Коп до Ахмети: Политичко влијание врз Врховниот суд, ќе предизвика силна реакција од Холандија

Во фејсбук статусот што беше објавен на страната на Холандската Амбасада се вели дека по двегодишен постојан пад на владеењето на правото, посветеноста на Македонија за членство во ЕУ е загрозена низ политичкиот спектар.

Неприфатливо е политичкото влијание врз претседател на Врховниот суд, што е судска работа и ќе предизвика силна реакција од Холандија, е пораката на Холандскиот амбасадор Дирк Јан Коп што му ја пренел на лидерот на ДУИ Али Ахмети, на денешната средба што се одржала во седиштето на Интегративците. Во фејсбук статусот што беше објавен на страната на Холандската Амбасада се вели дека по двегодишен постојан пад на владеењето на правото, посветеноста на Македонија за членство во ЕУ е загрозена низ политичкиот спектар.

Критиките во јавноста се зголемија откако претседателката на врховниот суд Беса Адеми се пожали на политички притисоци, а Судскиот совет ја повика на одговорност дека не ги пријавила притисоците и отсуствувала од седниците на советот. На само два дена пред нова година членот на советот Миљазим Мустафа, предложен од Престедателот Пендаровски кој што пак за Канал 5 посочи дека е поддржан од ДУИ, побара разрешување на Адеми, а како причина беше наведено наводно континуираното отсуство од седниците.

Од судски совет велат дека извештајот за Адеми е во финална фаза од подготовките и на некоја од наредните седници ќе се најде на дневен ред и за него ќе расправаат членовите на советот.

-Комисијата на известители го изработи извештајот кој е во финална фаза. Во законскиот рок од 15 дена ќе биде целосно завршен и испратен на подносителот и кон судијата на кој се однесува барањето,се вели во соопштението на Судскиот Совет.

Покрај критиките на холандскиот амбасадор и работата на сусдскиот совет е мета на критики и од домашната експертска јавност. Пензионираниот професор Давитковски за Канал 5 изјави дека испрашување од член на СС и односот кон претседател на Врховниот суд до сега е невиден правна практика.

„Видовме и кога ја испрашуваа и претсдателката на Врховниот суд такво безобразно испрашување од член на СС кој воопшто не е ни судија да се однесува спрема претседател на Врховниот суд е засега не видено во нашава правна практика... Нема под дното дно, однесувањето на СС е срамота и амбасадори и научна и стручна јавност сите реагиравме на ова нив очигледно веруваат во господ а сега очигледно Господ има. “-Борче Давитковски - Универзитетски професор во пензија

Инаку холандскиот амбасадор Хоп редовно укажува дека во Македонија нема вистинска политичка волја за промени, и постојано потенцира дека изговори има наместо реформи кои се закочени, а неговите приговори најчесtо одат на сметка на правосудниот систем.

Последна снимка на семејството пред количката со близначиња да заврши на шините, а возот доаѓал

Татко и неговата двегодишна ќерка загинаа кога ги удри воз во Сиднеј откако количката со близнаците заврши на шините.

Сведоците со ужас гледаа како количката со двегодишните близнаци паѓа од платформата на железничката станица на шините додека возот пристигнува, објави Дејли Меил.

Таткото на девојчето (40) веднаш скокнал од платформата во херојски обид да ги спаси своите деца, но за жал не успеал. Тој починал заедно со едно од девојчињата, додека другото било неповредено.

Мајката на девојчето (39) извикала „спаси ми ги бебињата“ од платформата, секунд пред трагедијата, велат очевидци.

Уште едно девојче за чудо се спасило од повреди иако завршило под возот.

Австралиските медиуми објавија видео од семејството неколку моменти пред трагедијата. На него се гледа како таткото ги турка девојчињата во количка, додека мајката оди покрај нив со количка за пазарење. Семејството изгледа опуштено додека се шетаат, не знаејќи каков ужас ќе ги снајде.

Трагедијата се случила вчера на железничката станица во Карлтон, јавуваат медиумите.

Полицаецот Пол Данстан рече дека родителите со лифтот се качиле на платформата на станицата, каде за момент ги тргнале рацете од количката.

Количката со близнаците потоа се истркалала кон железничката пруга, додаде тој.

Полицијата добила повик околу 12:25 часот откако очевидци виделе количка како паѓа од перонот на патеката на возот што доаѓал.

Возот не требало да застане на таа станица и се чини дека забавил пред трагедијата, но не успеал навреме да запре.

Кога видел дека количката е тргната кон шините, таткото се обидел да ги спаси своите деца, но за жал не успеал.

Тој и едната ќерка загинале, додека другото девојче било неповредено.

Мајката (39) и другото девојче се пренесени во болница и нивната состојба е стабилна.

Девојка остана заглавена на аеродромот во Бангкок поради бизарен превид: Цело време плачев

Рози Вискоми (27) од Норфолк се најде во центарот на медиумското внимание, бидејќи требало да патува од Бангкок до Лондон, но поради необичен превид останала заглавена на аеродромот.

Таа останала на тајландскиот остров Кох Фа-нган, каде што студирала јога. Сепак, немала поим какви проблеми ќе ја снајдат кога ќе се враќа во Британија.

Таа резервирала лет за поврзување (Индија и Турција) и требало да се врати во Лондон на 4-ти јули. Меѓутоа, не можела да влезе во авионот бидејќи властите откриле дека страницата со фотографијата во пасошот е делумно скината.

Дополнително, ја известиле дека визата ѝ е истечена, што значи дека била илегално во земјата, иако тврдела дека документите ги средила само неколку дена порано, пишува „Дејли мејл“.

Вознемирена и исплашена од апсење, Рози контактирала со британската амбасада за да договори враќање дома, но целиот процес бил скап.

„Кога пристигнав на аеродромот ми рекоа „не одиш никаде со тоа“, мислејќи на скинатата страница. Им објаснив дека така било и кога влегов во државата. Рекоа дека Индија нема да ме пушти и дека морам да резервирам директен лет за Лондон“, вели девојката.

Рози тврди дека страницата ја скинала само за еден сантиметар, а со таков пасош, без проблем патувала низ Америка и Јамајка.

„Пропуштив лет кој чинеше 440 евра. Морав да извадам специјални документи и само се молам да се вратам дома. Всушност, не ми остануваат пари, бидејќи не сметав на дополнителни трошоци. Имиграциските власти велат дека би можела да платам дополнителни 380 евра затоа што ми истече визата.

Рози резервирала директен лет за Лондон и споделила како се чувствувала.

„Беше страшно, не знаев што да правам. Само плачев, а луѓето ми велеа дека ништо не можат да направат. Сакав да се вратам дома“.

Нејзината сестра, во меѓувреме, отворила страница за собирање средства за да ѝ помогне во решавањето на проблемот со дополнителните патни трошоци.

Пијан Грк до смрт претепал гостин на крштевка, па дивеел низ селото

Никос М.(64) е брутално убиен на прослава на крштевка во Грција кога, како што се сомневаат, до смрт бил претепан од пијан гостин, поточно маж и неговата сопруга.

Злосторството се случило вчера во селото Агиос Петрос во Аркадија, а полицијата ги привела осомничените кои денеска се изведени во обвинителството.

Убиството се случило на централниот плоштад во селото во раните утрински часови, по крштевката на која присуствувале голем број гости.

Несреќниот Никос изгубил свест на улицата од тешките тепања, а кога еден од минувачите го прашал тепачот: „Дали е мртов“, осомничениот одговорил: „Лаже, добро е“.

Пријател на жртвата тврди дека го видел осомничениот како пијан се сопнува на плоштадот.

„Беше утро и го видов како вика, беше во паника, не знаеше каде е“, изјавил сведокот за Мага.

Според очевидци, сѐ започнало кога Никос ѝ рекол нешто на сопругата на осомничениот, по што осомничениот почнал да го тепа додека не го убил. Осомничените прво го оставиле несреќниот маж да лежи на плоштадот во локва крв, но наводно потоа се вратиле на местото на злосторството.

„Напладне се организираше крштевка во селото и прославата траеше 12 часа. Гостите пиеја и јадеа од пладне и не станаа од трпезата дури два часа по полноќ. Насетувавме дека ќе се случи нешто лошо бидејќи имаше толку многу луѓе на крштевката и повеќето од нив беа пијани“, велат очевидци.

Околу два часот по полноќ дел од гостите ја напуштиле прославата и отишле во кафуле на плоштадот да се напијат кафе и малку да се отрезнат.

"Таму, изгледа, жртвата почнала да флертува со жена од таа група, а таму бил и нејзиниот сопруг. Полудел и почнал да го удира. Тогаш скокнал друг од групата и почнал да го тепа тој маж. Во еден момент го оставиле дека лежи на плоштадот без свест. Го оставиле неколку минути, бидејќи сопругата на осомничениот врескала да го остават на мира, но тие се вратиле“, велат очевидци, пренесува Прототема.

Тогаш, според нивните изјави, осомничениот сфатил дека човекот што брутално го тепал изгубил свест.

"Потоа почна да му вика да стане. Овој, се верува дека веќе бил мртов. Колку што знам, тој и жената признале дека го тепале, но имало и друг маж", рекол очевидец за грчките медиуми.

притисни ентер