Македонија

Кривична пријава против началничка на одделение во Одделот за обезбедување на личности

Кривична пријава против началничка на одделение во Одделот за обезбедување на личности и објекти за „злоупотреба на службената положба“

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција, Специјализирано одделение за гонење на кривични дела сторени од лица со полициски овластувања и припадници на затворската полиција Скопје, поднел кривична пријава против С.С. поради постоење основи на сомнение за сторено кривично дело „злоупотреба на службената положба“ по член 353 од Кривичниот законик.

Пријавената, на работно место началник на Одделение за обезбедување на дипломатско конзуларно претставништво, а во моментот на извршувањето на делото на работно место началник на Одделение за обезбедување на странски делегации и манифестации при МВР, соопштија денеска од МВР, ја злоупотребила службената положба и овластување на начин што си овозможила стекнување на право за исплата на бонус плата за 2023 година иако не го исполнила условот утврден во Законот за работните односи, односно да нема отсуство од работа повеќе од 21 ден во текот на годината.

- Имено, иако била свесна дека не ги исполнува условите за стекнување со наведеното право, пријавената на 05.06.2024 изготвила список со 11 полициски службеници од Одделение за обезбедување на странски делегации и манифестации кои оствариле услов за бонус плата за 2023 година, во кој се впишала и самата себе, а врз основа на кој подоцна и било утврдено право за исплата на бонус плата за 2023 година и биле исплатени парични средства на нејзината трансакциска сметка, појаснуваат од МВР.

Одделот за внатрешна контрола, криминалистички истраги и професионални стандарди ќе поднесе Предлог за поведување на постапка за утврдување на дисциплинска одговорност против полициската службеничка и ќе изрече задолжителна мерка за отстранување од работното место до завршување на дисциплинската постапка.

Тагови: МВР,

Живот

Направил грешка во кујната- докторите од стомакот му извлекле живо суштество

Бизарна приказна е забележана минатиот месец во Индија, откако неименуван маж се појавил во болница жалејќи се на проблеми со мокрењето.

Лекарите побарале ултразвук на абдоменот, не знаејќи каков ужас ќе откријат, објавува „Дејли стар“.

Што пронајдоа?

32-годишниот маж рекол дека проблемите започнале неодамна со болки во стомакот, додека УВ скенирањето пронашло црв од 30 сантиметри во неговиот мочен меур.

Станува збор за паразит наречен dioctophyma renale, попознат како џиновски бубрежен црв, па затоа беше наредена итна хируршка интервенција.

Лекарите успешно го отстраниле живиот црв, а фотографијата од него во метален сад предизвика загриженост кај многу корисници на социјалните мрежи.

Каде погрешил?

Пациентот имал среќа што џиновскиот црв бил мажјак, бидејќи женките достигнуваат должина од 100 сантиметри.

Тој призна дека неодамна јадел сурова риба и дека тоа не било прв пат. Докторите веруваат дека на овој начин го вовел паразитот во своето тело.

Овој вид на болест е многу редок, а студија од 2019 година објави дека во медицинската литература се евидентирани само 37 случаи.

Тагови: докторите стомакот

Живот

Драма на аеродромот во Бергамо: Маж се сокрил меѓу тркалата на авионот (ВИДЕО)

Необичниот инцидент е снимен на меѓународниот аеродром Орио ал Серио Бергамо во понеделникот, 21 април, откако персоналот пронашол непознат маж како се крие меѓу тркалата на авион.

Властите веднаш ја известиле полицијата, која го привела мажот за идентификација, објавува „Дејли меил“.

Полициската истрага е во тек

Службениците на аеродромот во Бергамо изјавија дека по апсењето на мажот, „сите системи за надзор биле итно проверени, со што се потврдува нивното правилно функционирање“.

Полицијата ќе утврди како мажот успеал незабележано да се скрие во слетувачкиот систем на паркиран авион. Во него се вели дека инцидентот „не влијаел врз оперативните активности на аеродромот, ниту ги довел во опасност патниците и персоналот“.

Доколку не бил откриен, човекот лесно можело да загине откако авионот ќе полеташе. Кабината за тркала не е под притисок ниту загреана, а температурите на височината на летање се далеку под нулата.

Тагови: аеродромот Бергамо

Свет

Синот на заменичката на директорот на ЦИА загина во Украина, борејќи се на страната на Русија

Дваесет и едногодишниот Американец Мајкл Александар Глос потпишал договор со руското Министерство за одбрана и загинал борејќи се во војната против Украина во 2024 година, објави рускиот независен истражувачки портал IStories.

Она што ја прави неговата приказна уште поневеројатна е фактот дека неговата мајка, Џулијан Галина Глос, е заменик-директор за дигитални иновации на ЦИА.

Глос потпишал договор со руската војска на 5 септември 2023 година, според протечените податоци од Московскиот систем за управување со медицински информации (EMIAS).

Бил погребан во САД осум месеци по неговата смрт.

Во системот го внеле вработените во центарот за регрутирање на војници по договор во Москва, а како адреса на живеење - како и кај стотици други странски волонтери - ја наведоа адресата на самиот центар. Патем, во таа просторија се врши и лекарскиот преглед на кандидатите за регрутирање.

Според извор близок до Глос, американскиот државјанин бил распореден во единици за напад во декември 2023 година. Во тоа време, 137-от полк дејствувал северозападно од Соледар во регионот Донецк. Глос починал на 4 април 2024 година, како што е потврдено во некрологот објавен од неговото семејство. Точните детали за неговата смрт не се познати. Според погребалниот дом, тој бил погребан во Соединетите Држави дури осум месеци по неговата смрт.

Мајкл Глос е еден од повеќе од 1.500 странски државјани кои поминале низ московскиот центар за регрутирање за време на војната во Украина, чиј идентитет го открил IStories. Според порталот, платеници од вкупно 48 земји, вклучувајќи ги и членки на Европската Унија и САД, се приклучиле на руската страна во војната.

Тагови: украина ЦИА