КРАЛСКА ТАВА

Рецепт на: МАРИНА БОЖИНОВСКА

Потребни состојки : 3 парчиња пилешки стек, 3 парчиња свинско каре, 3 парчиња свински врат, 400 гр. пилешки гради, 400 гр. димен свински врат, 60 гр. рендан кашкавал, 1 тегла корнишони, 1 тегла сечкани печурки, 1 конзерва ананас, 4 резанки праска, 1 крајка леб, супа од печурки, малку масло, ½ маргарин, 2 чешни рендан лук, неколку маслинки и малку свеж магдонос.

Постапка:

Маринираните парчиња месо се печат на скара.

Во тава се топи маргаринот со малку масло.

За тоа време се сечка димениот свински врат и пилешките гради на тенки ленти.

Во тавата се ставаат печурките да се пропржат.

Во земјена тава се реди печениот свински врат на скара, потоа врз него пилешкиот стек и на крај врз нив се реди печеното каре.

Во тавата со печурки се додава рендан лук и се продолжува со пржењето.

Потоа се додава сечкан димен свински врат и пилешки гради и се продолжува со пржењето.

На крај се додаваат и сечканите корнишони.

За тоа време се приготвува декорацијата на 4 стапчиња.

На нив се боцкаат неколку парчиња од ананас и праски.

Откако ќе се пропржат состојките од тавата се додаваат во земјената тава со печеното месо.

Во тавчето се подготвува супа од печурки и се додава во земјената тава.

На средината се става крајка од леб и се боцкаат стапчињата со овошје,

На крај се реди рендан кашкавал и се декорира со малку свеж магдонос и неколку маслинки.

20-годишно момче излечено од енцефалит, предизвикан од ковид-19

20 годишен пациент од болницата „8-ми септември“ по две недели боледување, денеска ја напушти болницата.

Тој е еден од шесте пациенти во светот кој Ковид 19 му направил тешко воспаление на мозокот и ја добил битката со опасниот вирус. Момчето дошло во болницата со невообичаена клиничка слика за Ковид 19.

Момчето било лекувано со терапија која била спроведена во консултација со болници од странство каде имале ваков случај. На последниот преглед се покажало дека состојбата е одлична.

На невролошкото одделение каде се лекувало момчето битката не ја добија тројца пациенти кои со состојба на мозочен удар имале и ковид 19. Инаку денеска во болницата се примени нови девет пациенти, десет пациенти заминале, а починале двајца. На респиратор се четворица пациенти, а исто толку успешно го поминаа процесот на одржување на респиратор. Во оваа болница вкупно осум луѓе се симнати на респиратор од почетокот на пандемијата.

Расте бројот на заразени со коронавирус во Австрија

Во последните 24 часа, 94 новозаразени коронавируси се регистрирани во Австрија.

Како скоро секој ден во последните десет дена, најголем број новозаболени се регистрирани во провинцијата Горна Австрија -45, а потоа следува Виена со 34 нови случаи.

Во последните 24 часа, само една од деветте покраини, Стирија, немала ниту едно ново заразено лице.Според Министерството за здравство, во моментов има 1.100 активни пациенти во Австрија.

Бројот на хоспитализирани се зголемил за двајца на 80, од ​​кои девет се на интензивна нега, за три помалку од вчера.

Бројот на починати со денови не се менува ,706.Од почетокот на епидемијата, на крајот на февруари, 18.637 луѓе во Австрија се позитивно тестирани за вирусот, од кои 16.808 се опоравени.

Досега биле спроведени 675.000 тестови за корона низ цела Австрија.Покрај тоа, започнала „програма за скрининг“ за да се анализира состојбата во секторите со висок ризик.

Од 2.744 тестови направени досега за асимптоматски инфекции, само 10 се позитивни на корона.

Шахпаска: На 15 Јули гласајте за СДСМ и сигурност

Од одлуката на секој од нас, зависи во каква земја ќе избереме да живееме и каква иднина ќе избереме за нас, нашите блиски, нашите деца.

Дали ќе избереме да продолжат да растат платите или да се полнат џебовите на луѓето на Груевски?

Дали ќе го исчистиме судството од корумпираните или Мицкоски ќе ги спасува Камчев и Груевски?

Дали после НАТО влегуваме во ЕУ или ќе им дозволиме да го поништуваат Договорот од Преспа и да не носат во провалија?

Одлучуваме дали ќе одиме напред или ќе се враќаме назад!

Затоа, е важно да се гласа. Затоа што се носат големи одлуки!

Ве уверуваме - гласањето ќе биде безбедно. Со почитувањето на сите протоколи за заштита на здравјето на граѓаните, гласањето на 15 јули ќе биде безбедно!

Почитувани,

Знаеме дека можевме и подобро. Знаеме дека направивме и грешки.

Но, секоја наша грешка, ни ја посочувавте гласно, демократски, а ние ве слушавме и реагиравме. Покажавме дека знаеме и можеме да се подобруваме.

Ја бараме вашата поддршка. Го бараме вашиот глас за уште еден мандат. За да ги продолжиме добрите политики. За да продолжиме напред уште побрзо и да не ја испуштиме шансата што заедно ја создадовме за оваа наша убава земја и за нашиот народ.

Останувањето дома, значи и враќање на власт на ВМРО-ДПМНЕ и Груевски. Негласањето носи ризик да изгубиме се што постигнавме заедно.

Се докажа и покажа дека со Зоран Заев и СДСМ, одиме напред во сигурна иднина, со ВМРО-ДПМНЕ во опасност.

Да не ризикуваме, да не го даваме гласот за било кој би можел да коалицира со Мицкоски.

Како што покажавме одлучност и патриотизам во решавањето на отворените прашања и во внесувањето на земјата во НАТО, со истата одлучност, страст и сила ќе донесеме правда и владеење на правото за сите.

А единствената шанса да ја завршиме работата до крај и да донесеме правда, е со нов мандат на Влада предводена од Зоран Заев.

Отсекогаш работевме и продолжуваме да работиме исклучиво во интерес на граѓаните, на државата. Оние партии кои гледаат само партиски интереси, време е да одат во опозиција и да се реформираат.

Затоа, на 15 јули, да дадеме масовна поддршка на коалицијата „Можеме", која носи сигурност,стабилност,подобра иднина и обезбедува заштита на здравјето на граѓаните.

На 15 јули излезете и заокружете го бројот 3, за коалицијата „МОЖЕМЕ", за сигурност, затоа што секој глас за ВМРО-ДПМНЕ е опасност, глас за враќање на режимот!

Јагода Шахпаска носителка во ИЕ 3

притисни ентер