Коњановски на работна средба со градоначалникот на Хаг - Канал 5

Македонија

Коњановски на работна средба со градоначалникот на Хаг

Пелагонија учи од холандските модели за иднината.

Коњановски на работна средба со градоначалникот на Хаг

Градоначалникот на Општина Битола, Тони Коњановски, како дел од регионалната делегација на Пелагонија, оствари работна средба со градоначалникот на Хаг, Јан ван Занен, во рамки на студиската посета на Холандија организирана од „Про Локал". Средбата беше посветена на размена на искуства за локалното управување, циркуларната економија, одржливиот урбан развој и улогата на младите во креирањето на локалните политики.

Во разговорите беше ставен акцент на современите предизвици со кои се соочуваат европските градови, управувањето со отпад, климатските промени, меѓуопштинската соработка и потребата младите да бидат активни чинители во развојот на своите заедници. Градоначалникот Ван Занен сподели и лични впечатоци од неговите посети на Македонија, посебно на Скопје и Охрид, истакнувајќи ги гостопримството на македонските граѓани и убавините на земјата.

Средбата беше дел од поширока студиска посета реализирана во рамки на проектот „ПЕЛО", поддржан од Амбасадата на Кралството Холандија во Македонија преку програмата MATRA, со цел запознавање со успешни европски модели кои ги поврзуваат локалната самоуправа, младите, бизнис секторот и академската заедница во создавањето иновативни и одржливи локални заедници.

Во делегацијата учествуваа градоначалниците на Битола, Прилеп, Ресен, Новаци, Могила, Кривогаштани и Долнени, како и претседателот на Регионалната стопанска комора – Прилеп, Никола Мариноски. Во рамки на посетата, делегацијата оствари работни средби и посети на неколку водечки центри за иновации, одржлив развој и локално управување во Холандија, каде што беше презентиран начинот на кој локалните власти, универзитетите, бизнис секторот и граѓанските организации заеднички работат на решавање на конкретни општествени и економски предизвици.

Во Хаг, делегацијата се сретна со претставници на Асоцијацијата на холандски општини (VNG) и Академијата за локално управување, каде што беше презентиран холандскиот модел на локална самоуправа, меѓуопштинска соработка и активно вклучување на младите во процесите на донесување одлуки. Посебен акцент беше ставен на начинот на кој младите се вклучуваат во креирањето на локалните политики преку директна соработка со општините, образовните институции и граѓанскиот сектор, како и на подготовката на младите за новите зелени работни места и економијата на иднината.

Делегацијата го посети и „Titaan Hub" – еден од најиновативните центри за поврзување на младите, образовните институции и компаниите. Преку конкретни примери беше прикажано како младинските идеи добиваат простор за развој, тестирање и комерцијализација во соработка со приватниот сектор, создавајќи нови производи, услуги и стартап компании. Токму овој модел беше препознаен како особено релевантен за развојот на идните иницијативи во Пелагонискиот регион, каде што задржувањето на младите и создавањето нови можности за вработување претставуваат заеднички приоритет на локалните самоуправи. Посетата започна во Амстердам со „De Ceuvel" – еден од најпознатите европски примери за трансформација на загаден и запуштен индустриски простор во функционален центар за одржлив развој, иновации и претприемништво. Делегацијата се запозна со практичната примена на принципите на циркуларната економија и со начинот на кој локалните власти создаваат услови за граѓанските организации, експертите и младите да придонесат во обновата на урбаните средини.

Во Делфт, делегацијата го посети Техничкиот универзитет Делфт, еден од најреномираните технички универзитети во Европа, како и „The Green Village" – уникатна лабораторија на отворено каде што истражувачи, студенти, компании и локални власти заеднички развиваат и тестираат решенија за справување со климатските промени и изградба на поодржлива инфраструктура.

Презентираните решенија опфатија иновативни градежни материјали, енергетски ефикасни системи за греење и ладење, употреба на алтернативни извори на енергија, како и нови пристапи во проектирањето на јавната инфраструктура. За градоначалниците, овие искуства беа особено значајни бидејќи покажуваат како локалните самоуправи можат да соработуваат со академската заедница и бизнис секторот во креирањето поодржливи и поотпорни градови, подготвени да одговорат на предизвиците на климатските промени.

Една од најсилните пораки што произлезе од посетата е дека успешните политики за одржлив развој не се резултат на активности на една институција, туку на партнерство помеѓу локалната самоуправа, младите, образовните институции, бизнис секторот и граѓанските организации. Токму ваквиот модел на соработка претставува важна насока за идниот развој на Битола и Пелагонискиот регион.

Студиската посета овозможи нови контакти, размена на искуства и отворање можности за идна соработка со холандски институции, универзитети и иновациски центри, со цел добрите практики и успешните модели постепено да се прилагодат и применат во локалниот контекст.

Општина Битола

Тагови: Тони Коњановски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Барби ѝ оддава почит на Витни Хјустон со нова кукла

Барби ѝ оддаде почит на покојната Витни Хјустон со своја кукла. 

Барби ѝ оддава почит на Витни Хјустон со нова кукла

Таа им се придружува на голем број ѕвезди, вклучувајќи ги Дејвид Боуви и Дајана Рос, кои добија своја кукла како дел од колекцијата „Barbie Signature“. Куклата изгледа исто како Хјустон во музичкото видео за „I Wanna Dance With Somebody (Who Loves Me)“ - облечена во розов, тесен фустан, шарени обетки и бели и сини потпетици, заедно со нејзините препознатливи шишки од 80-тите и долга виткана коса.

Барби ѝ оддава почит на Витни Хјустон

По повод речиси 40-годишнината од објавувањето на песната, како и нејзиниот роденден, куклата ја слави пејачката и нејзиното наследство во музиката, забавата и културата. „Музиката на Витни Хјустон е саундтрак за безброј моменти за обожавателите ширум светот“, рече Натан Бејнард, потпретседател и раководител на брендот Барби во Мател.

„Барби е горда што ѝ оддава почит на нејзиното извонредно наследство со најновото дополнување на колекцијата.“ „Оваа кукла го слави нејзиниот препознатлив стил, радост и дух. Се надеваме дека ќе им обезбеди на обожавателите значаен начин да го прослават уметникот чиј глас и влијание продолжуваат да резонираат низ целиот свет.“

Многу познати личности имаат свои кукли Барби

Куклата беше претставена на петтата годишна гала-вечер Витни Хјустон „Legacy of Love“, која е во корист на фондацијата на покојната пејачка за помагање на младите луѓе. Таа им се придружува на голем број музичари како што се Мајли Сајрус, Кајли Миног, Стиви Никс и Глорија Естефан кои исто така добија своја кукла во колекцијата. Други ѕвезди се Тина Тарнер, Елвис Присли, Елтон Џон и Хуан Габриел.

Хјустон стана еден од најпродаваните изведувачи во историјата на поп-музиката откако потпиша договор како тинејџерка. Таа стоеше зад хитови како „How Will I Know“, „Saving All My Love For You“ и нејзината изведба на „I Will Always Love You“, која се искачи на врвот на топ листите. Таа почина во 2012 година на 48-годишна возраст.

Извор: Индекс.хр

Тагови: Витни Хјустон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Малиот „Smart“ прикажан пред премиерата: Досегот ќе ве изненади

„Smart“ се враќа на малите автомобили, но електричниот „#2“ сега има многу поголем досег на возење.

Малиот „Smart“ прикажан пред премиерата: Досегот ќе ве изненади

Новиот градски автомобил „#2“ на „Smart“ требаше да биде претставен во октомври на Саемот за автомобили во Париз, но кинеските регулаторни документи веќе го открија неговиот изглед и технички податоци.

Моделот „#2“ го претставува враќањето на „Smart“ во сегментот на мали градски автомобили и е развиен во соработка со „Mercedes-Benz“ и „Geely“. Ќе се продава исклучиво како електричен автомобил.

Дизајнот на производствената верзија е многу сличен на концептот претставен во април. Разликите главно се однесуваат на поедноставна решетка и браници, различни светла, класични рачки на вратите и помали тркала со конвенционални гуми.

Купувачите ќе можат да изберат двобојни комбинации на каросерија, различни дизајни на тркала и дополнителни аеродинамични елементи.

Поголем, но сепак исклучително компактен

„Smart #2“ е долг 2,75 метри, што е околу шест сантиметри подолго од претходниот „EQ ForTwo“. Меѓуоскиното растојание останува речиси непроменето, додека кругот на вртење е 6,95 метри.

Автомобилот ја користи новата механичка платформа на „Geely“, „Electric Compact Architecture“, и електричен мотор од 82 КС поставен на задниот дел. Максималната брзина е електронски ограничена на 140 км/ч.

Досег 300-400 километри

Енергијата се обезбедува од „LFP“ батерија произведена од „CATL“, додека „Geely“ е одговорен за нејзиното склопување. „Smart“ наведува „WLTP“ досег од 300 километри, додека според кинескиот „CLTC“ стандард е можно да се поминат дури 400 километри.

Ова е значително повеќе од она што го нудеше претходниот „EQ ForTwo“.

Новиот модел ја поддржува и функцијата „V2L“, како и брзо„ DC“ полнење, при што батеријата се полни од 10 до 80 проценти за помалку од 20 минути.

Внатрешноста на сериската верзија сè уште не е прикажана, но се очекува дигитална инструмент табла, централен дисплеј и модерни детали познати од концептот.

„Smart #2“ ќе се произведува во Кина, а по официјалната премиера во Париз во октомври, треба да стигне до бројни светски пазари, вклучително и Европа. Цената ќе биде објавена подоцна.

Извор:Б92

Тагови: Smart

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Нема повеќе ограничувања за бесплатниот „ChatGPT“

„OpenAI“ објави дека бесплатниот „ChatGPT“ ќе добие неограничен број текстуални разговори, како и некои нови функции.

Нема повеќе ограничувања за бесплатниот „ChatGPT“

Американската компанија за вештачка интелигенција „OpenAI“ објави дека сите корисници на бесплатната верзија на алатката „ChatGPT“ ќе добијат неограничен број текстуални разговори, со што се отстранува претходното ограничување за разговор.

Бесплатните корисници и корисниците на пакетот „Go“ во иднина ќе го користат новиот модел „GPT-5.6 Luna“, кој станува стандарден модел наместо претходниот „GPT-5.5“.

Покрај тоа, корисниците ќе имаат пристап и до нова опција за подлабоко размислување (Think) што му овозможува на моделот да користи повеќе компјутерски ресурси при решавање на посложени прашања, објавува „Tech Crunch“.

„OpenAI“ нагласува дека ограничувањата сè уште ќе постојат за функциите што бараат повеќе ресурси, како што се работа со датотеки, гласовна комуникација, обработка на слики и генерирање нови слики.

Промените доаѓаат и кај корисниците со претплата „Plus“ и „Pro“ кои ќе го добијат подобрениот модел „GPT-5.6 Sol“, наменет за брзи задачи како што се одговарање на прашања, пребарување на интернет, планирање, пишување и донесување одлуки.

Новиот модел, според „OpenAI“, обезбедува поконцизни и посигурни одговори.

Дополнително, корисниците на „Plus“ и „Pro“ добиваат можност да го прилагодат нивото на размислување (Thinking Slider), што им овозможува да одредат колку време и компјутерски ресурси моделот ќе посвети на одговорот, во зависност од сложеноста на задачата.

Новиот модел е достапен за корисниците на „Plus“ и „Pro“ веднаш, додека оние кои не се претплатници постепено ќе добијат пристап до неограничени текстуални разговори во текот на оваа и следната недела.

Извор: Б92

Фото:ВИ

Тагови: ChatGPT

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер