Концерт на Сашо Поповски Трио на одбележувањето на Меѓународниот ден на џезот - Канал 5

Култура

Концерт на Сашо Поповски Трио на одбележувањето на Меѓународниот ден на џезот

Меѓународниот ден на џезот, 30 април, во Битола денеска ќе биде одбележан со концерт на Сашо Поповски Трио, културен настан што ќе го организираат Младински културен центар – Битола и Порта Џез, со што градот под Пелистер по четврт пат се вклучува во оваа глобална акција.

Концерт на Сашо Поповски Трио на одбележувањето на Меѓународниот ден на џезот
Концертниот настан ќе се одржи напладне, а влезот ќе биде слободен за сите љубители на добрата и квалитетна џез музика, информираа од МКЦ-Битола.

Сашо Додовски, менаџер на МКЦ-Битола истакна дека на пладневниот концерт во Битола ќе настапат Сашо Поповски-гитара, воедно професор на музичката академија при Универзитетот „Гоце Делчев“ во Штип, македонски џез музичар, композитор и бенд лидер.

- Неговата музика е спој на традиционалниот и современиот џез. На настанот ќе биде промовирано и неговото последно ЦД „Gathering”, снимено на неговите клупски настапи во битолската Магаза. Утре напладне ќе настапи и Иван Бејков-контрабас, член на Македонската филхармонија, македонски џез музичар кој е активен повеќе од 20 години како бенд лидер, но и како соработник на врвни џез музичари. Неговиот израз е фузија од конвенционални и авангардни елементи, рече Додовски.

Додаде дека во познатото македонско трио ќе настапи и Гоце Стевковски на тапани, кој е македонски џез музичар, кој е и член на Македонската опера и балет и професор на Музичката Академија на Универзитетот „Гоце Делчев“–Штип,

Претстојниот настан е дел од глобалната акција за прослава на Меѓународниот ден на џезот, кој вклучува над 1.000 настапи и концерти во повеќе од 190 држави во светот.

Главниот настан по повод Меѓународниот ден на џезот ќе се одржи во Белата Куќа во Вашингтон со настап на големите звезди Арета Фреклин, Стинг, Пат Метени, Диана Крал, Херби Хенкок и многу други, информираа од МКЦ-Битола.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Комунална хигиена: Во текот на минатата недела се отстранети 915 кубни метри отпад од диви депонии

Во текот на изминатата седмица, екипите на ЈП Комунална хигиена-Скопје отстранија 915 кубни метри непрописно одложен отпад од јавни и сообраќајни површини во сите скопски општини. 

ЈП Комунална хигиена: Во текот на минатата недела се отстранети 915 кубни метри отпад од диви депонии

Најголемо количество отпад од диви депонии е подигнат во општината Центар, каде што се расчистени вкупно 185 кубни метри непрописно одложен отпад.

Еко-патролата на ЈП Комунална хигиена-Скопје минатата недела изготви 15 записници за лица и правни субјекти затекнати при кршење на Законот за јавна чистота. Најголем број на записници беа врачени на територијата на скопската општина Чаир.

ЈП Комунална хигиена-Скопје продолжува на жителите на градот Скопје да им ја нуди можноста својот кабаст отпад, во којшто спаѓаат стариот мебел, електронските и електричните апарати, без плаќање паричен надоместок да го одложат во Центарот за селекција на отпадот во Карпош, секој ден во неделата, во терминот од 07 до 19 часот.

Доколку граѓаните имаат потреба ЈП Комунална хигиена-Скопје со специјални комунални возила да го преземе и транспортира кабастиот отпад од нивните домови, оваа услуга можат да ја нарачаат од понеделник до петок, во периодот од 07 до 15 часот, на следните телефонски броеви: 0800 222 33 и 3216644.

Услугата се наплатува според однапред утврден Ценовник објавен на веб-страницата на Претпријатието (https://khigiena.com.mk/grid/?id=22).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Над 90 милиони евра вложени во образовната инфраструктура

Над 90 милиони евра вложени во образовната инфраструктура, продолжува реконструкцијата на училиштата и студентските домови.

Мицкоски: Над 90 милиони евра вложени во образовната инфраструктура

Претседателот на Владата на Република Македонија, Христијан Мицкоски, денеска, одговарајќи на новинарско прашање во однос на критиките во делот на образовната инфраструктура, што направи Владата во изминативе две години и три месеци за подобрување на условите за учениците и студентите, изјави:

„Што се однесува до образовната инфраструктура, во овој момент можам да кажам дека Владата има инвестирано повеќе од 90 милиони евра за овие 26-27 месеци. Од коишто половина се директно од Министерството за образование, во делот на студентските домови. Еве, утре еден таков нов, реконструиран, модерен, современ студентски дом ќе биде пуштен, тоа е студентскиот дом „Стив Наумов“. Многу скоро ќе биде и вториот студентски дом „Кузман“, но исто така и сите студентски и ученички домови ќе бидат и веќе почнат е тој процес на нивна реконструкција и обновување. Нешто што со децении не било направено. Има многу работи коишто треба да се направат. Приоритет по приоритет, еден по еден, тие приоритети ги решаваме. И отприлика уште 45 милиони евра преку АА програмата, односно преку оној проект на децентрализирање средства од централниот буџет кон општините се наменети за проекти во образованието, реконструкција на основни и средни училишта.

Така што, инвестициите се огромни и тоа можам да кажам дека претставува еден приоритет на оваа Влада и ве поканувам еве утре заедно да, мислам дека утре е потврден настанот, во рамките на „Стив Наумов“ студентскиот дом, да можеме заедно да го отвориме, да прошетаме, да видиме како сето тоа изгледа и какви услови ќе имаат нашите студенти.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Медведев: „Единствена Русија“ ќе ја формира најголемата пратеничка група во историјата на Думата

 Руската партија „Единствена Русија“ ќе ја формира најголемата пратеничка група во историјата на Државната дума, изјави во понеделникот претседателот на партијата, Дмитриј Медведев.

Медведев: „Единствена Русија“ ќе ја формира најголемата пратеничка група во историјата на Думата

„Партијата ‚Единствена Русија‘ навистина доби поддршка без преседан – над 58 отсто од гласовите – и имајќи ги предвид овие резултати, ќе ја формираме најголемата пратеничка група во нашата историја“, изјави Медведев по средбата на рускиот претседател Владимир Путин со лидерите на партиите што, според изборните резултати, влегоа во новиот состав на парламентот, пренесува „РИА Новости“.

Според конечните резултати од изборите за Државната дума од деветтиот состав, „Единствена Русија“ освои 349 од вкупно 450 пратенички места.

Изборите за рускиот парламент се одржаа од 18 до 20 септември, а новиот состав ги вклучуваше претставниците на пет политички партии – „Единствена Русија“, Комунистичката партија на Руската Федерација, Либерално-демократската партија на Русија, „Нови луѓе“ и „Праведна Русија – За вистината“, како и претставник на партијата „Родина“ и четворица независни кандидати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер