Кривична за ексградоначалникот на Сарај, Блерим Беџети уште седум лица поради злоупотреби со градежно земјиште - Канал 5

Македонија

Кривична за ексградоначалникот на Сарај, Блерим Беџети уште седум лица поради злоупотреби со градежно земјиште

Екс – градоначалникот на Сарај и актуелен пратеник од ДУИ – Блерим Беџети и уште седум негови општински соработници, меѓу кои и надзорен инженер од Град Скопје добија кривични пријава. 

Кривична за ексградоначалникот на Сарај, Блерим Беџети уште седум лица поради злоупотреби со градежно земјиште

Според финансова полиција, осуммината се под сомнение за злоупотреба на службената положба и овластување, како и за несовесно работење во службата и фасификување или уништување на деловни книги. Како што се наведува во нивното соопштение, тие изготвиле извод од ДУП за место каде не постои урбанистички план, со цел наведениот инвеститор „Азра Идриз“ ДОООЕЛ од С. Глумово - Сарај да добие целосна потребна документација за да може да го изгради објектот, по што тој се стекнал со противправна имотна корист од 1,7 милиони евра.

-Постојат основи на сомнение дека пријавените лица, вработени во О. Сарај, иако биле свесни дека за катастарската парцела КП 10405/6 КО Сарајне постои донесен ДУП, со пречекорување на своите службени овластувања изготвиле и одобриле извод од план и одобрение за градба со невистинита содржина, како и пресметки за надоместок за уредување на градежно земјиште, спротивно на законските прописи, а надзорниот инженер извршил технички преглед на објектот и изговил завршен извештај со невистинита содржина. На овој начин, пријавените лица, злоупотребувајќи ја својата службена положа и овластувања, како и несовесно вршејќи ги своите должности, му овозможиле на правниот субјект „Азра Идриз“ ДООЕЛ с. Глумово, Скопје – Сарај, да се стекне со противправна имотна корист во износ од 108.648,840 денари.

Од обвинителството за Канал 5 посочија дека пријавата од финансова полиција е примена и дека веќе се преземаат дејствија на проверки.

„Станува збор за злоупотреба на државни органи за политички прогон“, порача екс-градоначалникот Блерим Беџети за Канал 5 по кривичната пријава. Според него, актуелната власт има заложба да ги прикаже функционерите на ДУИ како лица кои не работеле според закон и дека станува збор за антиалбански став. Тој вели дека ќе остане на страната на правдата, транспарентноста и граѓаните.

-Уште еднаш повикувам до Мицкоски и Меџити да се отргнат од злоупотреба на државни органи, јас и порано во претходни Влади сум имал вакви случаеви каде што иницирале, но никогаш не се покренале вакви постапки бидејќи повеќе од очигледно е дека се работи под политички диктат,- – Блерим Беџети – Екс-градоначалник на О. Сарај.

Премиерот Мицкоски пак посочи, секаде каде што постои основано сомнение, по истото ќе се постапува и дека борбата со криминалот останува приоритет на Владата, останатото вели е на обвинителството и судот.

-Од самиот почеток рековме, секаде каде што постои основано сомневање, кое што е поткрепено со докази, ние како Влада ќе делуваме, нема да правиме од тоа естрада, нема да упаѓаме дома со специјални единици, едноставно правдата мора да биде наш императив и така ќе се однесуваме и така се однесуваме без разлика дали тој што сторил неправда е поранешен функционер, сегашен функционер итн,- -Христијан Мицкоски – Претседател на Влада.

Актуелниот градоначалник на Сарај пак, Мухамед Елмази, за Канал 5 посочи дека Државниот завод за ревизија ја „чешлал“ работата на општината пред тој да стапи на својата функција. Тој посочи дека и неговиот кабинет сега прави ревизија и дека ако нешто се отркие истото ќе се пријави до надлежните органи.

YouTube video

Тагови: ДУИ Сарај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сергеј Трифуновиќ и неговата сопруга приведени по инцидент во продавница?

Актерот Сергеј Трифуновиќ и неговата сопруга Исидора Мијановиќ наводно се нашле во центарот на инцидент во познат белградски трговски центар, што ја принудило полицијата да интервенира. 

Сергеј Трифуновиќ и неговата сопруга приведени по инцидент во продавница?

Драмата се одвивала во популарна продавница кога во Исидора се посомневало обезбедувањето, кое потоа сакало да ја претресе, пишува Телеграф.

Нејзиниот сопруг Сергеј, јавуваат српските медиуми, реагирал бурно на ова и не им дозволил да ги претресат нејзините работи, што ескалирало во вербален конфликт. Обезбедувањето потоа повикало полициска патрола која го однела парот во полициската станица.

Таа се огласи откако ја напуштила полициската станица

Исидора подоцна сама ја напуштила полициската станица, додека Сергеј, како што се испоставило, си заминал порано. Таа накратко им се обратила на собраните новинари пред станицата.

„Само дојдов да ги земам документите“, рекла кратко, одбивајќи да биде снимена, пренесува Телеграф.

Фото: ВИ

Тагови: инцидент Сергеј Трифуновиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Кина отвора мегацентар за вештачка интелигенција. Ќе троши два гигавати (ВИДЕО)

Кина отвори индустриски парк за вештачка интелигенција во северниот регион Внатрешна Монголија, за кој инвеститорот тврди дека е најголем во светот.

Кина отвора мегацентар за вештачка интелигенција. Ќе троши два гигавати (ВИДЕО)

Комплексот „Envision Galaxy Campus“, сместен во градот Уланкаб, започна со работа во четврток. Компанијата за зелена технологија „Envision Group“ вели дека е најголемиот поединечен центар за податоци со вештачка интелигенција во светот во однос на капацитетот за обработка на токени, објави „Global Times“.

Капацитет и технички спецификации

Новиот комплекс е исто така најголемиот индустриски парк за вештачка интелигенција во Кина, со планиран капацитет од два гигавати. Зафаќа површина од 120.000 квадратни метри и е дизајниран да ја поддржи компјутерската моќ до еден милион единици за графичка обработка (GPU) кои можат да работат истовремено.

Зелена енергија и глобална иницијатива

Компанијата вели дека повеќе од 80 проценти од електричната енергија потребна за работа на центарот доаѓа директно од обновливи извори. Проектот е водечки развоен напор како дел од иницијативата „Mission Gobi“. Со оваа иницијатива, „Envision“ планира да изгради пет гигавати капацитет за зелено пресметување со вештачка интелигенција во пустински и сушни региони низ целиот свет до 2030 година. Планот комбинира големи центри за податоци со обновливи извори на енергија и системи за складирање.

Извор: Индекс.хр

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ги комбинира минатото и иднината: V12 хибрид инспириран од една од најголемите икони.

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ја претстави специјалната серија „Revuelto Miura 60° Homage“, која ја одбележува 60-годишнината од лансирањето на легендарниот модел „Miura“.

Премиерата ќе се одржи за време на настанот „Monterey Car Week“, а производството ќе биде ограничено на само 99 примероци.

Специјалното издание е развиено од одделот „Ad Personam“, одговорен за персонализација на возилата.

На клиентите ќе им бидат понудени девет бои на каросеријата инспирирани од оригиналната „Miura“, со контрастни детали во златна или сива боја, ексклузивни тркала и значки „Miura 60“ на праговите.

Внатрешноста има седишта со мотиви инспирирани од оригиналната „Miura“, дополнителен кожен тапацир, вез „Miura 60“ и плочка што потврдува дека е еден од само 99 произведени автомобили.

Нема промени под хаубата. „Revuelto Miura 60° Homage“ е напојуван од познатиот „plug-in“ хибриден систем кој комбинира атмосферски 6,5-литарски V12, три електрични мотори и осумстепен менувач со двојна спојка.

Вкупната моќност е 1.015 КС (747 kW), што му овозможува на овој хипер автомобил да забрза од 0 до 100 км/ч за само 2,5 секунди, додека максималната брзина надминува 350 км/ч.

Компанијата вели дека специјалната серија претставува комбинација од богатата историја на брендот и модерните опции за персонализација по кои е познат „Lamborghini“ денес.

Извор: Б92

Тагови: Lamborghini

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер