На кампот што ќе се одржи од 10 до 14 јуни 2026 година во Тренинг центарот на ФФМ во Скопје, ќе учествуваат околу 100 момчиња и девојчиња на возраст од 5 до 17 години, кои на тренинзите ќе имаат можност да учат фудбалски вештини од тројца официјални тренери од Академијата на италијанскиот фудбалски гигант.

-Овој спортски камп е убава и ретка можност нашите деца да се запознаат со филозофијата, дисциплината и вредностите на еден од најголемите и најтрофејни фудбалски клубови во светот. Можност да учат од врвни професионални тренери, да стекнат нови знаења и искуства и да ги направат своите први, но исклучително важни чекори кон остварување на своите спортски соништа – рече Ристовски.

Министерот за спорт нагласи дека ваквите програми им овозможуваат на младите да ги усвојат не само техничките и тактичките вештини, туку и вредностите што ги гради спортот – дисциплина, посветеност, тимски дух, почит и одговорност.

-Како поранешен спортист, многу добро знам што значи ваква можност и колку ова искуство може да биде поттик за овие деца да се посветат на спортот и на спортските вредности. Се надевам дека овој камп ќе прерасне во традиција, а ние сме тука како Министерство за спорт и како Влада да ги помагаме ваквите настани и да промовираме вистински вредности – истакна Ристовски.

Организаторите потенцираат дека кампот комбинира високо ниво на технички тренинг, тактичка едукација и личен развој, помагајќи им на младите играчи да го откријат својот потенцијал и да ги подобрат своите фудбалски способности, истовремено прифаќајќи ги основните вредности на AC Milan.

-Фудбалските кампови на Милан нудат уникатна можност за момчиња и девојчиња да ја искусат методологијата на еден од најуспешните клубови во светот. Тренинг сесиите се базираат на филозофијата на Академијата на Милан и се водени од официјални тренери, со фокус на подобрување на талентот на секој играч.

Нашата мисија е да обезбедиме тренинг искуство на највисоко ниво, носејќи го истиот квалитет и професионализам што се нуди во Академијата на Милан – порачаа организаторите на кампот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Руските власти сè уште официјално не го објавија идентитетот на жртвата.

Според каналот на Телеграм, Шот, мажот е 62-годишен, додека некои други извори одат чекор понатаму и шпекулираат дека жртвата е дури и генерал-полковник во руската армија. Сепак, во моментов нема официјална потврда за неговиот чин или позиција.

Според рускиот истражен комитет, експлозијата се случила околу 5:30 часот по локално време, додека возилото се движело во близина на станбена зграда на улицата Колдунова, во областа Авијаторов.

Рускиот канал на Телеграм, 112 објави детали според кои експлозивната направа била поставена под седиштето на возачот. Мажот, според истите извештаи, починал на местото на настанот од тешки повреди.

🤨 A car exploded in a suburb of Moscow on June 9, killing the driver instantly.

The blast occurred in the Aviatorov neighborhood—a district heavily populated by military families—where Russian General Yaroslav Moskalik was assassinated in a similar car bombing. pic.twitter.com/GbtAuUW28L

— UNITED24 Media (@United24media) June 9, 2026

Областа Авијаторов, каде што се случи експлозијата, беше изградена наменски за припадници на руските вооружени сили и нивните семејства. Становите, наводно, биле доделени преку руското Министерство за одбрана на воени пензионери, ветерани и семејства на активни воени лица.

Според независниот руски медиум „Астра“, денешниот инцидент се случил на помалку од еден километар од локацијата каде што, во април 2025 година, генерал-потполковник Јарослав Москалик, заменик-началник на Главната оперативна дирекција на рускиот Генералштаб, беше убиен во сличен напад со автомобил-бомба.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Почитувани медиуми,

почитувани граѓани,

Лицемерието во оваа држава има име и презиме. Тоа се вика ДУИ.

Оние што најгласно зборуваат за албанството се токму тие што, кога ја имаа целата власт во свои раце, ги оставија Албанците во најлоша состојба, додека себеси се вдомија со функции, тендери и полни џебови.

Затоа, пред повторно да ни продаваат лажен патриотизам, добро е да го отвориме нивниот архив.

А кога ќе се отвори нивниот архив, излегуваат работи што јавноста треба да ги знае.

Токму оваа партија, која денес од опозиција зборува за албанските права, на врвот на својата власт, на 4 мај 2010 година, овозможила српскиот јазик да влезе во службена употреба во Општина Куманово, иако Србите сочинуваат околу 6,5 проценти од населението.

Еве го документот.

Црно на бело. Ова е вистинското лице на ДУИ.

Значи, кога требало да се официјализира српскиот јазик во Куманово, имале желба, гласови и волја. Но кога требало да се решаваат проблемите на Албанците, секогаш имало одложувања и опструкции.

По овој документ, природно се поставуваат неколку прашања.

Зошто толкава грижа за српскиот јазик во Куманово, а за проблемите на Албанците секогаш имаше пречки и доцнења?

Зошто немаа истата волја за правосудниот испит на албански јазик и за правичната и соодветна застапеност?

Повеќе од 20 години по ред, многу прашања на Албанците ги оставаа недовршени, со логиката „помини и продолжи“.

ВЛЕН не е против официјализирање на кој било јазик, но е против политичкото лицемерие.

ДУИ зборува за Албанците кога е во опозиција. ВЛЕН работи за Албанците кога е на одговорност.

Тоа е разликата што ниту една нивна пропаганда не може да ја прикрие.

Ви благодариме.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.