да знаат дека има толку пари15:00
Судење за Ристов: Таткото на судијата тврдел дека парите се негови, но не сакал децата да знаат дека има толку пари15:00
МетеоСончево со мала до умерена локална облачностВремето денес според Управата за хидрометеролошки работи ќе биде сончево со мала до умерена локална облачност. Ќе дува слаб до умерен ветер претежно од југоисточен правец. Минималната температура ќе биде во интервал од 8 до 16, а максималната ќе достигне од 25 до 32 степена. Во Скопје, сончево со мала облачност. Ќе дува слаб ветер од променлив правец. Минималната температура ќе се спушти до 13, а максималната ќе достигне до 31 степен. УХМР најавува дека до сабота ќе се задржи стабилно време. Во недела ќе има повремени врнежи од дожд и наместа услови за нестабилност со пороен дожд, појава на грмежи и засилен ветер. Локално пообилни врнежи се очекуваат во понеделник. Од вторник поради продор на постуден воздух од север ќе има опаѓање на дневната температураКрадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаЦУК: Нема активни пожари, по контрола се двата во Јасен и НовациВо изминатото деноноќие во земјава се регистрирани вкупно 16 пожари на отворен простор, од кои два се под контрола, а 14 се целосно изгаснати. Во моментов нема активни пожари, соопшти Центарот за управување со кризи (ЦУК). Под контрола се пожарите кај селата Белица и Јасен, како и кај Рапеш и Маково во Општина Новаци.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook