Кошта: Ги цениме напорите на Трамп, но само Украина решава дали има услови за мировни преговори - Канал 5

Свет

Кошта: Ги цениме напорите на Трамп, но само Украина решава дали има услови за мировни преговори

Кошта нагласи дека оваа војна не е поврзана само со Украина, туку и со европската безбедност, па затоа од суштинска важност е и Европа да биде присутна и да учествува во мировните преговори. 

Кошта: Ги цениме напорите на Трамп, но само Украина решава дали има услови за мировни преговори

Ги поздравуваме огромните напори на американскиот претседател Доналд Трамп да ги натера Русија и рускиот претседател Владимир Путин да преговараат, но само Украина е таа што може да одлучи кога ќе бидат исполнети условите за почеток на ефикасни, кредибилни и одржливи мировни преговори, изјави денеска во Киев претседателот на Европскиот совет Антонио Кошта.

- Би сакал билатералните разговори да ја отворат вратата за вистински мировни преговори, но само Украина може да реши кога има услови за тоа, нагласи Кошта на прес-конференција на крајот на посетата на група европски лидери на Киев по повод тригодишнината од стартот на руската агресија врз Украина.

Како што јави известувачот од Киев на Европската новинска редакција (ЕНР), од која дел е и МИА, Кошта нагласи дека оваа војна не е поврзана само со Украина, туку и со европската безбедност, па затоа од суштинска важност е и Европа да биде присутна и да учествува во мировните преговори.

- Но, не само Европската Унија, туку и нашите пријатели како Норвешка, Исланд и Велика Британија, бидејќи сите тие се вклучени во поддршката за Украина и се многу загрижени за европската безбедност, рече Кошта.

Затоа, според него, ако се постигне договор за заеднички европски пратеник, кој нема да ја претставува само ЕУ, туку и останатите европски земји, тоа ќе ја зајакне позицијата на Европа. Кошта најави дека за ова прашање ќе се разговара на следниот специјален Европски совет, што тој вчера го најави за 6 март.

- Овој специјален Европски совет ќе биде за тоа како да ги зајакнеме нашите капацитети, како да инвестираме повеќе, подобро и побрзо во нашите способности, како да ги зајакнеме украинските капацитети, но и за тоа како да се подготвиме за активно учество на идните мировни преговори, ако до нив дојде, додаде Кошта.

Претседателката на Европската комисија, Урсула фон дер Лајен, од своја страна порача дека се додека нема видливи знаци дека Русија има вистинска волја да се постигне одржлив и праведен мировен договор не може да се говори за укинување на санкциите кон Москва.

- Санкциите се дел од нашиот пристап со кој сакаме мир преку зајакнување. Се додека Русија не покаже со факти дека има вистинска волја да се постигне одржлив и праведен мировен договор, ние ќе ги зајакнуваме казнените санкции кон неа, нагласи Фон дер Лајен, во одговор на прашање како ќе реагира ЕУ на барањата од Вашингтон за укинување или олеснување на санкциите кон Русија.

Според неа, во моментов нема видливи знаци дека на повидок е постигнување одржлив и праведен мир, па затоа е рано да се говори за олабавување или олеснување на санкциите.

- Такви чекори ќе бидат можни само ако видиме конкретни чекори од страна на Русија, додаде Фон дер Лајен, нагласувајќи дека е видливо оти санкциите веќе има имаат големи последици врз руската економија, што резултира со виска инфлација и со тоа компании да ја напуштаат земјата./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДИК: Во Брвеница денеска се спроведува гласањето на болни и немоќни лица

Денес се спроведува гласањето на болни и немоќни лица и лицата кои се на издржување на казна затвор за вториот круг од Предвремените избори за градоначалник на Општина Брвеница., информира Државната изборна комисија. 

ДИК: Во Брвеница денеска се спроведува гласањето на болни и немоќни лица

Вкупно 107 болни или немоќни лица можат да гласаат за градоначалник на Брвеница.

Своето право на глас може да го остварат и вкупно 9 лица кои се на издржување казна затвор. Гласањето на овие лица се спроведува во 3 казнено поправни установи на територија на Македонија, и тоа во градовите Скопје, Штип и Тетово.

Гласањeто денес започна во 7 часот утринава.

Вториот круг од Предвремените избори за градоначалник на Брвеница ќе го набљудуваат вкупно 61 акредитиран набљудувач од кои 56 домашни и 5 меѓународни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ормускиот Теснец пред колапс: Нов танкер налета на мина

Четвртиот нафтен танкер во последните 24 часа налета на мина во Ормускиот Теснец, соопшти Корпусот на исламската револуционерна гарда (ИРГГ), пренесуваат иранските медиуми.

Ормускиот Теснец пред колапс: Нов танкер налета на мина

„Четврти танкер во рок од 24 часа експлодираше во Ормускиот теснец откако удри во поморска мина“, се наведува во извештајот објавен синоќа на каналот на „Прес ТВ“ (Press TV) на „Телеграм“.

Иранската Револуционерна гарда претходно соопшти дека три нафтени танкери се запалиле и експлодирале додека се обидувале да користат, според тврдењата на Техеран, неовластени пловни патишта низ Ормускиот теснец.

Во соопштение од Морнарицата на Револуционерната гарда се наведува дека еден од танкерите превезувал два милиона барели сурова нафта кога налетал на мина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Лавров по состанокот на Г20 во Атланта : Нема подобрување на односите меѓу Русија и САД

„Во пракса, досега не е забележан никаков реален напредок во односите со САД“, рече Лавров синоќа.

Лавров по состанокот на Г20 во Атланта : Нема подобрување на односите меѓу Русија и САД

Шефот на руската дипломатија, Сергеј Лавров, изјави дека досега нема никакво подобрување во односите меѓу Русија и САД, и покрај неговото присуство на состанокот на министрите за надворешни работи на Г20 во американскиот град Атланта, јави ДПА.

„Во пракса, досега не е забележан никаков реален напредок во односите со САД“, рече Лавров синоќа.

„Не треба да се негуваат илузии во врска со договорот за дизел горивото“, додаде тој, осврнувајќи се на договорот меѓу САД и Кремљ за привремено укинување на санкциите, со цел да се овозможи набавка на руско дизел гориво и да се намалат цените на бензинските пумпи.

Лавров изрази незадоволство, наведувајќи дека „суштинските прашања не се решаваат, санкциите остануваат на сила, сите санкции воведени од (поранешниот американски претседател Џо) Бајден продолжуваат да се спроведуваат од страна на актуелната администрација, а се воведуваат и дополнителни санкции за нафтените гиганти ’Лукоил‘ и ’Роснефт‘“, пренесува германската агенција .

Осврнувајќи се на планираните трилатерални разговори меѓу Украина, САД и Русија, Лавров истакна дека преговарачките позиции се јасни.

Според неодамнешните најави од Кремљ, делегациите планирале да се сретнат кон средината на ноември во Абу Даби, главниот град на Обединетите Арапски Емирати, за да ги продолжат разговорите за можно мировно решение, кои беа прекинати со месеци.

Истовремено, Лавров остро го критикуваше својот германски колега Јохан Вадепул, обвинувајќи го за одбегнувањето на министрите на вообичаената заедничка фотографиоја од состанокот.

Министрите за надворешни работи на Г20 ја откажаа заедничката фотографија на учесниците на разговорите во Атланта. Кратко пред почетокот на состанокот, шефот на германската дипломатија изјави дека „нема да има заедничка фотографија на која нашите европски партнери ќе бидат заедно со г-дин Лавров“.

„Јас тоа го нарекувам ’дипломатија на семејни фотографии‘“, рече Лавров. „Ако најважното нешто за нив е како изгледаат на една заедничка фотографија и кој стои до нив, тогаш тоа кажува сè“, пренесе ДПА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер