Балкан

Лајчак и Ескобар побараа од Курти конретни чекори за смирување на состојбата во северно Косово

Лајчак и Ескобар на синоќешната средба во владата на Косово пред Курти изнеле три барања кои треба да ги исполни со цел да се излезе од тензичната ситуација во која се наоѓа земјата.

Специјалниот пратеник на Европската унија за дијалогот меѓу Косово и Србија, Мирослав Лајчак и заменикот помошник државен секретар на САД и специјален пратеник на претседателот Џо Бајден за Балканот, Габриел Ескобар, побараа од косовскиот премиер Албин Курти да преземе конкретни чекори за смирување на состојбата во северно Косово, каде што повеќе од десет дена продолжуваат протестите на локалните Срби против новоизбраните градоначалници Албанци.

Како што јави дописникот на МИА од Приштина, Лајчак и Ескобар на синоќешната средба во владата на Косово пред Курти изнеле три барања кои треба да ги исполни со цел да се излезе од тензичната ситуација во која се наоѓа земјата.

- Прво е смирување на состојбата, второ се брзи избори на северот и трето е враќање на дијалогот за нормализација, изјави Лајчак пред новинарите по средбата со Курти, додавајќи дека неговата мисија, заедно со америкаснкиот дипломат, „тукушто започна“.

Посредникот на ЕУ рече дека синоќешната дискусија со косовскиот премиер била „долга и напорна“.

Американскиот емисар, Ескобар изјави дека во Косово дошол „како голем поддржувач на косовската држава“ и додаде дека главно барање кое му е синоќа изнесено на Курти е да ја послуша меѓународната заедница.

- Има големо трансатлантско единство, меѓу САД, ЕУ и НАТО, кои ги изнесуваат истите барања. Се надевам дека ќе бидеме послушани. Една работа сакам да кажам: дојден сум како голем поддржувач на Косово. Ние сме најголемите поддржувачи на вашата безбедност, независност, суверенитет и територијален интегритет. Бараме само да бидеме послушани, изјави Ескобар.

Европскиот и американскиот дипломат најавија дека ќе ја продолжат посредничката мисија и во текот на денешниот ден. За претпладне е најавена средба со косовската претседателка, Вјоса Османи, а подоцна ќе отпатуваат за Белград, каде што, меѓу другото, се очекува да се сретнат со претседателот на Србија, Александар Вучиќ. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда, Џенифер Лопез во исхраната и рутината за вежбање за да изгледа вака супер на 57 години.

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“.

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.