Лајчак бара формирање ЗСО, па потоа потпис на договорот за нормализација меѓу Србија-Косово - Канал 5

Балкан

Лајчак бара формирање ЗСО, па потоа потпис на договорот за нормализација меѓу Србија-Косово

Ако нема согласност за формирањето на Заедницата на српски општини, нема ниту договор, порачува специјалниот пратеник во дијалогот меѓу Белград и Приштина, Мирослав Лајчак.

Лајчак бара формирање ЗСО, па потоа потпис на договорот за нормализација меѓу Србија-Косово

Ако нема согласност за формирањето на Заедницата на српски општини, нема ниту договор, порачува специјалниот пратеник во дијалогот меѓу Белград и Приштина, Мирослав Лајчак, пред средбата Вучиќ – Курти во Охрид, навестувајќи дека токму главното барање на Србија ќе биде една од клучните теми во сабота.

-Состанокот во Охрид има цел да се договориме за исполнувањето на Договорот, кој има толку голема поддршка во ЕУ, каква не помнам дека имал во минатото. Ако нема ЗСО, нема ниту Договор, изјави Лајчак за РТС.

Курти, кој во изминатиот период категорично отфрлаше можност да прифати формирање на Заедница на српски општини денеска не ја коментираше пораката на Лајчак. Рече дека негов приоритет е да се постигне согласност за имплементација на предлогот од 11 точки и дека со оптимизам патува за Охрид. За разлика од него, Вучиќ е воздржан и не отстапува од предусловот за формирање на Заедницата. По средбите со Лајчак, тој утре во Белград ќе разговара високиот американски дипломат Габриел Ескобар.

-Ако некој не е подготвен ниту да разговара, а камоли да ја спроведе Заедницата на српските општини не знам која е смислата. Во среда или четврток ќе ви се обратам пред патувањето во Охрид и ќе кажам како гледам на сѐ и што мислам за сѐ. , изјави Александар Вучиќ, претседател на Србија.

В сабота во Охрид, двоецот Борел – Лајчак прво ќе одржат одвоени, а потоа и заедничка средба со Вучиќ и Курти. Главна тема, според најавите, е да се трасира патоказ за имплементација на планот за нормализација на односите. Шефицата на Европската Комисија, Фон дер Лајен денеска ги повика двете страни да го прифатат планот, кој како што рече, е клучен за стабилноста на целиот регион.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претседателката Сиљановска-Давкова ќе учествува на Самитот за климатски промени (COP31) во Анталија

Претседателката Гордана Сиљановска-Давкова, денеска во Анталија, Република Турција ќе учествува на Лидерскиот самит во рамките на 31. Конференција на страните (COP31) на Конвенцијата на Обединетите Нации за климатски промени.

Претседателката Сиљановска-Давкова ќе учествува на Самитот за климатски промени (COP31) во Анталија

Предвидено е претседателката да се обрати на првата пленарна сесија за шефови на држави и влади, како и на дијалогот на високо ниво, посветен на транзицијата кон чиста енергија и електрификацијата. Таа ќе оствари билатерални средби со дел од учесниците на самитот.

Во состав на македонската делегација на COP31 се министерот за животна средина и просторно планирање, Муамет Хоџа и министерката за енергетика, рударство и минерални суровини, Сања Божиновска.

Тагови: Сиљановска - Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во полиција задржан романскиот возач на камионот по верижните судири на автопатот „Тракија

Бугарската влада го прогласи 11 ноември за ден на национална жалост по вчерашната трагедија во која во верижен судир на автопатот „Тракија, загинаа 11 лица, а 51 лице се повредени.

Во полиција задржан романскиот возач на камионот по верижните судири на автопатот „Тракија

Романскиот возач на камионот, кој учествувал во еден од двата верижни судири на автопатот „Тракија“ во бугарија, е задржан во полиција.Тој веќе бил сослушан, а се очекува повторно да даде исказ во текот на денот.Засега не е утврдено како се движел камионот непосредно пред несреќата.

Според првичните информации, видливоста на автопатот нагло се намалила.Полицијата проверува дали камионот се движел со мала брзина или се вклучувал од споредна лента.Во двата верижни судири, во близина на клучката Зимница, учествувале вкупно 86 возила.Во правец кон Бургас се судриле 63 возила, а кон Софија уште 23.

Бугарските истражни органи најавија дополнителни вештачења за утврдување на причините за несреќата .

Тагови: Бугарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Венецијанската комисија ќе го оценува новиот модел за полагање на правосудниот испит

Владата ќе побара итно мислење од Венецијанската комисија за предложениот модел за полагање на Правосудниот испит.

Венецијанската комисија ќе го оценува новиот модел за полагање на правосудниот испит

Со овој чекор, како што соопштуваат од Министерството за правда, се обезбедува независна меѓународна експертска оцена за усогласеноста на предложеното решение со Уставот, меѓународните правни инструменти и европските стандарди.За време на престојот на експертите предвидени се и практични демонстрации на писмениот дел од испитот во Апелациониот суд во Скопје, како и на усниот дел во просториите на Министерството за правда..

Предложениот модел предвидува воведување единствен систем на полагање, со еднакви услови и исти професионални критериуми за сите кандидати, без посебни испити или различни стандарди, велат од правда..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер