Вака претседателот на Уставен Дарко Костадиновски го искоментира еден од условите кои ги постави лидерот на ДУИ Али Ахмети за интегративците да влезат во било која идна македонска Влада. Според Костадиновски овој механизмот е корисен само политичките органи како Собранието.

-Ако тоа се случи, во истиот момент граѓаните можат да заборават на правната држава, во истиот момент можат слободно да стават клуч и да ја затворат оваа институција. Бадентерот е корисен механизам за општества како нашето, но во политичките органи. Таков орган е Собранието. Но Уставен суд да се сведе етнички аргументи да бидат пресудни нема потреба од ваква институција. – Дарко Костадиновски – Претседател на Уставен суд

Костадиновски денеска одржа годишна прес конференција на која се осврна за сработеното на судот годинава. По како што рече чудниот сплет на околности кога беше на два пати одложена подготвителната седница за Законот за употреба на јазиците, најави дека најверојатно ќе се одржи во јануари. Судијата известител побарал уште еден месец продолжување на рокот за подготовка на рефератот и ќе го стави на седница.

-Моите очекувања се дека во текот на јануари јас ќе го добијам како претседател, што го добијам на работен состанок ќе го предложам прашањето дали ќе продолжиме со подготвителна седница. Јас лично ќе се залагам. Но дека тој предмет ќе биде решен следната година, ќе биде решен. И повторно, никој да не гледа никаква опасност, нити даваме нити земаме, правиме усогласувања на одредби од законот со Уставот. – Дарко Костадиновски – Претседател на Уставен суд

Во услови на притисоци и влијанија, Уставен суд остана на висина на задачата, професионално, независно и пристрасно, рече Костадиновски. Годинава судот оформил 306 предмети, од кои 271 се иницијативи и барања поднесени од граѓани, 7 од политички партии, 8 од државни институции, 3 од општини, а 2 предмета се по сопствена иницијатива. Уставен суд веќе се соочува со проблеми при одлучувањето и затоа Костадиновски упати пораки до Судскиот совет и Собранието – во најбрзо време да изберат уставни судии за двете испразнети места годинава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.