Регулаторната комисија за енергетика ја објави новата одлука за цените на нафтените деривати, според која, од полноќ дизелот ќе се продава по 87,50 денари за литар, додека бензините ќе чинат 87,50, односно 90 денари за литар.

Одлуката доаѓа во моменти кога завршува кризната состојба во земјава, со што престанува да важи и владината мерка за намалени акцизи на нафтените деривати, а од утре пак истекува и попустот од два денари по литар што го одобруваше ОКТА. Сепак премиерот Христијан Мицкоски потсетува дека одлуката на РКЕ се темели на движењата на цените од изминатата недела и очекува веќе од следната значително да се намалат цените горивата во земјава, согласно актуелните состојби на светските берзи.

-Следната недела очекувам значајно намалување бидејки од денеска цените на берзите на нафтата и нафтените деривати драматично опаднаа, ги следев патувајки кон Битола негде 82,83 долари за барел се движат така што веќе следната недела очекувам поголемо и позначајно намалување, инаку и понатаму остануваме земја која што има најниска цена на бензините и дизел горивата во регионот. Ако овој договор меѓу САД и Иран што го објавија пакистанците е финален и конечен и се става крај на оваа неколку месеча војна која ја предизвика најголемата енергетска криза во последниот милениум, тогаш можеме да бидеме прилично среќни како се справивме во овие предизвикувачки времиња, не очајувавме,- - Христијан Мицкоски- претседател на Влада .

Ценовниот притисок врз горивата започна пред околу три месеци, кога ескалацијата на конфликтот на Блискиот Исток предизвика нагло поскапување на нафтата на светските берзи. Во тој период македонската влада прогласи кризна состојба во енергетиката и воведе мерки за намалување на ценовниот шок, меѓу кои и намалени акцизи и ДДВ за нафтените деривати.

Според премиерот Мицкоски и покрај турбуленциите на светскиот пазар, Македонија останала меѓу земјите со најниски цени на горивата во регионот. Тој посочи дека тоа особено се чувствува во пограничните градови, каде дел од бензинските станици бележеле и до 50 проценти поголем промет..+

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ваквите постапки претставуваат напад врз принципите на безбедноста, дипломатските односи и меѓународното право и не смеат да имаат место во демократска држава.

Надлежните институции веќе преземаат интензивни мерки за целосно расчистување на случајот и откривање на сторителите. Како Влада сакаме да испратиме јасна порака дека секој обид за предизвикување тензии, ширење омраза или нарушување на безбедноста ќе биде максимално санкциониран.

Државата има капацитет и ќе одговори со целосна сила на институциите и нема да дозволиме поединци да ја нарушуваат репутацијата на Македонија.

Очекуваме брза и ефикасна истрага, целосно расветлување на настанот и соодветна кривична одговорност за сторителите.

Владата останува цврсто посветена на заштитата на сите граѓани и дипломатски мисии во земјата и на зачувувањето на стабилноста, безбедноста и добрососедските односи.

Влада на РМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Затворање на сите фронтови на 60 дена, вклучувајќи го и оној во Либан и отворање на Ормускиот Теснец, и од Иран и од морската блокада на САД – Вашингот и Техеран, со посредување на Исламабад, постигнаа прелиминарен договор по три и пол месеци да стават крај на војната, кој ќе го официјализираат в петок во Швајцарија.

Договорот ќе донесе мир и безбедност во регионот, нешто што многу претседатели на САД се обидоа да го постигнат, но потфрлија, порача претседателот Трамп, кој додаде дека „нафтата повторно ќе почне да тече“.

-Лидерите во регионот за прв пад најдоа претседател кој може да им помогне да постигнат вистински мир. Со отврањето на Ормускиот Теснец по потпишувањето на договорот во петок, со цел да се отстранат мините, нафтата повторно ќе тече на двата краја од регионот и во светот,- Доналд Трамп.

Сепак, најтешките теми се оставени за 60 дена примирије, каде ќе следува нова рунда на преговори за најчувствителните прашања – Иранската нуклеарна програма, санкциите од САД и замрзнатите средства на Техеран.

Според САД, договорот е доказ дека Иран е принуден на ограничувања – земјата од Блискиот Исток пак истиот го претставува како дипломатска победа, оти според тамошните власти, Техеран ги зачувал клучните позиции и го приморал Вашингот да седне на маса.

-Непријателот беше принуден да побара прекин на огнот и преговори, а сега ние сведочиме на нацрт – договор во кој сите наши позиции, како и важните прашања кои ги сметаме за неопходни, се вметнати. Како и да е, она што беше поврзано со обврските на Иран се спроведуваат и ќе бидат спроведени. Другте одредби од меморандумот за разбиаре ќе произлезат од формалното потпишување на меморандумот во петок,- - Казем Гарибабади – Заменик министер за надворешни работи на Иран.

Поголемиот дел од светските лидери, вклучувајќи ги и ОН го поздравија договорот – Потпретседателката на ЕК, Каја Калас кажа дека истиот е добредојден и денеска ќе биде тема на дискусија со министрите за надворешни работи, а ЕУ се нуди да даде своја експертиза во неговата реализација.

Бевме во контакт со Иран, но и со партнерите од Заливот, исто така и со нашите американски колеги да понудиме помош, бидејќи имаме експертиза кога станува збор за нуклеарни преговори, на пример.

Наспроти ова, Тел Авив со многу „поладен“ став – според нив договорот е недовршен и потенцијално ризичен компромис. Децидно порачаа, не се повлекуваат од Либан и дека го задржуваат правото на самостојна воена акција, но и на жесток одговор доколку Иран повторно посегне да зајакнува нуклеарно – став кој го потврди и амбасадорката на Израел во Македонија, при нејзината посета.

Ормускиот теснец кој почна да се отвора, но е се уште далеку од нормализација, веднаш доведе до поместувања на берзите. Нафтата од типот Бренд е со пад од 4% и тримесечен минимум од 84 долари по барел. Пред да започне конфликтот, беше 75 долари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.