ЖивотКуфери за патување: Кој е најдобар – платнен или пластичен? Ако го изберете овој, „среќно“ со пакувањето! Сезоната на годишни одмори е во полн ек, а една од темите која секогаш оди заедно со тоа е – куферот!Секоја година беспомошно се обидуваме да ги спакуваме работите во еден куфер, што може да биде вистински предизвик ако патуваме 10 дена на некоја далечна дестинација. И тогаш сфаќаме – ни треба поголем куфер или дури два. Многу „YouTube“ туторијали ќе ви покажат како најбрзо и најдобро да се спакувате, но ниту еден нема да ви каже дека можеби всушност имате погрешен куфер. Ова се некои предности и недостатоци на куферите кои ги носи околу 90% од луѓето на годишен одмор. Имено, повеќето модерни куфери се изработени од цврста пластика, имаат специјални рачки и тркала, но – колку работи навистина собираат? Тоа никој не ви го кажува кога купувате нов куфер! Постои и друга опција – куфер од мек, платнен материјал, и вистина е дека собира повеќе работи, но дали тогаш вашите работи се безбедни? Можеби ќе ве интересира: Цариник отвори куфер на жена пред ќерка ѝ- и двајцата „пропаднаа во земја“ од срам (ВИДЕО) Тврд или мек-платнен куфер – кој е подобар? Предности на тврди куфери Тврдите куфери, направени од поликарбонат, ABS пластика или алуминиум, нудат одлична заштита. Еве неколку клучни предности: -Одлична заштита – Совршени се за носење кршливи предмети како електроника или стаклени сувенири, бидејќи ги штитат од удари и притисок. -Отпорност на вода – Материјалите се водоотпорни, па багажот останува сув дури и на дожд. -Елегантен дизајн – Доаѓаат во модерни, впечатливи бои, што ги прави лесни за препознавање на транспортни ленти. -Заштита од провала – Цврстата конструкција отежнува неовластено отворање, што додава сигурност. Можеби ќе ве интересира: Патник во куфер сакал да прошверцува четири живи мајмуни- цариниците во шок Недостатоци на тврди куфери: -Потешко пакување поради отварање на средина – Обично се отвораат на половина, што го отежнува брзиот пристап. -Склони на гребење – Надворешноста лесно се гребе, па губи сјај по неколку патувања. -Кршливост кај евтините модели – Поевтините пластични модели може да се скршат при посилен удар. -Нефлексибилна структура – Не можат да се соберат или прилагодат на простор, па заземаат повеќе место. Предности на меко-платнени куфери Меките куфери, направени од полиестер или најлон, се познати по флексибилноста и дополнителните џебови: -Флексибилност и проширување – Се прилагодуваат на количината багаж и може да се сместат во тесни простори. -Многу надворешни џебови – Идеални за брз пристап до пасош, документи или лични предмети. -Отпорност на удари – Квалитетните материјали нудат добра издржливост, често подобра од евтините тврди модели. Недостатоци на меките куфери: Послаба заштита на кршливи предмети – Не се идеални за чувствителни предмети. -Послаба водоотпорност – Платното може да апсорбира вода и да ја навлажни содржината. -Слична тежина како тврдите – Иако се флексибилни, не се секогаш полесни; зависи од тркалата и рачките. -Материјалот може да се истроши – Со тек на време може да се искине или избледи, особено кај неквалитетни модели. Заклучок: Квалитетот е најважен! Без разлика дали избирате тврд или мек куфер, најважниот фактор е квалитетот на изработката. Внимавајте на следново: Рачка за влечење – Треба да биде цврста, издржлива и удобна. Лошите рачки се кршат по неколку патувања. Тркала – Четири ротирачки тркала се подобри од класични два – полесно управување и поголема издржливост. Квалитетен патент – Добриот патент спречува несакано отворање и се помалку троши со време. На крајот, најдобриот куфер не е само оној што изгледа убаво, туку оној што ќе ги издржи сите предизвици на патувањето – од грубите аеродромски манипулации, до дождот и секојдневната употреба. Изберете куфер што одговара на вашите потреби – но секогаш инвестирајте во квалитет!Тагови: годишни одмори куфер одмор Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаСДСМ: Граѓаните веќе гледаат: Платформата ЗНАМ 2.0 со писмо за дефокус токму пред Фон дер Лајен Кога стигна документот од Платформата-ЗНАМ 2.0? Вчера, токму пред прес конференцијата на Фон дер Лајен на која кажа дека македонските јазик и идентитет се добредојдени во ЕУ, на која кажа дека нема патокази за Македонија и го упати Мицкоски во Бугарија. Иако најавија дека два дена порано ќе го донесат писмото го донесоа токму еден час после нашиот прес за Лаура Ковеши и пред прес конференцијата на Фон дер Лајен. Уште еден дефокус. Да го тргат вниманието од главниот проблем: застанувањето на Македонија кон ЕУ . Далечинско кога болат фактите. Кога се случува? Кога СДСМ објавува дека услов за кандидатите е прво да се пушти во работа европското обвинителство. Еден час по прес-конференцијата каде се потврдува целата вистина којашто ја говори СДСМ, кога се потврдува целата вистина зошто Мицкоски не сака во Унијата. Кога имаме целосна потврда од Фон дер Лајен. Со месеци го говориме. Сега се потврдува. Лаура Ковеши пред членство. Не после. Кога се јави Платформата минатиот пат? Закажаа собир во хотел. Тргна медиумската поддршка од Орбан–Вучиќ медиумско небото. Кога беше тоа? Токму кога објавивме кој му плаќа на Мицкоски лобирање за состаноци. Кога објавивме за антимонот. Кога објавивме план за пет нови рудници за распродажба на Македонија. Кога откирвме дека Дејвид Гета не е „нула денари“ туку 5.53 милиони евра. Кога го откривме тендерот за фирмата поврзана со Ќуркчиев вреден 1,6 милиони евра. Кога ја откривме големата пљачка на Македонија. Кога го откривме тендерот Адамовиќ–Мицкоски, преку Божиновска, Лазаревиќ и Руднап. Од вчера има најава за нови таканаречени „паметни“ броила. Паметни се. За арамијата и екипата. Не за сметката на граѓанинот. Сега граѓаните гледаат дека повеќе не е чудно како работи Платформата знам 2.0. На далечинско. По потреба. Секогаш во важен момент, кога откриваме работи за иднината на земјата и на граѓаните - баш тогаш се јавуваат шемаџиите. ЗНАМ 2.0. Истите што седат со руската Левица. Анти-НАТО. Анти-ЕУ. Против стратешкиот партнер Америка. Баш со нив прават сојуз. Ете вчера Левица објави, средба во Москва, со Комунистичката партија на Русија. Немаат програма. Имаа тајминг. Нема антикорупција. Има корупција и дефокус. Писмото не е за СДСМ. Писмото е да не се зборува за признатиот македонски идентитет, заглавениот европски пат, Лаура Ковеши, за скандалите на власта, за рудници и за броила. СДСМ не влегува во шемата. Останува со граѓаните и ќе продолжи да се бори за нив и интересите на државата. Бандата бега од европски обвинител. Сателитите бегаат од темата. Народот веќе гледа кој кога се јавува! Наското доаѓа времето на вистина и правда. А бандата ќе одговара пред европско обвинителство! СДСМТагови: СДСМ Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ЗабаваВечерва Бела ноќ во СкопјеВечерва од 19:00 до 03:00 часот, плоштадите, мостовите, галериите, музеите и чаршијата ќе бидат места за нови доживувања и средби што се паметат.- Има ноќи во кои градот се доживува поинаку. Ноќи во кои улиците стануваат сцена, уметноста ни доаѓа во пресрет, а музиката нè спојува. Скопје повторно ќе живее една таква ноќ, нашата Бела ноќ! Ве поканувам заедно да го исполниме Скопје со љубопитност, насмевки и енергија и да ја почувствуваме неговата креативна сила – истакна Градоначалникот на Град Скопје, Орце Ѓорѓиевски. Само за „Бела ноќ“, работното време на угостителските објекти на подрачјето на Град Скопје се продолжува за два часа, за дружењето и убавата атмосфера да траат подолго. За сите полесно да бидат дел од оваа ноќ, превозот со ЈСП ќе биде бесплатен од 18:00 часот на 3 октомври до 05:00 часот на 4 октомври. Во рамките на „Бела ноќ“, бесплатен ќе биде и влезот во Зоолошката градина Скопје. Уметноста ве очекува на плоштадот „Мајка Тереза“, на платото пред МОБ, во МКЦ, на Мостот на уметноста, на Боемска улица и во Старата скопска чаршија. Дел од оваа ноќ ќе бидат и Музејот на Град Скопје, „Аудио Култура“, Домот на градежници, „Мала станица“, ДКЦ „Карпош“, Градската библиотека, Чифте амам, улицата „Македонија“ и Музејот на современа уметност. Излезете со семејството, повикајте ги пријателите и одберете ја својата прва станица. Дозволете му на Скопје да ве изненади со нешто што досега не сте го виделе, слушнале или почувствувале. Бела ноќ е покана за сите генерации, за сите што го сакаат овој град и за сите што допрва ќе го доживеат. Да ги наполниме улиците со живот и да создадеме уште еден убав спомен за нашето Скопје!Тагови: Бела ноќ Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаМицкоски на увид на градежни активности на мостот на улица „Љубљанска“ во КарпошПретседателот на Владата на Македонија, Христијан Мицкоски ќе изврши увид на градежни активности на мостот во изградба на улица „Љубљанска“ во Општина Карпош.По завршување на увидот предвидено е премиерот да даде изјава.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиПосебен режим на сообраќај во Скопје поради фудбалски натпревар на арената „Тодор Проески“09:30Лајен предложи средба на министрите за надворешни на Македонија и Бугарија во Софија следната недела18:00Лајен предложи средба на министрите за надворешни на Македонија и Бугарија во Софија следната недела15:16Фон дер Лајен за следната недела најави чекор за деблокада на евроинтеграциите13:20Премиерот Мицкоски ја пречека Урсула фон дер Лајен во Владата13:00
Лајен предложи средба на министрите за надворешни на Македонија и Бугарија во Софија следната недела18:00
Лајен предложи средба на министрите за надворешни на Македонија и Бугарија во Софија следната недела15:16