Ова се само дел од прашањата кои останаа не одговорени по акцијата на заменик премиерот Бујар Османи кој викендов сврте неколку кругови низ главниот град за да провери кој од директорите на институциите се уште има поставено табла само на македонски јазик, а не и на албански, но и со старото државно име Република Македонија.
Според професорката Јасна Бачовска обиколката на вицепремиерот може да има контраефект и ги подгрева меѓуетничките страсти.
Објаснување и зошто ургира кај директор за еднојазична табла на влез на институција, лично од Османи се уште нема. Од секретаријатот за европски прашања со кој тој раководи, го правдаат дека Законот за јазици е владина обврска и бидејќи се работи за обемен процес, сечија проверка, надзор и информирање било добредојдено.
Според некои анализи, мотивот за постапката на Османи, може да се бара и во претстојниот Конгрес на ДУИ, закажан за ноември, на кој доколку Ахмети одлучи да се повлече ќе треба да се избере нов лидер, а токму Османи се смета за еден од кандидатите за негов наследник.