За операција на очи, но и други здравствени услуги во приватна болница, еднаш плаќал Фондот, а вторпат самиот пациент, а ланец на неказнивост овозможил повеќегодишна масовна злоупотреба на народните пари од здравствената каса, но и џебот на пациентите.

Ова го потврди Министерот за здравство Сашо Клековски кој кажа дека засега истрагата на МВР и Обвинителството за организиран криминал и корупција се однесува на три лица од Фондот и две од приватната клиника, но не откри детали дали станува збор за штета врз буџетот од над 1,5 милион евра и противправно стекна материјална корист за болницата од 4 милиони евра.

-Јас бев иницијатор на истрагата бидејќи станува збор за здравствена установа која имаше повторувачки прекршоци со години – значи не е еднаш, двапати, трипати, туку постојано повторување на слични прекршоци за кои не било соодветно казнувана. Јас предложив на Комисијата за прекршоци и таа прифати да се раскине договорот со таа здравствена установа за да се прекине ланецот на неказнивост. Истовремено побарав да се покрене истрага. Според моите информации станува збор за три лица од Фондот и две од здравствената устанува во моментов,- изјави министерот за здравство Сашо Клековски.

Пред официјалната акција на претреси на десетина локации, во Скопје, Куманово и Тетово, во детектирање на криминалот и обезбедување на докази биле инволвирани поголем број на институции како што е секторот за контола при Фондот и здравствениот инспекторат, потврди Клековски.

-Станува збор за повеќе врсти на прекршоци, една од најмасовните е двојна наплата на пациентите. За иста услуга под различни превези и изговори е наплаќана од пациентите. МВР заедно со секторот за контрола на ФЗО напорно работеше да се завршат сите работи, беа вклучени и ДСЗИ и Агенцијата за контрола на лекови, но и други установи за од сите аспекти да се затвори истрагата,- - изјави министерот за здравство Сашо Клековски.

Според првичните неофицијални информации, дел од медиумите шпекулираат дека во центарот на истрагата е Ден Дончев, поранешниот директор на ФЗО во времето на владата на СДСМ, а се споменуваат и поранешни и актуелни функционери во Фондот, меѓу кои поранешен претседател на Управниот одбор, поранешен раководител на Секторот за контрола во ФЗО и директори на скопската подрачна единица.

Неофицијално се споменуваат и имиња на поранешни сопственици и управители, но и сегашни раководители на една приватна болница во Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Секторскиот состанок се одржал на 11 март со началникот на СВР Штип на кој била издадена наредба за координираната акција , сведочел на рочишето поранешниот началник на ОВР Пробиштип .

Екс началникот сведочел дека од началничката од Кочани му биле побарани професионалци и лица на ниво на задачата, а дека ниту тој ниту анагжираните полицајци од Пробиштип немале информации во кои угостителски објекти ќе се извршува акциската конртола.

Според неговото сведочење, заради лошите искуства акцијата била со усна а не со писмена наредба. Мегу ангажираните полицаји бил и Тоше Тодоровски, кој загина кобната ноќ во Пулс.. Сведок пак кој бил гостон во дискотеката изјавил дека забележал како еден од еден од обвинетите полицајци помагал во текот на ноќта, а дел од обвинетите биле надвор. Гостинка која пристигнала по два часот ноќта сведочи дека откако Панчо алармирал за пожарот се упатила кон излезната врата, каде заради преголемата гужва бил искршен и гипс картон, но и стакло на вратата. Таа изјавила дека таму паднала и се заглавила.. Се сеќавам дека се обидуваше да ме извлече лице во униформа – изјавила таа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тејла Ли Брејли денес се појави пред Окружниот суд во Парамата откако се изјасни за виновна по четири обвиненија, објавува „Канбера тајмс“.

Обвиненијата се однесуваат на прекршоци извршени во текот на 2024 година, кои вклучуваат сексуални дејствија со двајца тинејџери, како и користење на телекомуникациски услуги за испраќање и пристап до материјал што прикажува злоупотреба на деца.

Судијката Елизабет Рајан изјави дека начинот на кој Брејли ја издал довербата меѓу професорката и нејзините ученици заслужува затворска казна.

„Ваквите прекршоци нанесуваат огромна штета на довербата што мора да постои помеѓу семејствата и образовниот систем“, изјави судијката Рајан.

„Поради тоа, единствената соодветна казна е затворска“, додаде таа.

Детективите првично ја уапсија Брејли во август 2024 година, во едно училиште во Сиднеј.

Ученик: Го напуштив училиштето од срам Во тоа време, таа беше обвинета за сексуално вознемирување и за одржување сексуални односи со лице под посебна грижа.

Откако беше пуштена на слобода со кауција, таа повторно беше уапсена помалку од две недели подоцна. Притоа, таа беше обвинета за дополнителни сексуални дејствија во кои бил вклучен уште еден тинејџер.

На суд беше изнесено дека Брејли била таа што прва стапила во контакт со еден од младите мажи. Судијката прочита изјава за влијанието врз жртвата, подготвена од еден од тинејџерите, при што истакна дека нејзините постапки оставиле длабока трага кај учениците.

„Тој напиша дека чувствува срам и дека морал да го напушти средното училиште пред да го заврши 12-то одделение – што одговара на нашата четврта година во средно училиште – токму поради тој срам“, изјави судијката.

„Тој пател од несоница и бил прогонуван од трауматични сеќавања. Рече дека никој од неговите пријатели од училиштето веќе не разговара со него. Се чувствувал како тоа да е негова вина“, нагласи таа.

Судијката се осврна и на писмата од членовите на семејството на обвинетата, во кои се наведува дека поради овие кривични дела, 32-годишната жена останала без брак, работа и углед. Таа, исто така, изнесе детали од психолошката проценка доставена до судот. Во извештајот се наведува дека на Брејли ѝ е дијагностицирано биполарно растројство и дека, најверојатно, се наоѓала во манична фаза во моментот кога биле извршени делата.

„Во јули 2024 година, г-ѓа Брејли направи ужасни грешки. Таа ја искористи својата положба како наставничка за да ја злоупотреби довербата на две млади лица“, изјави судијката. Брејли ќе стекне право на условен отпуст на 24 април 2027 година. Судијката, исто така, наложи нејзиното име да биде внесено во полицискиот регистар на сексуални престапници во Нов Јужен Велс, во траење од 15 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.