КРУШЕВСКА ПИТА

Рецепт на ПОЛИ ТАНА

Потребни состојки: 800 гр. брашно, млака вода по потреба, 1 лажичка сол, 200 гр. путер, 2 страка праз, 400 гр. урда, 4 јајца и масло по потреба.

Постапка:

Во подлабок сад со брашно се додава малку сол и млака вода и се замесува тесто.

Откако тестото добро ќе се измеси се дели на 2 дела.

Првиот дел се дели на 8 топчиња, кои се расукуваат и се премачкуваат со путер.

Премачканите кори се редат една врз друга и се оставаат да отстојат 10-15 минути во фрижидер.

Истата постапка се повторува и со вториот дел од тестото.

Додека отстојува тестото во фрижидерот се подготвува филот.

Во поголем сад, ситно сечкан пропржен праз се меша со 4 јајца и 400 гр. урда.

Од првиот дел се сука долната кора и се реди во тепсија премачкана со путер.

Кората се премачкува со стопен путер и одозгора се распоредува филот.

Од вториот дел од тестото се расукува поголема кора, се набира и се става врз филот.

На краевите се формираат витки и се попрскува со стопен путер со масло.

Се пече во загреана рерна околу 20 минути на температура од 220 степени.

Расте бројот на жртвите од катастрофалниот земјотрес во Индонезија

Бројот на жртвите од земјотресот со јачина од 6,2 степени според Рихтеровата скала што ја потресе индонезиската провинција Западен Сулавеси се искачи на 56, објави денеска Националната агенција за ублажување на катастрофи.

Портпаролот Радитија Јати изјавил дека повеќето загинати се од главниот град на провинцијата Мамуџуа каде се пријавени 47 смртни случаи, додека другите девет жртви се од соседната област Мајене.

Бројот на повредени се искачи на 826, а спасувачите можеле да стигнат до повеќе тела и преживеани од урнатините на куќите срушени од земјотресот во петокот, кој ја погоди покраината во 1.28 часот по локално време. Земјотресот принуди 15.000 луѓе да ги напуштат своите домови.

„Во некои делови на Мајене и Мамују, напојувањето со електрична енергија е обновено, додека возилата сега можат да се движат по главниот пат што ги поврзува двете територии откако армијата го расчисти патот“, рече Јати.

Провинцијата беше погодена од уште еден земјотрес со јачина од 5 степени вчера наутро, додека метеоролошките, климатските и геофизичките агенции соопштија дека ќе има уште последователни потреси во регионот.

Јати предупреди дека жителите на планинските области треба да останат будни поради потенцијални одрони или свлечишта, додека крајбрежните заедници треба да бидат подготвени да го напуштат крајбрежното подрачје по новите потреси поради закана од цунами.

Словачка планира ново масовно тестирање

Словачка планира да спроведе втор масовен тест и да ги изолира позитивните во борбата против загрижувачкиот пораст на инфекцијата со коронавирус, рече министерот за здравство Марек Крајчи.

Владата е загрижена бидејќи бројот на новозаболени и на хоспитализирани расте од крајот на минатата година.

Според универзитетската болница „Џонс Хопкинс“Словачка има 222.752 заразени и 3.417 починати од ковид-19.

Вчера во болниците во Словачка имало 3.055 пациенти со ковид-19, што е забавено откако владата воведе делумно затворање, според Ројтерс.

„Сакаме да ги тестираме луѓето, да ги изолираме оние кои го шират вирусот, нивните контакти и со тоа да ја намалиме инфекцијата за 50 проценти“, изјави Крајчи.

Доколку тестот биде успешен, Словачка може да олесни некои епидемиолошки мерки на почетокот на февруари, рече Крајчи.

Системот за предупредување covid-19 во Словачка има шест нивоа обележани во боја и сега е во сила црната боја, што укажува на највисоко ниво на предупредување.

Словачка тестира 3,6 од вкупно 5,5 милиони Словаци во првиот круг на масовно тестирање на 31 октомври и 1 ноември, а вториот круг, закажан за почетокот на декември, беше одложен поради отпор и логистички тешкотии.

Учеството во масовното тестирање беше доброволно, но секој што не можел да даде негативен резултат од тестот, не смеел две недели да оди на работа.

Од корона почина легендарниот танчер на аргентинско танго

Легендарниот танчер на аргентинско танго, Хуан Карлос Копес починал вчера на 89-годишна возраст од компликации поврзани со ковид-19, објави неговото семејство.

„Сè се случи многу брзо, татко ми почина ... Тој ќе блеска засекогаш меѓу ѕвездите и засекогаш ќе остане запаметен во историјата на тангото“, објави неговата ќерка Јохана Копес на Фејсбук.

Хуан Карлос Копес, роден на 31 мај 1931 година во Буенос Аирес, се прослави со промовирање на аргентинското танго, страствен национален танц што го донесе на најголемите светски сцени.

Негова партнерка за танцување долго време беше легендарната Марија Нивес, со која беше во брак од 1964 до 1973 година и танцувале како двојка до 1997 година.

Неговата ќерка Јохана тргнала по стапките на нејзиниот татко и беше негов партнер за танцување скоро 20 години.

Кариерата ја завршил во 2015 година.

притисни ентер