ЖивотКрволочни фоки сѐ почесто напаѓаат делфини, експертите стравуваат и за безбедноста на луѓетоНаучниците предупредуваат за феномен во британските води кој сè повеќе се регистрира, а кој сугерира дека сивите фоки напаѓаат и убиваат делфини и морски свињи.Експертите се загрижени дека нивното агресивно однесување може да се прошири и на луѓето. „Нешто темно го зграпчи делфинот...“ Агенциите за диви животни пријавија серија напади од сиви фоки (Halichoerus grypus) врз морски цицачи, а некои инциденти се снимени со камера. Еден од најшокантните случаи се случи во јануари во Ирското Море, покрај брегот на Даблин, каде што беше снимена голема фока како цврсто држи делфин во вилиците. Сведокот Дејв О'Конор од Wolfhound Adventure Tours и Irish Whale and Dolphin Group рече дека ги гледал делфините кога одеднаш забележал силен прскање. „Видов нешто темно како го зграпчува делфинот и тогаш сфатив дека најверојатно е напад од сива фока“, рече тој. Минатиот месец, Велс го пријави првиот случај на сива фока како убива делфин. Експертите велат дека возрасната женка, долга околу 1,84 метри, имала карактеристични спирални рани на грбот, што се во согласност со каснувањата од сива фока. „Повеќето случаи завршуваат со ампутација“ Страшните инциденти, вклучувајќи два наводни напади во Девон, покренаа сериозна загриженост за безбедноста на луѓето во водата. Експертите предупредуваат дека каснувањата од фоки можат да имаат сериозни последици, вклучително и ампутации. „Половина од луѓето што ги познавам кои работат со фоки изгубиле делови од прстите. Ако ве касне фока, бактериите на нејзините заби се толку лоши што во повеќето случаи завршуваат со ампутација, а не само со преврска“, рече Клиф Бенсон, основач на „Си Траст Велс“. Минатата година, шкотските научници открија дека две напуштени морски свињи починале бавно и болно од инфекции по каснувања од фоки. Луѓето што се обидуваат да им помогнат на повредени животни се исто така изложени на ризик од сериозна состојба позната како „прст од фока“, што може да доведе до сепса ако не се лекува навреме. Се проценува дека околу 120.000 сиви фоки моментално шетаат по британскиот брег. Д-р Изи Ленгли, од Одделот за истражување на морски цицачи на Универзитетот Сент Ендрус, вели дека има сè повеќе докази дека сивите фоки ловат поширок спектар на морски цицачи отколку што се мислеше претходно. Идентификувани 20 „виновници“ меѓу фоките „Знаевме дека сивите фоки убиваат други фоки. Сепак, сега постојат докази, и од директни набљудувања и од други извори, дека тие напаѓаат морски свињи и делфини“, рече таа. Според неа, ова однесување веројатно не е широко распространето низ популацијата, туку е ограничено на одредени поединци. Истражувачите веруваат дека фоките користат тактика на „изненадувачки напади одоздола“, при што делфините честопати не се свесни за опасноста. Досега, меѓу фоките се идентификувани околу 20 „виновници“, препознаени по нивните карактеристични лузни на лицето, објавува Дејли Меил. „Можно е ова однесување да се пренесе на новите генерации. Тоа ќе биде бавен процес, но верувам дека ќе го гледаме сè почесто“, рече Мет Вестфилд, координатор за мониторинг на морската животна средина. Поради оваа причина, на пливачите во Велика Британија им се советува да не се обидуваат да пливаат со фоки, да ги допираат или да ги хранат. Иако често изгледаат мирно, фоките се диви суштества и предатори кои можат да предизвикаат сериозни повреди и да пренесуваат опасни инфекции.Тагови: делфин фоки Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МетеоСончево со мала до умерена облачностСончево со мала до умерена облачност. Ќе дува умерен до засилен ветер од северен правец, кој наместа повремено ќе достигне удари од 60 километри на час, информираат од УХМР.Минималната температура ќе биде во интервал од 13 до 22, а максималната ќе достигне од 26 до 34 степени. Во Скопје, сончево со мала до умерена облачност. Ќе дува умерен до засилен ветер од северен правец. Минималната температура ќе се спушти до 19, а максималната ќе достигне до 32 степена. ВРЕМЕТО ВО НАРЕДНИТЕ ДЕНОВИ За време на викендот времето ќе биде стабилно и сончево со мала до умерена облачност. Ќе дува умерен до засилен ветер од северен правец. Повремено ќе има силен ветер со удари од 60 километри на час. Во понеделник и деновите што следуваат, ќе преовладува сончево време, но во попладневните часови ќе има услови за локална нестабилност со пороен дожд и грмежи.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиМицкоски нуди бланко поддршка за СДСМ ако се договори гласањето на дијаспората15:00Пожар во близина на Пробиштип, густ чад на патот Штип- Пробиштип го отежнува сообраќајот12:34Презентација на воена опрема вредна над 40 милиони евра во касарната „Илинден“08:57Променливо облачно со сончеви периоди, попладне нестабилно08:30МВР најави кривични пријави за малолетничките и родителите за бруталното насилство во Аеродром15:00
ХороскопДневен хороскоп за 4. јули 2026 година Дневен хороскоп за сабота, 4. јули 2026 година. Рак 22.6-22.7. Љубов Може да очекувате уште еден ден со побогат друштвен живот , што ќе го помнинете со кого вие сакате. Кариера Лесно ќе излегувате на крај со луѓето . Многумина во вас ќе препознаваат пример , а вие ќе бидете поотворени од вообичаено. Здравје и совет Уривате рекорди. Лав 23.7-22.8. Љубов Денеска ќе се занимавате со мисла дали да се впуштите во нешто позначајно со личноста што ја среќавате низ работната средина. Кариера Работите за кои се бара емоционален ангажман добро се поставени. Некои ќе се преоптеретени со работи. Здравје и совет Не мора да се брзате. Девица 23.8.-23.9. Љубов Ќе играте на карта на заведување и на глумење еротика. Вистина е дека во тоа ќе имате стил , па и успехот е веројатен. Кариера Можните преговори околу едно спонзорство се приведуваат до крајот. Нема да го имате главниот збор , но ќе се договорите. Здравје и совет Ќе имате пријатни сништа. Вага 24.9.-23.10 Љубов Продолжувате со својата сензуална фаза на заведување , кога многу личности од спротивниот пол ви паѓаат под нозе. Кариера Ќе влијаете на настани , луѓе и работа повеќе отколку што мислите. Не сте свесни колку ве имитираат. Здравје и совет Немојте да си го расипете карактерот. Шкорпија 24.10-22.11. Љубов Веројатно ќе потрошите повеќе пари од планираното , а сето тоа со цел некого да импресионирате. Љубовта нема цена. Кариера Вашите сојузници се засилуваат , а и вие со нив. Денеска станувате се посвесни за тоа , а вашата самодоверба расте. Здравје и совет Не знаете до каде може да стигнете. Стрелец 23.11.-21.12. Љубов Ќе се согласите на сите барања од саканата личност , зашто и вие исто ќе мислите. Ќе бидат тоа мали , слатки грижи. Кариера Ќе покажете доза на попустливост во деловните договори. Би можеле да бидете малку построги за да постигнете поголема контрола. Здравје и совет Ќе бидете фокусирани на други. Јарец 22.12.-20.1. Љубов Освен опуштениот изглед со кој зрачите, денеска ќе покажете и малку поголема страст. Другата страна тоа добро ќе го прифати. Кариера Извесен е мал трошок поврзан со луксуз или подобрување на работните услови. Можете тоа да сиго дозволите. Здравје и совет Некои имаат духовни искуства. Водолија 21.1.-19.2. Љубов Ќе бегате во својот свет на сништата пред незадоволителната љубовна реалност. Тоа ќе биде вашиот вентил. Кариера Можеби некои ваши идеи нема веднаш да бидат прифатени , едноставно зашто се неспроведливи во реалните услови. Здравје и совет Помирете се со реалноста. Риби 20.2.- 20.3. Љубов Во комуникацијата со саканата личност , се поголема улога ќе игра фантазијата и интересните идеи кои како да не се од овој свет. Кариера Тешко дека некој ќе ве стави денеска во некаков калап. Ќе бидете навистина посебни во секој поглед. Здравје и совет Имате право кога ја негувате натуралноста. Овен 21.3-20.4. Љубов Љубовта од работното место ќе ве збунува. Нема лесно да се поставите во таквата ситуација. Не ви е лесно зашто немате јасно поставен став. Кариера Креативните работи ќе се одвиваат без проблем. Промените што се случуваат на работното место ќе ги прифатите без двоумење. Здравје и совет Издржете. Бик 21.4- 20.5. Љубов Пред вас е ден полн со емотивни фрустрации. Што и да правите, ќе излезе задоволително.Имајте трпение. Кариера Незадоволните од работата , ќе се засилат за да ги менуваат работите. Задоволните ќе мечтаат за да биде уште подобро. Здравје и совет Работете го она што го сакате. Близнаци 21.5.-21.6. Љубов Веројатно денеска ќе бидете малку почувствителни од вообичаено, а поради слабите љубовни шанси , ќе се појават и фрустрации. Кариера Ќе бидете сигурни во сопствените резултати и ќе настојувате планот да го изведете до крај. Сепак , тоа ќе биде доста напорно. Здравје и совет Ви треба кус одмор.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиМицкоски нуди бланко поддршка за СДСМ ако се договори гласањето на дијаспората15:00Пожар во близина на Пробиштип, густ чад на патот Штип- Пробиштип го отежнува сообраќајот12:34Презентација на воена опрема вредна над 40 милиони евра во касарната „Илинден“08:57Променливо облачно со сончеви периоди, попладне нестабилно08:30МВР најави кривични пријави за малолетничките и родителите за бруталното насилство во Аеродром15:00
Шоу бизЏастин Бибер ќе настапи на финалето на Светското првенство?Се наведува дека Џастин Бибер е во преговори да настапи на полувремето од финалето на Светското првенство.Извори од ФИФА велат дека официјалните лица размислуваат да го вклучат во спектаклот што ќе се одржи на 19 јули на стадионот „МетЛајф“ во Њу Џерси, објавува „TMZ“. Веќе импресивен список на изведувачи Бибер на тој начин би се придружил на веќе импресивниот список на изведувачи, кој, според најавите, ги вклучува Мадона, Шакира и популарниот јужнокорејски бенд „BTS“. Ангажирањето на канадската ѕвезда за ФИФА би имало смисла и поради неговата неодамнешна поврзаност со турнирот. Забележан на церемонијата на отворањето Џастин и неговата сопруга Хејли Бибер беа во центарот на вниманието на церемонијата на отворањето на Светското првенство во Инглвуд пред неколку недели. Во таа прилика, Џастин ги изненади ВИП гостите со интимен настап зад сцената, каде што ја изведе својата песна „Yukon“. Единствен настап наместо турнеја Можниот настап на финалето носи интересен пресврт во летото на Бибер. Неодамна беше објавено дека, и покрај шпекулациите, пејачот во моментов не планира турнеја. Сепак, еднократен настап на најголемата фудбалска сцена во светот е сосема друга приказна. Во медиумите веќе се шпекулира дека би било интересно да се види Бибер како го завршува турнирот, особено ако репрезентацијата на САД продолжи со добрите резултати. Иако Бибер е Канаѓанец и покажа симпатии кон Мексико на церемонијата на отворањето, неговиот настап би бил во согласност со идејата за Светското првенство - собирање на целиот свет на едно место. Извор: Б92Тагови: Џастин Бибер Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook