Кошта: Се соочуваме со избор на поредок базиран на правила или хаотичен свет - Канал 5

Свет

Кошта: Се соочуваме со избор на поредок базиран на правила или хаотичен свет

Претседателот на Европскиот совет нагласи дека исто како и Израелците и палестинскиот народ има право на безбедност и да живее во одржлива држава.  

Кошта: Се соочуваме со избор на поредок базиран на правила или хаотичен свет

Светот се соочува со клучен избор меѓу меѓународен поредок базиран на правила, кој ги поддржува мултилатерализмот и Повелбата на Обединетите нации или хаотичен свет базиран на унилатерализам, насилство и непочитувања, изјави претседателот на Европскиот совет, Антонио Кошта доцна синоќа во обраќањето пред Генералното собрание на ОН во Њујорк.

- Алтернативата на меѓународниот меѓународен поредок базиран на правила е хаотичен и насилен свет. Каков што гледаме во Судан, каде се одвива разорен конфликт со уништување од огромни размери на кој не се посветува внимание. Каков што гледаме во Газа. Каков што гледаме во Украина, рече Кошта.

Според него, Европската Унија како проект на мир, помирување и социјална правда, точно знае на која страна е при тој избор и е и ќе остане цврст бранител на мултилатерализмот, меѓународниот поредок базиран на правила и на Повелбата на ОН.

Кошта посочи дека ЕУ го осудува тероризмот во сите негови форми, не ги заборава ужасните напади на Хамас и го поддржува правото на Израел на безбедност, но не може да молчи пред незамисливото страдање и хуманитарната катастрофа во Газа.

- Користењето на гладот како оружје во војна е неморално, изјави Кошта.

Претседателот на Европскиот совет нагласи дека исто како и Израелците и палестинскиот народ има право на безбедност и да живее во одржлива држава.

- Договор за решение за две држави е единствениот пат кон мир, безбедност и достоинство за двата народа. Ова е решението што го бараме, истакна Кошта, повикувајќи на безусловно ослободување на сите заложници, итен прекин на огнот, целосен и непречен хуманитарен пристап во Газа, крај на илегалните доселенички населби на Западниот Брег и искрена посветеност на решението за две држави.

Осврнувајќи се на случувањата во Украина, Кошта рече дека тоа е пример на јасно кршење на Повелбата на ОН, кога една суверена нација е брутално нападната од постојана членка на Советот за безбедност.

- Тоа е јасно кршење на суверенитетот, територијалниот интегритет, почитувањето на меѓународно признатите граници и правото да ја избере сопствената судбина - принципи што ги обврзуваат сите членки на Обединетите нации, истакна Кошта.

Според него, оваа агресија не ја загрозува само Украина, туку и сите нации во светот, бидејќи ако се прифати руската инвазија врз Украина, тогаш ниту една земја никогаш нема да биде безбедна и нема да може сама да решава за својата судбина.

- Нашата колективна безбедност е поврзана со отпорноста на Украина. Европската Унија цврсто стои во поддршка на Украина во нејзината борба за праведен и траен мир, во напорите да се стави крај на убиствата и Русија да седне на преговарачката маса, рече Кошта, повикувајќи на итен прекин на огнот, сериозни преговори и постигнување праведен и траен мир.

Кошта во обраќањето ја истакна и потребата од почитување на мирот и човековите права, обезбедување одржлив развој, социјалната заштита, пристојната работа и еднаквоста меѓу жените и мажите и борба против сиромаштијата, како гаранции за човековото достоинство, социјалната стабилност и траен мир меѓу народите.

Тој се осврна и на современите технолошки текови, потенцирајќи дека дигиталните технологии треба да бидат во полза на граѓаните, а не на автократите или новите технолошки олигарси, како и на климатските промени, за кои рече дека не се „лажни вести“, туку научно докажан факт што влијаат на сегашноста и иднината, па затоа е потребно инвестирање во декарбонизацијата, заштитата на океаните и градење партнерства за заштита на климата.

- Европската Унија ќе продолжи да соработува со сите партнери во духот на глобална солидарност и значајно партнерство, бидејќи мултиполарноста има потреба од ефикасен мултилатерален систем, рече Кошта.

Тој се заложи и за реформи на Обединетите нации со цел, како што рече, тие да станат поинклузивни, порепрезентативни и поефикасни.

- Во време кога мултилатерализмот е под закана, дозволете да дадеме едноставно ветување дека можете да сметате на Европската Унија. Сметајте на нас дека ќе се залагаме за мир, за мултилатеризам, за правда, за човеково достоинство, за одржливост. Дојде време јасно да се избере: Мир наместо војна, закон наместо сила, одговорност наместо неказнивост, солидарност наместо поделба, одржливост наместо криза, правда наместо нееднаквост, рече Кошта во обраќањето во кое покрај на англиски во одредени делови говореше и на француски и шпански јазик.

Тагови: Антонио Кошта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Шпанската традиција продолжува: Илјадници луѓе се гаѓаа со домати на улиците на Буњол (ВИДЕО)

Илјадници луѓе се собраа денеска во шпанскиот град Буњол на фестивалот Ла Томатина, каде што тони презреани домати ги преплавија улиците. 

Шпанската традиција продолжува: Илјадници луѓе се гаѓаа со домати на улиците на Буњол (ВИДЕО)

Буњол е мал град во источна Шпанија, околу 40 километри западно од Валенсија, пишува NY Post.

Фестивалот традиционално се одржува последната среда во август. Сè започна со спонтано гаѓање со храна во 1945 година и прерасна во годишна традиција. На фестивалот, учесниците фрлаат тони презреани домати едни кон други, а улиците завршуваат покриени со мелени домати и сок.

Полицијата денес употреби солзавец во еден момент од фестивалот за да растера дел од толпата. Целиот настан траеше повеќе од еден час, а зградите во центарот на градот претходно беа заштитени со церади.

Повеќе посетители од Индија

Благодарение на вниманието на медиумите, фестивалот прво стана национален, а потоа и светски настан во 1980-тите. Оваа година се очекуваа повеќе од 20.000 учесници. Според податоците на шпанската агенција EFE, во последните три години околу 40 проценти од посетителите биле странски туристи.

Бројот на посетители од Индија значително се зголемил по боливудскиот филм од 2011 година „Zindagi Na Milegi Dobara“ („Само еднаш се живее“). Филмот, кој ги следи тројца пријатели на патување за моминска забава во Шпанија, го претстави „La Tomatina“ и го популаризираше фестивалот меѓу индиската публика.

Влезницата за посетителите кои не се жители на Буњол е 15 евра. Постои само едно правило, а тоа е да се смачка доматот пред да се фрли за да се избегнат повреди. Многу учесници сè уште носат очила за пливање и чепови за уши за заштита.

По еден час, истрел од топ го означи крајот на настанот. Учесниците потоа можеа да се мијат во јавни тушеви, додека градските служби ги чистеа улиците со слуз. Иако дамките од домати на облеката тешко се отстрануваат, нивната киселина делува како природно средство за чистење, па затоа се вели дека улиците на Буњол се почисти од вообичаеното по фестивалот.

Слични фестивали се организираат во Флорида, Лондон, Амстердам, колумбискиот град Сутамархан и Хајдерабад, Индија.

Тагови: домати традиција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Спејс Икс на Маск планира изградба на најголемиот комплекс за лансирање на светот (ВИДЕО)

ЅpaceX ги откри плановите за изградба на огромен комплекс за лансирање во вселената вреден 100 милијарди долари во Луизијана.

Спејс Икс на Маск планира изградба на најголемиот комплекс за лансирање на светот (ВИДЕО)

ЅpaceX ги откри плановите за изградба на огромен комплекс за лансирање во вселената вреден 100 милијарди долари во Луизијана, од кој компанијата планира да ја лансира својата масивна ракета Starship илјадници пати годишно.

Се очекува изградбата да започне до крајот на следната година во близина на јужниот брег на Луизијана во округот Вермилион, а првото лансирање е планирано најдоцна до 2029 година.

Таквиот проект би претставувал голема промена за SpaceX и американската ракетна индустрија. Луизијана никогаш порано не била домаќин на орбитални лансирања, но би можела да стане најпрометниот центар за лансирање во светот.

Бројни кули ќе бидат посветени на прием на ракети

Новиот комплекс на Спејс Икс ќе се вика „Starbase, Louisiana“, именуван по неодамна основаниот град во Јужен Тексас кој е поврзан со SpaceX. Starbase, Тексас, моментално е дом на објектот за тестирање и развој на Starship, каде што се спроведени 13 тест летови со различен степен на успех.

Сепак, локацијата во Луизијана треба да служи за оперативни летови на Starship откако ракетата ќе биде подготвена за употреба и ќе докаже дека може безбедно да носи товар во орбитата.

SpaceX, исто така, планира да слета и повторно да користи секој дел од своите вселенски бродови, вклучувајќи го и горниот дел од вселенското летало, што никогаш порано не е направено. Целта е да се овозможи брза повторна употреба на ракетите и да се намалат трошоците за секое лансирање.

Ова значи дека Луизијана не само што ќе стане центар за лансирање, туку и место каде што ќе има бројни кули високи стотици метри, дизајнирани да примаат ракети и вселенски летала кога ќе се вратат од вселената.

Извршните директори на компанијата отпатуваа во Луизијана за да ги проценат потенцијалните локации

„Starbase Louisiana на крајот ќе има повеќе од десетина кули за лансирање, што ќе овозможи повеќе од 30 летови на вселенски бродови дневно и ќе го направи најголемиот комплекс за лансирање на Земјата!“, напиша извршниот директор на SpaceX, Елон Маск, на својот профил на социјалните мрежи X во вторник.

На презентацијата во Луизијана, оперативната директорка на SpaceX, Гвин Шотвел, го опиша проектот како „самоодржлив вселенски комплекс со сопствено производство на гориво, производство на енергија, можности за превоз на длабоко море, капацитети за обработка на возила и евентуално аеродром“.

SpaceX тивко развива планови за новиот комплекс со месеци во соработка со избраните функционери на Луизијана. Раководителите на компанијата отпатуваа во државата за да ги проценат потенцијалните локации, што доведе еден локален медиум да го нарече проектот „најлошо чуваната тајна“ во Луизијана.

Гувернер: Луизијана премногу често е искористена, она што го прави Маск е различно

Гувернерот на Луизијана, Џеф Ландри, републиканец, го промовираше проектот како можност за „трајна иднина и долгорочен просперитет“.

„Со генерации, индустриите доаѓаа во Луизијана не за да изградат траен просперитет, туку за да извлечат богатство. Премногу често, Луизијананците беа искористени, додека други уживаа во профитот. Денес, она што Елон Маск и неговиот тим ѝ го нудат на Луизијана е различно“, рече Ландри.

Голем дел од планот останува да се види. Старшип сè уште не е оперативен. Се очекува SpaceX да го спроведе својот најважен тест лет досега во септември, за време на кој ракетата би можела да стигне до орбитата за прв пат. Ќе бидат потребни дополнителни тестирања за да се утврди како горната фаза на ракетата може да се спушти и повторно да се употреби.

Веројатно ќе се соочи со обемна регулаторна контрола

Вселенски комплекс со големината и обемот на проектот во Луизијана веројатно ќе се соочи со обемна регулаторна контрола. „Проектот ќе ги помине сите применливи еколошки, мочуришни, природни ресурси и прегледи поврзани со лансирањето“, потврдува веб-страницата на проектот.

Ваквите прегледи што ги вклучуваат објектите на SpaceX во Тексас, кои се значително помали од планираниот комплекс во Луизијана, траеја речиси една деценија. Некои локални еколошки групи сè уште се борат против компанијата во судовите во Тексас поради влијанието на тестирањето на ракети врз локалните заедници.

Шотвел рече дека SpaceX планира да остави „големи делови“ од Starbase Louisiana, кој ќе се протега на околу 50.585 хектари, „недопрени, така што вредните мочуришта ќе останат живеалиште, а не да станат инфраструктура“. „Додека градиме, ќе помогнеме во финансирањето на заштитата, реставрацијата и управувањето со овие области“, рече Шотвел.

Соопштението е најновото во низата знаци на доверба дека Starship ќе го трансформира SpaceX. Компанијата веќе објави дека започнала постепено со повлекување од употреба на својата главна ракета Falcon 9, со цел да лета со повеќето мисии откако Starship ќе биде оперативен.

Тагови: Спејс Икс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Чуден грабеж во Австралија- украдени се 400.000 остриги, полицијата бара помош

Австралиската полиција бара крадци кои украле стотици илјади школки во вредност од околу 215.000 евра од фарма за остриги.

Чуден грабеж во Австралија- украдени се 400.000 остриги, полицијата бара помош

Остригите биле украдени од фарма во близина на градот Тари, северно од Сиднеј, соопшти полицијата на Нов Јужен Велс.

Украле повеќе од 300 вреќи со остриги

Вкупно, исчезнале повеќе од 300 вреќи што содржеле околу 400.000 остриги. Полицијата ги повика граѓаните да ги контактираат доколку имаат какви било информации за кражбата. Тие изјавија дека кражбата на остриги се случила претходно оваа година, но дека тоа им било пријавено дури вчера.

Остригите се многу чести во менијата за појадок и рестораните со морска храна низ Австралија, а локалните сорти се познати по нивниот полн и кремаст вкус.

Тагови: Австралија остриги

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер