Ламборџини ја затвори својата единствена фабрика во Италија поради коронавирусот

Италијанскиот произведувач соопшти дека неговиот погон сигурно нема да работи до 25 март.

Пандемијата на коронавирусот силно ја погоди автомобилската идустрија.

Освен откажувањата и одложувањата на меѓународните саеми, како и падот на продажба на новите автомобили во многу земји, вонредните околности доведуваат и до прекинување на работата во одредени фабрики.

Најнов таков случај е забележан во Италија, каде ламборџини привремено го затвори погонот Сант Агата. Со оглед дека тоа е единствена фабрика на овој произведувач, во наредните две недели од производната лента нема да излезе ниту едно Ламборџини.

Во компанијата велат дека оваа одлука ја донеле во духот на општествената одговорност за актуелните околности и грижата за своите работници.

Како што се наведува, менаџментот ќе ја следи ситуацијата, за производството на биде што поскоро продолжено кога за тоа ќе се стекнат услови, но тоа секако нема да се случи пред 25 март.

притисни ентер