Ковачевски: Мицкоски шири лаги и небулози дека се подготвува редефинирање на Македонија

Лаги и небулози се тврдењата на Мицкоски дека со промената на уставот се подготвува редефинирање на Македонија во бинационална држава- изјави премиерот Димитар Ковачевски

Лаги и небулози се тврдењата на Мицкоски дека со промената на уставот се подготвува редефинирање на Македонија во бинационална држава- изјави премиерот Димитар Ковачевски по обвинувањата дека во работната група за уставни измени меѓудругото се разговарало да постојат два народи, неколку заедници и малцинства.. Според него и во минатото опозициската партија ширела дезинформации, а пример за тоа вели се изјавите за бугаризација и асимилација преку прифаќање на францускиот предлог...

-Тоа е уште една од низата небулози и замајување на јавноста од страна на опозицијата, истата таа опозиција зборуваше и дека во државата ќе има не знам колку милиони мигранти, дека државата ќе се кантонизира.. Ова е најновата во низата лаги. Се работи за шпекулација и за зборување нешто од немајкаде. Кога сите факти ќе ве побијат, не ви останува ништо друго освен измислување нови небулози кои ќе шират хистерија и страв кај народот.-Димитар Ковачевски – претседател на Влада.

Од ВМРО-ДПМНЕ и денеска го прозваа премиерот да објасни дали се подготвувал план за редефинирање на државата заедно со вметнување на бугарите во Уставот, со цел да ја задржи власта по секоја цена..

-Димитар Ковачевски кој не излегол на избори, и не влече легитимитет од гласење од страна на народот, туку од волјата на ДУИ, е заложник на нивните интереси. Ковачевски треба да одговори на јавноста дали Груби кажал, а тој прифатил Македонија да стане држава на два народи, односно бинационална држава? И дали за тоа требало да има посебна кампања во претстојниот период со која требало да се убеди јавноста, во таа идеја?, изјави Марија Митева – портпарол на ВМРО-ДПМНЕ.

Претседателката на работната група за уставни амандмани Маргарита Цаца Николовска во телевизиско интервју синоќа рече дека прашањата кои ги отвора опозицијата се шпекулации. Таа негира дека на седниците во ова тело воопшто се зборувало за идентитетот и промена на формулацијата 20 отсто за албанскиот јазик како барање на албанските партии, бидејќи работната група имала мандат само околу амандманите за вметнување на Бугарите и другите народи во уставот.

Димитриевски: Мора да ја спречиме корупцијата, мора да ја вратиме правдата

 Мора да ја спречиме корупцијата, мора да ја вратиме правдата. 

Ние во Македонија имаме судови и судии, правда немаме. Имаме обвинителства и обвинители, а обвиненија само за оние кои пркосат со власта, изјави вечерва Максим Димитриевски, претседателски кандидат на Движењето ЗНАМ, За наша Македонија во Кавадарци.

Од позиција на иден претседател на државата рече дека во првите сто дена ќе предложи стратегија за борба против корупцијата и криминалот. Но, особено за борба против политичкиот кримина бидејќи, како што нагласи, главниот криминал и корупција се токму во политиката. Народот е сила, истакна тој, а партиите постојат за народот и кога ќе се однародат, народот им вели „не“.Затоа повика за обединување на народот и упати порака дека е можно тоа.

Димитриевски се осврна на нивната програма „Манифест за Македонија“, упати критики за тоа како се одвивале работите во изминатите триесет години, говореше за променетите општествени вредности и најави промени.

- Масовноста овде значи дека сме на вистинскиот пат, истакна тој, подвлекувајќи дека треба да се создадат услови за внесување достоинствено во Европа, да се вратат тие што заминаа.

Димитриевски критикуваше за лоша организираност на работите во државата која има се, многу предности. Најави еднакви права, но и обврски за сите, беше дециден дека Македонија е Република и таква и ќе остане. Овие избори, рече, се суштинскиот момент. Сега е моментот. Да се излезе масовно на избори.

Нашата цел е, додаде, Македонија да ја трансформираме во самоодржлива држава. Држава што ќе биде своја на своето. Граѓаните, подвлече, заслужуваат поубав и подостоинствен живот.

- Масовно да излеземе на избори на 24 април и да ја дадеме поддршката, таму каде што се граѓаните, а граѓаните се со ЗНАМ, за наша Македонија, а јас како претседател на Македонија, ќе го дадам својот максимум за сите и ќе бидам претседател на сите, порача тој од Кавадарци.

Караванот на Димитриевски претходно ги посети Демир Капија и Неготино. Во Демир Капија тој најави дека ќе иницира законски решенија за директна помош на вистинските винопроизводители.

- Од позиција на претседател на Македонија ќе иницирам нови законски решенија за директна помош, особено на реалните винопроизводители, а се со цел семејните активности да се трансформираат во семејни бизниси, а малите бизниси да се трансформираат во средни бизниси. Тоа ќе придонесе во равојот на економијата, како и во зголемувањето на приходите во буџетот, рече Димитриевски.

Дугари: Ставот на Мбапе е скандалозен, тоа е недостаток на почит

Поранешниот француски репрезентативец Кристоф Дугари фрлаше дрвја и камења кон сонародникот Килијан Мбапе.

Повод секако е првиот четвртфинален натпревар од Лигата на шампионите помеѓу Пари Сен Жермен и Барселона во Париз. Каталонците славеа како гости на „Паркот на принцовите“ со 3:2, а Килијан Мбапе разочаруваше со играта во текот на 90 минути.

-Тој го покажа најлошото во фудбалот, најлошото од играч од врвна класа. Може да згрешите при додавање, да не дриблате и да имате лош ден, но неговиот однос беше скандалозен, недостигаше почит, ги пренесоа светските медиуми зборовите на Кристоф Дугари, поранешен фудбалер на Бордо, Милан, Барселона. ...

Статистичарите пресметале дека Мбапе добил само два од вкупно десет дуели против Барселона, дека успеал само при еден дриблинг за 90 минути и дека немал ниту еден удар кон голот, ниту пак им асистирал на соиграчите.

Реваншите од четвртфиналето на Лигата на шампионите се закажани за следната недела: Барселона и Пари Сен Жермен играат во вторник, а Борусија и Атлетико Мадрид во Дортмунд.

Реал Мадрид во среда ќе гостува во Манчестер, додека тимот на Арсенал ќе пристигне во Минхен./МИА

Макрон до Рама: Вашиот глас е драгоцен за нормализација на односите Косово-Србија

Претседателот на Франција, Емануел Макрон денеска го поздрави, како што рече, посебниот и силен глас на Албанија во регионот и на меѓународната сцена.

На заедничката прес-конференцијата со албанскиот премиер Еди Рама, кој е во дводневна официјална посета на Франција, Макрон му порачал дека „во сите регионални прашања неопходна е нормализација на односите меѓу Србија и Косово, каде што вашиот глас е многу значаен“.

- Албанија е силен глас и во Советот за безбедност на Обединетите нации во последните две години. Бевте домаќини на регионален самит на кој го поканивте и украинскиот претседател Володомир Зеленски, што беше дополнително зајакнување на поддршката за Украина, истакна Макрон, јави Ора њуз.

Рама, од своја страна, високо ги оцени односите меѓу двете земји, додавајќи дека „Албанците ги ценат своите пријатели".

Тој му гарантирал на Макрон дека доколку Франција во одреден момент има проблем, „не треба да се двоуми туку да повика Албанец".

-Албанците беа скептични кон Франција пред неколку години, но сега знаат дека Албанија има уште еден пријател. Ние Албанците не сме богати, но имаме единствена способност: Ако еден ден бидете во момент на тешкотија, повикајте Албанец и тој ќе дојде, рекол тој.

Рама придружуван од сопругата Линда и повеќечлена владина делегација во Париз допатува вчера попладне.

Предвидено е двете земји да потпишат неколку договори и меморандуми за разбирање меѓу двете земји. /МИА

притисни ентер