Кривични пријави против шест родители за запуштање на дете - Канал 5

Македонија

Кривични пријави против шест родители за запуштање на дете

За шест родители на деца кои учествувале во насилството врз тринаесетгодишното девојче во Ѓорче има кривични пријави за запуштање и малтретирање на децата.

Кривични пријави против шест родители за запуштање на дете

За шест родители на деца кои учествувале во насилството врз тринаесетгодишното девојче во Ѓорче има кривични пријави за запуштање и малтретирање на децата, за кое е предвиена казна затвор од една до десет години. Пријавата притив родителите е доставена ден по поднесена кривична против четирите малолетнички, велат од МВР.

Од училиштето „Мирче Ацев“ од каде што имало повеќе деца кои снимале и сведочеле за насилството врз девочето за Канал 5 потврдија дека имало три снимки кои биле споделувани на социјалните мрежи на кое е прикажано насилството врз девојчето, како и дека се изречени и педагошки мерки. Оттаму велат дека девојчето кое е жртва на врсничкото насилство сега е дома, и ја следи наставата он -лајн.

-Родителката во училиштето достави 3 видео записи кои биле споделувани низ социјалните мрежи во кои се гледаат учесниците во насилството врз нејзината ќерка. Наставничкиот совет на ООУ „Мирче Ацев“ – Скопје на состанок одржан на ден 15.04.2026 година им изрече соодветни педагошки мерки на 10 ученици кои биле вклучени во инцидентите со вербално и физичко меѓуврсничко насилство,- - ООУ „Мирче Ацев“.

На настанот кај „вовче“ во Ѓорче кој според информациите бил најбрутален од насилствата кои се случувале во повеќе наврати, со гасење на цигари од кожа и омаловажување, имало ученичка од ООУ „ Тихомир Милошевски“, а и средношколка од „Марија Кири Склодовска“. Во основното училиште биле превземени истите мерки.

Од средното „хемиско“ пак велат дека според правилниците во средното образование не можеле да ја укорат средношколката, која како што тврди директорот Дарко Спасев досега немала евидентирано насилни инциденти.

Министерката за образование и наука Весна Јаневска потврди дека веќе има задолженија за сите училиштата - наставници да дежураат како во ходниците така и во дворот бидејќи иако досега е направено многу за подобрување на безбедноста, потребна е работа. Таа апелираше до родителите да ги прифаќаат сугестиите на наставниците и професорите и кон нив да има повеќе почит.

YouTube video

Тагови: Обвинителството

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. 

Утре сончево и топло со мала до умерена облачност

Ќе дува слаб до умерен ветер, во западните од западен, кој наместа повремено ќе засилува, а долж Повардарието и во источните делови од југоисточен правец.

Минималната температура ќе биде во интервал од 7 до 16, а максималната ќе достигне од 27 до 34 степени.

Во Скопје, сончево и топло со мала облачност. Ќе дува слаб до умерен ветер претежно од југоисточен правец. Минималната температура ќе се спушти до 13, а максималната ќе достигне до 34 степени.

Во текот на новата седмица ќе преовладува топло време. Во вторник ќе има локален развој на нестабилна облачност, а во среда на повеќе места се очекува нестабилно време со пороен дожд, грмежи и засилен ветер. Од четврток ќе преовладува сончево време со променлива облачност во текот на денот.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху му го честита 80-тиот роденден на Трамп: „Мирот доаѓа преку силата“

Израелскиот премиер Бенјамин Нетанјаху денес му го честиташе 80-тиот роденден на американскиот претседател Доналд Трамп со пораката дека „мирот доаѓа преку силата“.

Нетанјаху му го честита 80-тиот роденден на Трамп: „Мирот доаѓа преку силата“

„Среќен роденден, Доналд“, напиша Нетанјаху на мрежата „X“, истакнувајќи дека роденденот на Трамп оваа година доаѓа во „соодветно време“, кога „Америка, голема нација изградена врз слободата и верата слави 250 години слобода“.

Нетанјаху рече дека мирот доаѓа преку силата, што е можен коментар за новиот Меморандум за разбирање со Иран.

„Ви посакувам континуирана сила и енергија додека ја водите Америка кон светла иднина на мир постигнат преку силата и додека продолжуваме да го воздигнуваме сојузот САД-Израел на сè поголеми височини“, напиша Нетанјаху.

Тагови: Бенјамин Нетанјаху Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

КОВЗРГ ќе ја одбележи 40-годишнината од упокојувањето на Архиепископот Ангелариј

Настанот ќе се одржи во храмот „Свети великомаченик Димитриј“ во Скопје.

КОВЗРГ ќе ја одбележи 40-годишнината од упокојувањето на Архиепископот Ангелариј

Комисијата за односи со верските заедници и религиозни групи, во соработка со Македонската православна црква – Охридска архиепископија, на 15 јуни 2026 година ќе организира одбележување на 40-годишнината од упокојувањето на блаженоупокоениот Архиепископ охридски и македонски г.г. Ангелариј.

Настанот ќе се одржи во храмот „Свети великомаченик Димитриј“ во Скопје, каде што се наоѓа вечното почивалиште на Архиепископот Ангелариј, со почеток во 10:00 часот.

Во рамките на одбележувањето ќе биде отслужен помен со кој ќе чиноначалствува Неговото Блаженство, Архиепископот Охридски и Македонски и на Јустинијана Прима г.г. Стефан, во сослужение на архиереи и свештенство. По поменот е предвидено кратко обраќање на Поглаварот на Македонската православна црква – Охридска архиепископија, по што ќе следи полагање свежо цвеќе пред гробот на Архиепископот Ангелариј.

Одбележувањето претставува израз на почит кон животот, духовното дело и историското наследство на Архиепископот Ангелариј, кој со своето архипастирско служење остави значаен белег во современата историја на Македонската Православна Црква.

Тагови: КОВЗРГ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер