Македонија

Костадиновска-Стојчевска: Покажавме како се почитува слободата на медиумите

Коносителката на ИЕ5 и министерка за култура, Бисера Костадиновска-Стојчевска, честитајќи го Светскиот ден на слободата на медиумите потсети дека СДСМ во целиот свој мандат поттикнува демократска и слобода атмосфера во општеството.

„Направивме законски измени со кои нападот врз новинар се квалификува како напад на службено лице, заради поголема заштита на луѓето кои ја вршат оваа значајна општествена професија“, вели Костадиновска-Стојчевска.

Таа додава дека наспроти децениската репресија и прогон кон медиумите и новинарите, насилното затворање медиуми и користење на институциите за пресметка со новинарите, СДСМ значително го подобри медиумскиот амбиент и критичкото новинарство.

„Не приведуваме новинари за искажан збор, не тужиме редакции за објавени текстови, не затвораме медиуми кои не критикуваат“, вели Костадиновска-Стојчевска на Светскиот ден на слобода на медиумите кога „Репортери без граници“, во својот извештај забележа прогрес за Северна Македонија.

Според овој извештај, државата годинава има напредок и е рангирана на 36 место на Индексот за слобода на медиумите, што е за две места подобор од 38 место лани. Во 2016 бевме на 118 место.

„СДСМ е демократска партија која на дело покажува како се почитува слободата на медиумите и новинарската мисла. Остануваме лидери во регионот по слободата на новинарското изразување“, вели Костадиновска-Стојчевска, додавајќи дека актуелните времиња носат и нови предизвици за медиумите и медиумските работници, а технолошкиот развој носи и бројни ризици за самата професија.

Според Костадиновска-Стојчевска, слободата на новинарската мисла и подобрување на условите за медиумските работници остануваат приоритет на социјалдемократите кои остануваат силни поддржувачи на професионалното и непречено изразување, се наведува во партиското соопштение.

Забава

Јадел јагоди додека не го испразнил аквариумот, снимката има 226,4 милиони прегледи (ВИДЕО)

ТикТокерот @wallywhatthe се пофали со извонреден успех, а неговото видео „собра“ повеќе од 226,4 милиони прегледи.

Под видеото напишал „100 литри јагоди наспроти еден дечко“, а тврди дека изел еден куп овошје за 12 часа.

Видеото е делумно забрзано, прикажувајќи еден дечко како собира јагоди и не престанува да јаде додека целосно не го испразни аквариумот.

Секако, предизвика голем интерес кај тиктокерите, а доказ за тоа се преку 242.000 коментари.

Многумина се воодушевени од неговата „вештина“, други повикуваат на претпазливост, а трети се сомневаат дека „потфатот“ е автентичен.

@wallywhatthe ♬ original sound - Wally.

И навистина, на снимката има „рифови“, додека светлото во просторијата практично не се менува.

„Јадеше јагоди 12 часа, но светлината во собата не се смени? Зошто да не“, напишало едно лице.

Друг продолжил: „Сакаш да кажеш дека стоел во речиси иста положба и џвакал 12 часа?“.

Третиот не се двоумеше: „Одлични вештини на монтажа! Штета што сонцето не зајде во тие 12 часа“.

Фудбал

Челси му даде отказ на тренерот Покетино

Челзи дефинитивно ќе влезе во новата сезона со нов тренер, откако Маурисио Покетино денеска доби отказ.

Од клубот соопштија дека постигнале договор со тренерот и дека тој повеќе нема да го води тимот.

По една година на клупата на тимот, Аргентинецот не успеа да ги задоволи апетитите. Седмата позиција во првенството беше премалку и излез во Конференциската лига, па и покрај добриот крај на кампањата мораше да си замине.

За ова се зборува веќе некое време, но Челзи очигледно чекаше до крајот на сезоната за да го потврди тоа.

- Благодарност до сопственичката група на Челзи и спортските директори за можноста да бидам дел од историјата на овој фудбалски клуб. Клубот сега е добро позициониран да продолжи да напредува во Премиер лигата и Европа во годините што следат - изјави Покетино.

Во текот на кариерата, Покетино од клупата ги водеше и Еспањол, Саутемптон, Тотенхем и Пари Сен Жермен.

Свет

ЕУ одобри приходите од замрзнатиот имот на Руската централна банка да се користат за Украина

ЕУ даде официјално одобрение за користење на приходите од замрзнатите средства на руската централна банка за зајакнување на одбраната на Украина, соопшти денеска Советот на ЕУ.

Одлуката на Советот на ЕУ ја соопшти и белгиската влада, која во моментов претседава со 27-члениот блок.

„Советот на ЕУ ја потврди својата согласност да користи средства од запленетите руски средства за поддршка на воената самоодбрана и реконструкција на Украина“, се вели во соопштението на платформата Х.

По руската инвазија на Украина во февруари 2022 година, ЕУ замрзна околу 210 милијарди евра средства на Руската централна банка.

Се проценува дека оваа сума ќе генерира камата од околу три милијарди евра годишно.

Околу 90 отсто од приходите би биле насочени кон Европскиот фонд за мировна помош, кој го користат повеќето земји-членки на ЕУ за да добијат компензација за воената опрема испорачана во Украина.

Русија му се закани на Западот со „остар“ одговор доколку ги заплени руските средства.

притисни ентер