Балкан

Криеле мигранти во отворениот товарен простор на пикап возила и ги пренесувале во Грција(ВИДЕО)

Грчката полиција разби криминална организација која криумчела мигранти и преку копнената граница со Турција кај Еврос, во Грција нелегално внесувала лица кои биле скриени во отворениот товарен простор на пикап возила.

Грчката полиција разби криминална организација која криумчела мигранти и преку копнената граница со Турција кај Еврос, во Грција нелегално внесувала лица кои биле скриени во отворениот товарен простор на пикап возила, а идентификувани се девет членови на мрежата, од кои пет се уапсени, јави дописничката на МИА од Атина.

Истрагата ја воделе полицајци од Одделот за управување со миграција во Дирекцијата за странци во Солун во соработка со European Migrant Smuggling Center на Јуропол, при што произлегло дека криминалната организација ја сочинуваат тројца Грци и шестмина странски државјани на возраст од 29 до 72 години, од кои петмина се уапсени, двајца се наоѓаат во затвор во Грција, а по останатите двајца се трага.

Членовите на организацијата користеле возила од странство, главно од Бугарија со кои мигрантите се пренесувале од грчко-турската граница кај Еврос во внатрешноста на земјата.

Мигрантите биле криени во товарниот простор на пикап возила (4×4) што бил покриен со церада, а целиот процес ги ставал во опасност нивните животите, како што се гледа и од видеото и фотографиите што ги објави грчката полиција.

-За време на повеќемесечната истрага, утврдено беше дека во рамки на активностите, организацијата извршила најмалку осум нелегални транспорти, а во секој од случаите во просек биле пренесувани од осум до 14 странски државјани, при што проценетата незаконска финансиска корист изнесува околу 500.000 евра, соопштија од грчката полиција.

Во рамките на истрагата биле извршени претреси во седум домови и еден магацин – работилница, при што биле откриени и одземени седум пик-ап возила (4×4), кои се користеле за транспорт на нелегалните мигранти; шест автомобили, а во домот на еден од уапсените членови биле пронајдени и конфискувани 1.570 кутии цигари и 1.079 пакувања со тутун.

Тагови: грција мигранти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американски маринец загинал за време на воена вежба во Јапонија

Американски маринец починал по инцидент за време на воена вежба на јапонскиот остров Окинава.

Оваа информација денеска ја објави „Еј-Би-Си њуз“, а ја потврди и Корпусот на маринци на САД. 3-тата дивизија на маринците издаде соопштение во врска со настанот.

„Со голема тага ја објавуваме смртта на еден маринец по инцидент за време на обука во кампот „Шваб“ на Окинава, што се случи на 3 ноември 2026 година“, се наведува во соопштението на дивизијата, пренесе Ројтерс.

Фото: ВИ

Тагови: маринец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Ѕвезда нема да го пушти Крис Џонс!

Старо-новиот грчки кошаркарски великан, ПАОК испрати фантастична понуда во вредност од 3.000.000 евра за плејмејкерот на Црвена ѕвезда, Крис Џонс, објави грчкиот портал SDNA.

Сепак, „црвено-белите“ немаат намера да се откажат од еден од своите најдобри играчи.

Џонс има важечки двегодишен договор со клубот од Мали Калемегдан и нема дозвола да го напушти тимот.

Американецот пристигна во Ѕвезда минатото лето од Хапоел Тел Авив и брзо стана еден од најважните играчи во тимот. Во Евролигата, Џонс има просек од 8,8 поени и 5,9 асистенции. Според тоа, ПАОК ќе мора да побара друго засилување на позицијата плејмејкер.

Тагови: Евролигата Црвена ѕвезда

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Претседателот на САД најде нов виновник за целосниот дебакл и жестоко го нападна

Претседателот на САД, Доналд Трамп најде нов виновник за изборниот дебакл на републиканците на американските избори на средината од мандатот–телевизиската мрежа „Фокс њуз“, која некогаш ја сметаше за еден од своите најголеми сојузници.

Откако демократите ја презедоа контролата врз двата дома на Конгресот, американскиот претседател во средата остро ја нападна една конзервативна телевизиска станица, обвинувајќи ја дека придонела за поразот со тоа што редовно ги канела демократите во својата програма.

Тој беше особено разгневен од гостувањето на поранешниот градоначалник на Њујорк, Бил де Блазио, кого жестоко го нападна во објава на социјалните мрежи.

„Зошто ’Фокс њуз‘ (Fox News) го држи во програма Бил де Блазио, најлошиот градоначалник во историјата на Њујорк, додека тој беснее и брбори како лудак? Тој го напушти градот со срам, а штетата што ја направи е немерлива – градот никогаш повеќе не беше ист, а сега тој ни кажува како да ја водиме Америка“, напиша Трамп.

Потоа тој директно го обвини „Фокс њуз“ за изборниот неуспех на републиканците, префрлајќи ѝ на телевизијата што ги канела политичките противници во програмата.

„Fox News сноси одговорност за овие порази бидејќи постојано и упорно им дава простор на опозиционерите од редовите на ’глупократите‘ (dumbocrats) и оние уште полошите. БОГ ДА ЈА БЛАГОСЛОВИ АМЕРИКА! Претседател ДОНАЛД Џ. ТРАМП“, заклучи американскиот претседател во својата објава.

Инаку, Трамп претходно им честиташе на демократите за нивниот успех на меѓумандатните избори одржани во вторникот и призна дека врз поразот на републиканците влијаело и прашањето за Иран, додека демократите се подготвуваат да ја преземат контролата врз Конгресот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.