Ковачевски : Инвестиции во снабдувањето со струја и парно греење во Скопје

Интегрална изјава за инвестициите во подружница ,,Енергетика” во Гази Баба-Скопје.

“ Почитувани,

Денес сме во работна посета на подружницата на АД ЕСМ, ,,Енергетика”, каде од неодамна имаме назначено нов директор, Далибор Богдановски. Заедно со директорот и со неговиот тим ќе поразговараме за неколку значајни проекти кои се во тек и кои ни претстојат, а кои се од значење за подружницата ,,Енергетика” и особено за жителите во овој дел на градот Скопје. Тие проекти се:

• проширувањето на топловодниот систем,

• модернизацијата на самата подружница,

• изградба на гасна електрана и

• поставување кровни фотонапонски електрани.

Пред се , посветени сме на тековниот проект, а тоа е проширување на топловодниот систем кој ќе даде нови приклучоци за парно греење во населбите Автокоманда, Железара, Триангла, Маџари и Хиподром.

Станува збори за нови приклучоци за 350 домаќинства во Автокоманда, зајакнување на мрежата, заштеди за домаќинствата и можности за нови приклучоци во Железара, како, како и приклучување на греење на три нови згради во Гази Баба. Вкупната проценета вредност на инвестицијата изнесува 260.162 евра.

Паралелно со ова, тече и проектот за модернизација на самата подружница, нејзината технологија и системи за работа.

Зафатот подразбира реконструкција на трафостаниците Север и Југ и реконструкција и модернизација на електродистрибутивниот систем и имплементација на smart grid управување, што ќе чини околу 23 милиони евра.

KfW банка одобри грант за изработка на фисибилити студија, после што ќе се пристапи кон следните фази на постапката согласно процедурите на KfW банката.

Понатаму, во рамките на Енергетика планирана е нова гасна електрана со моќност од 50 MW до 200 MW.

Вкупна проценета вредност на инвестицијата изнесува од 35.000.000 евра до 140.000.000 евра зависно од инсталираната моќност.

Новата електрана треба да го надополни недостатокот на електрична енергија во зимскиот период и да обезбеди производство на енергија и топлина од природен гас, со што ќе остварува заштеда на енергија преку енергетски ефикасна комбинирана когенеративна електрана и ќе се постигне намалување на вкупните емисии на CO2, SO2, NOx и тврди честички во вкупниот процес на производство на АД ЕСМ.

Во Енергетика ќе продолжиме со зголемување на производството на чиста енергија и со поставување кровни фотонапонски електрани на самите објекти и постројки во подружницата, конкретно на управната зграда и на трафостаницата Југ. Вкупната вредност на инвестицијата за кровна фотоволтаична електрана изнесува 75.000 евра.

Дел од овие проекти ни се веќе започнати во изминатите две години со кредитирање преку меѓународни финансиски институции, а дел се дел од Интервентниот план за инвестиции објавен од Владата и од премиерот Заев.

И во иднина интенцијата на Владата и на АД ЕСМ е силно да се посветиме на зеленото сценарио во енергетиката, затоа што здравјето на луѓето ни е најважно.”

АД ЕСМ

Министерот Јетон Шаќири оствари работна средба со градоначалникот на Дебар, Хекуран Дука

,,Денес ми беше чест, во просториите на Министерството за информатичко општество и администрација да го чекам на работен состанок, градоначалникот на Општина Дебар, Хекуран Дука.

За време на состанокот разговаравме за можноста за дигитализација на услугите на оваа општина и нивно вклучување во националниот портал за е-услуги. Го уверив градоначалникот Дука дека Министерството што го водам е подготвено да ги стави на располагање сите свои капацитети за да помогне во овој процес.

Исто така се дискутираше за можноста за поврзување на оваа општина со системот за управување со документи (ДМС). Со поврзување на овој систем, меѓуинституционалната комуникација станува побрза и поефикасна.

Состанокот го завршивме со ветување дека ќе ја продлабочиме меѓуинституционалната соработка и комуникација, со цел да постигнеме конкретни резултати во иднина, во корист на граѓаните“, истакна министерот за информатичко општество и администрација Јетон Шаќири.

МЗ: Дарувањето крвна плазма највисок чин на хуманост, досега обезбедени 1732 единици

Од Институтот за трансфузиона медицина информираат дека се обезбедени вкупно 1732 единици конвалесцентна плазма за третман на пациенти заразени со Ковид-19.

Од нив 157 единици се собрани преку аферезна процедура а останантите единици конвалесцентна плазма се обезбедени преку стандардно дарување. Со крвна плазма досега се третирани 1431 пациенти.

Со ваквиот највисок чин на хуманост, граѓаните кои се оздравени имаат можност да им помогнат на тие кои во моментот се борат со коронавирусот.

Преку даруваната конвалесцентна плазма, антителата на оздравените пациенти се користат во сузбивање на болеста кај друго лице со Ковид-19.

Лицето дарител на конвалесцентна плазма треба да има документиран лабораториски доказ дека било болно од Ковид-19, да биде минимум 21 ден без симптоми, по што се прави дополнителен тест за потврда дека нема присуство на вирус.

Потсетуваме дека Институтот за трансфузиона медицина е достапен во секое време и сите оздравени пациенти кои ги исполнуваат условите за дарители, може да се јават за детални информации и закажување во Институтот за трансфузиона медицина, да ја покажат својата хуманост и да помогнат во лекувањето на другите заболени со Ковид-19. ​

Одделение за односи со јавност

Министерство за здравство

Црвениот крст им додели благодарници на крводарителите

Црвениот крст на Македонија по повод 14 Јуни - Светскиот ден на крводарителството, се приклучи кон глобалната кампања за промоција на крводарителството под мотото „Дарувај крв и придонеси светот да продолжи да се движи“.

Црвениот крст заедно и Институтот за трансфузиона медицина, денес им доделија благодарници на Министерството за здравство, Министерството за внатрешни работи и Министерството за одбрана во знак на благодарност за досеганата соработка на полето на крводарителството. Благодарници добија и министерот за здравство Венко Филипче, министерот за внатрешни работи Оливер Спасовски и министерката за одбрана Радмила Шекеринска за личен пример, поддршка, поттикнување и соработка.

Воведно обраќање имаше и Генералниот секретар на Црвениот крст Саит Саити каде истакна дека пристапот до безбедна крв за сите оние кои имаат потреба, и понатаму останува највисок императив на земјите во светот, па и кај нас. Во текот на пандемијата со Ковид-19 и покрај ограничената мобилност и другите предизвици кои таа ги донесе со себе, дарителите на крв продолжија да даруваат крв и плазма за пациенти на кои им е потребна трансфузија. Овој извонреден напор за време на пандемија, ја нагласува клучната улога на добро организираните, посветени, доброволни и неплатени дарители во процесот на снабдување со крв во тековни и вонредни околности.

На самиот настан преку ЗООМ платформата директно се јавија од Дневниот центар за дарување крв каде даруваа крв припадниците од АРМ и од Институтот за трансфузиона медицина каде даруваа крв припадниците од МВР.

притисни ентер