Кон Марс полетуваат четири летала, меѓу нив и арапско и кинеско - Канал 5

Технологија

Кон Марс полетуваат четири летала, меѓу нив и арапско и кинеско

Иако ја основаа вселенската агенција во 2014 година, Обединетите Арапски Емирати планираат во јули да го лансираат леталото Хоуп Марс, првата мисија на Црвената планета од исламска држава.

Кон Марс полетуваат четири летала, меѓу нив и арапско и кинеско

Во февруари, ќе биде лансирана мисијата на Сончевиот орбитер од Кејп Канаверал, Флорида. Тоа е соларен истражувачки сателит дизајниран од Европската вселенска агенција (ЕСА). Сончевиот орбитар ќе биде поблизу до Сонцето од кое било вселенско летало досега, и ќе биде првиот што ќе ги проучи поларните области на Сонцето кои тешко можат да се видат од Земјата. Ќе орбитира на оддалеченост од 43 милиони километри околу Сонцето и ќе биде во рамките на траекторијата на Меркур. Исто така, за време на седумгодишна мисија, Сончевиот орбитер ќе истражува и соларни бури кои влијаат на електричната мрежа и комуникациските системи на Земјата.

Првиот лет на Dragon 2 со екипаж

Капсулите со беспилотни летала на „SpaceX“ Dragon со години превезуваат товар на Меѓународната вселенска станица (ISS), поради што се нарекуваат „вселенски камиони“. Но, компанијата, основана од најголемиот вселенски визионер на денешнината Елон Маск, планира да го лансира вселенското летало „Dragon 2“ на ISS во мај. Првите астронаути што ќе се возат со вселенското летало се Мајкл Хопкинс, Виктор Гловер и Сочи Ногучи. Dragon 2 ќе остане „паркиран“ шест месеци на ISS и потоа ќе врати тројца астронаути на Земјата.

Роверот ,,Розалинд Френклин” се упатува кон Марс

Како дел од мисијата „ЕкОМарс“, заедничко вложување меѓу европската и руската вселенска агенција (ЕСА и Роскосмос), Роверот ,,Розалинд Френклин” ќе биде испратен кон Црвената планета на 25 јули. Роверот е именуван по Розалинд Френклин, трагична научна хероина. Оваа британска жена- научник одигра клучна улога во откривањето на структурата на ДНК во 1953 година, но почина пет месеци подоцна од карцином на јајниците на 38-годишна возраст. Мисијата „ЕксоМарс“ со роверот ,,Розалинд Франклин” ќе биде лансирана од космодромот „Бајконур“ во Казахстан. Ако сè оди според планот, роверот ќе се спушти на местото Oxia Planum на крајот на февруари 2021 година и потоа ќе започне да бара „знаци на живот“ на Марс.

HX-1

По Јингухо-1, првиот кинески орбитар за истражување на Марс, кој беше уништен во 2011 година во неуспешен обид за лансирање од космодромот Бајконур, Кинеската вселенска агенција (ЦНСА) направи сериозен обид за развој на ново вселенско летало. Резултатот од овој обид е систем кој се состои од орбитар и мал ровер наречен HX-1. Роверот е предвидено да биде лансиран од ракетата Чанг Џенг 5 од Венчанг Космодром во провинцијата Хаинан помеѓу 23 јули и 5 август 2020 година.

Надеж Марс: Првата мисија на Марс од исламска земја

Иако само што ја основаа вселенската агенција во 2014 година, Обединетите Арапски Емирати (ОАЕ) планираат да ја започнат својата прва мисија на Марс во јули. Тоа ќе биде прва мисија на Црвената планета од исламска земја. Орбитерот „Надеж Марс“ е заедничка работа на научници и експерти од вселенскиот центар Мохамед бин Рашид, Универзитетот во Колорадо и државниот универзитет во Аризона. Орбитерот треба да биде лансиран од Јапонија, и доколку се оди според планот, таа ќе пристигне во атмосферата на Црвената планета по седум до девет месеци, поточно во пролетта 2021 година, кога ќе се одбележат 50 години од основањето на Обединетите Арапски Емирати.

Хајабуса 2 се враќа на Земјата

Лансирана во декември 2014 година, јапонската сонда Хајабуса 2 (во превод јастреб) кон крајот на минатата година стигна до својата дестинација, астероидот Рјугу, на 300 милиони километри од нас. Од овој астероид, со дијаметар од околу 800 метри, Хајабуса 2 зеде примероци од почва на 21 февруари и 11 јули оваа година. Се верува дека астероидите се формирале уште на почетокот на настанувањето на Сончевиот систем, а научниците веруваат дека Рјугу можеби земал органска материја што може да придонесе за објаснување на појавата на живот на Земјата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Мерц во минус, постојано ја губи поддршката

Германскиот канцелар Фридрих Мерц постојано ја губи поддршката кај граѓаните, според резултатите од анкетата за телевизијата „ZDF“. 

Мерц во минус, постојано ја губи поддршката

На скала од +5 до -5, Мерц доби рејтинг од минус 1,9 од испитаниците - неговиот најлош резултат досега.

На крајот на јули, канцеларот, кој е и лидер на Христијанските демократи (CDU), имаше рејтинг од минус 1,5 во анкетата спроведена од Институтот Вален.

На врвот на листата сè уште е министерот за одбрана на социјалдемократите (SPD) Борис Писториус, со рејтинг од 1,3.

Лидерот на социјалдемократите и вицеканцелар Ларс Клингбајл останува во негативната зона, со непроменет минус 0,6.

На дното на листата од 10-те најважни политичари е копретседателката на Алтернатива за Германија (AfD) Алис Вајдел со рејтинг од минус 2,5.

Анкетата, исто така, укажува на големи сомнежи за поддршката за Мерц во рамките на неговата сопствена партија. Дури 80 проценти од испитаниците, вклучувајќи 67 проценти од поддржувачите на ЦДУ, рекле дека партијата не го поддржува целосно својот лидер.

Доколку изборите се одржат следната недела, АфД би освоила 27 проценти од гласовите, според анкетата, и би останала далеку пред ЦДУ, која би добила 22 проценти.

Двете партии изгубиле еден процентен поен од анкетата кон крајот на јули.

СПД останува на 12 проценти, додека Зелените се зголемија за еден процентен поен на 14 проценти. Левичарската партија остана на 12 проценти.

Институтот Вален ја спроведе анкетата од 17 до 19 август, преку телефон и преку интернет, на примерок од 1.319 гласачи.

Извор: Б92

Тагови: Фридрих Мерц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Реакција на АВМУ на соопштението на СДСМ

АВМУ одлуките ги носи исклучиво согласно закон и утврдени процедури.

Реакција на АВМУ на соопштението на СДСМ

Агенцијата за аудио и аудиовизуелни медиумски услуги (АВМУ) реагира на обидите на Социјалдемократскиот сојуз на Македонија да го доведе постапувањето на Агенцијата во конкретни предмети во контекст на дневно-политички интереси.

АВМУ постапува исклучиво врз основа на надлежностите и во рамките на постапките утврдени со закон. Пред секоја промена на сопственичка структура на радиодифузер, тој е должен да достави известување за промена на сопственичката структура и воедно да достави соодветна документација. По приемот на известувањето, Агенцијата ја проверува документацијата и нејзината усогласеност со закон и во рок од 30 дена донесува одлука дали промената ќе биде одобрена или одбиена.

Законскиот застапник на Радиодифузното друштво Наша ТВ ДООЕЛ Скопје и Трговското радиодифузно друштво РФМ ДООЕЛ Скопје, достави барање за промена на сопственичката структура на 29 јуни.

Заради целосно утврдување на сите факти и околности релевантни за предметите, како и обезбедување на сите информации потребни за законито, правилно и објективно одлучување, Советот на Агенцијата го продолжи рокот за одлучување за дополнителни 30 дена. Во овој период, Агенцијата продолжува со проверка на доставената документација и со прибирање на потребните информации од надлежните институции. Постапките по барањата се во тек.

Одлуките на АВМУ се носат врз основа на утврдените факти и исполнувањето на законските услови и прописи, а не врз основа на шпекулации, претпоставки или политички обвинувања.

Затоа Агенцијата ги повикува политичките субјекти да не ја политизираат и да не ја користат работата на независниот регулатор за сопствени политички интереси.

АВМУ и натаму ќе ги извршува своите законски надлежности професионално, независно и транспарентно, во интерес на обезбедување слободен и плуралистички медиумски простор во земјава.

АГЕНЦИЈА ЗА АУДИО И АУДИОВИЗУЕЛНИ МЕДИУМСКИ УСЛУГИ

Тагови: АВМУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Димитриеска-Кочоска и Ацевски потпишаа Меморандум за соработка помеѓу МФ и ДЗР – Поголема координација за заштита на јавните средства

​Министерството за финансии и Државниот завод за ревизија ја унапрдуваат меѓуинституционалнта соработка и координација со цел градење посигурен, поефикасен и поодговорен систем на јавни финансии. 

Димитриеска-Кочоска и Ацевски потпишаа Меморандум за соработка помеѓу МФ и ДЗР – Поголема координација за заштита на јавните средства

Денеска министерката за финансии Гордана Димитриеска-Кочоска и главниот државен ревизок Максим Ацески потпишаа меморандум за соработка помеѓу двете институции.

Министерката Димитриеска-Кочоска истакна дека денешното потпишување на Меморандумот за соработка со Државниот завод за ревизија го зајакнува партнерство коешто ги поврзува експертските, техничките и аналитичките капацитети на две клучни институции во заштитата на парите на граѓаните и создава поцврста институционална основа за заедничко дејствување во спречувањето и откривањето на неправилности, измами и коруптивни дејствија.

„Министерството за финансии и Државниот завод за ревизија потврдуваат јасна политичка и професионална определба за силни институции, одговорно управување со јавните средства и нулта толеранција кон корупцијата. Ова партнерство не е само административен чекор, туку суштинска реформа, која дава основа за подобра координација, поголема транспарентност и поефикасна заштита на јавните средства. Нашата обврска е секој денар од домашните буџетски средства, како и секое евро од европските фондови, да биде потрошено законски, наменски, одговорно и во интерес на граѓаните“, истакна министерката на потпишувањето на Меморандумот.

„Потпишувањето на овој Меморандум претставува воспоставување на бескомпромисен систем на институционална синергија, која преку конкретна примена на меѓународните ревизорски стандарди и операционализација на АФКОС мрежата, гарантира дека секој денар од даночните обврзници е заштитен од неправилности и измами. Со оваа соработка, ние не само што ја подигнуваме транспарентноста и отчетноста на највисоко ниво согласно европските вредности, туку директно го подобруваме квалитетот на услугите за граѓаните, осигурувајќи дека средствата на даночните обврзници се користат наменски во насока на испорака на квалитетни, навремени и континуирани услуги на граѓаните“, изјави главниот државен ревизор Ацевски.

Иницијативата за Меморандумoт за соработка меѓу двете институции е резултат на добрата пракса во земјите-членки на Европската унија и истиот воспоставува рамка за соработка во повеќе области од заеднички интерес, овозможува размена на искуства, знаења и податоци, унапредување на професионалните капацитети и примена на европските стандарди.

Меморандумот ќе овозможи на двете институции размена на знаења и искуства преку работни средби, работилници, конференции, семинари, обуки и други форми на професионално усовршување. Вработените од Државниот завод за ревизија ќе можат да се вклучат како предавачи во обуките што ги организира Министерството за финансии преку Секторот – Академија за јавни финансии, додека експертите од Министерството за финансии ќе можат да придонесат во програмите за континуирано професионално усовршување на вработените во Државниот завод за ревизија. Предвидена е и редовна размена на стручна литература, сметководствени и ревизорски стандарди, методолошки прирачници, годишни програми за ревизорски активности, како и конечни ревизорски извештаи и акциски планови подготвени од јавните субјекти. Со Меморандумот се предвидени активности за подигнување на јавната свест за превенција и препознавање на неправилностите и измамите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер