КОМПИР ТОРТА

РЕЦЕПТ НА МАРИЈА КИРИЌ

Потребни состојки: 7-8 компири, 2 лажици путер, 3 лажици брашно, 100 гр. кашкавал, 100 гр. печеница, 100 гр. свински врат, 100 гр. печурки, малку млеко, малку магдонос, 2 чешни лук, 2 лажички зачин од сув зеленчук, сол и бибер по вкус,

Постапка:

Компирот се вари во вода со малку сол и се гмечи.

Во тенџере се растопува путерот.

Се зачинува со зачин од сув зеленчук и се додаваат 3 лажици брашно и се размешува.

Се додава постепено по малку млеко се додека не се добие хомогена смеса.

Тенџерето се трга од оган и се додаваат последователно следниве сечкани продукти: кашкавал, печеница, свински врат, печурки, магдонос и лук.

Сите состојки се мешаат и се зачинуваат со сол и бибер по вкус.

Смесата се додава во тенџерето со варени компири.

Сите состојки добро се месат со раце.

Од добиената смеса се прават топчиња.

Топчињата се редат во тепсија премачкана со масло.

Се печат во загреана рерна околу 10 минути.

Црвен крст Кавадарци ја одбележува Неделата на борба против дијабетесот

Црвениот крст на Република Македонија,  Општинска организација Кавадарци, месецов традиционално ја одбележаа Неделата на борба против дијабетесот, под мотото „Здрави животни навики и дијабетот".

-Целта на оваа кампања е подигнување на свеста кај населението, за тоа што претставува шеќерната болест и нејзина превенција преку воспоставување на здрави животни навики. По тој повод, во просториите на Здружението на пензионери Кавадарци беше организирано бесплатно мерење на шеќер во крвта и крвниот притисок на околу 40 лица. Притоа од страна на стручното лице доктор Тони Јованов, лицата беа информирани дека шеќерната болест е хронична, исцрпувачка и скапа болест и беа советувани дека потребна е зголемена физичка активност, правилна исхрана и квалитетен живот, рекоа денеска од кавадаречкиот Црвен крст.

Волонтерите на Црвениот крст Кавадарци се вклучија во организирање превентивни заштитни мерки од Ковид-19. /МИА

Движењето Беса со марш низ Тетово, Касами порача дека промените мора да станат реалност

Движењето Беса организираше марш низ Тетово кој го предводеше кандидатот за градоначалник Билал Касами заедно со претставници на Алијанса за Албанците. 

Маршот започна од седиштето на партијата Движење Беса, а заврши на градскиот плоштад.

– Ова е победничкиот марш кој не обединува сите без разлика на партиската, етничка, верска и друга различност. Со оваа активности ги заокружуваме двонеделните активности за вториот изборен круг кои покажаа дека имаме најсериозна понуда за разлика од актуелното промашено раководство на Општина Тетово предводено од Теута Арифи, истакна Касами.

Тој додаде дека програмата и заложбите за менување на Теута се прифатени од граѓаните на Тетови, кои најдобро знаат да ја направат разликата.

-Како епилог на целата нашата активност се создаде заеднички заклучок дека во Тетово промените мора да станат реалност бидејќи Тетово и тетовци бараат промени. Затоа маршираме за победа затоа што Тетово обединува, вели Билал Касами.

Тој потенцираше дека нивниот опсег се заснова на принципите на добро управување и одржлив општински развој со намера да се достигнат неколку стратешки цели.

– Создавање на безбедна и перспективна средина за живеење со добар приход, регулирана инфраструктура и чиста животна средина. Поттикнување на малиот и средниот бизнис, стимулирање на инвестициски интереси. Обезбедување достапни и квалитетни јавни услуги. Развој на културно историско наследство како и туристички потенцијал, партнерство со граѓаните, истакна Билал Касами.

Во текот на маршот Касами се поздравуваше со граѓаните и ги повикуваше без разлика на својата припадност да гласаат во недела.

Меѓу претставниците на Алијанса за Албанците беше Вулнет Мурсели кој беше кандидат за градоначалник во првиот круг и советниците од двете партии. /МИА

Разрешена ОИК на Дебар, нов претседател на комисијата Рилинд Хаса

Државната изборна комисија ја разреши Општинската изборна комисија за Дебар, поточно нејзниот прв ешалон, додека остануваат и понатаму заменик-претседателот и замениците на членовите на комисијата.

На месото на Маџите Атипи, нов претседател на ОИК-Дебар е Рилинд Хаса, а потпретседател на комисијата и понатаму е Јованка Јосифовска.

-Ги презедовме обврските и продолжуваме со активностите околу спроведувањето на гласањето во недела на избирачо место 0543, каде изборите се повторуваат и за градоначалник и за членови на Советот на општина Дебар, изјави Хаса за МИА.

Како што е познато Управниот суд ја прифати тужбата на коалцијата Алијанса за Албанците-Алтернатива, а ДИК врз основа на овие тужби донесе решение за повторување на гласањето, со оглед дека вкупниот број на запишани избирачи на ова избирачко место влијае врз вкупните резултати во оваа општина.

На избирачко место 0543 во единствениот избирачки список запишани се 777 лица со право на глас. Во првиот круг ова право го оставариле 484 од кои 16 ливчиња биле неважечки.

Во првиот круг кандидатот на ДУИ и актуелен градоначалник Хекуран Дука, на ова избирачко место освоил 195 гласови или 40,29 отсто од запишаните, Беким Поцеста од Алијанса за Албанците-Алтернатива 271 или 55,99 отсто, и Петрит Клења, кандидат за градоначлник од ДПА, два гласа или 0,41 отсто.

Во оваа општина има 27 избрачки места, во единствениот избирачки список се запишани 19.211лица. Во првиот круг правото на глас го искористиле 8.046 лица или 41,88 отсто. Најмногу гласови доби Поцеста 3.998 или 49,69 отсто, Дука 3.713 или 46,15 и Клења 47 или 0,46 отсто. /МИА

притисни ентер