1Клековски: Три нови антикоагулантни лекови се на позитивна листа – од 1 јули се достапни во аптеките
ЕкономијаКомпанијата, која се прослави по антиковид вакцините доделува илјадници откази Германскиот производител на вакцини BioNTech, познат по развојот на вакцина против Ковид-19 во соработка со Pfizer, планира да затвори неколку производствени погони, што ќе резултира со губење на до 1.860 работни места.Компанијата со седиште во Мајнц го објаснува потегот како преголем капацитет и мерки за намалување на трошоците. Планираното реструктуирање вклучува и погони поврзани со неодамна стекнатиот конкурент CureVac, како дел од поедноставувањето на производствената мрежа. Затворањето на погоните во Идар-Оберштајн, Марбург и Тибинген во Германија е планирано до крајот на 2027 година, додека работењето во Сингапур треба да биде прекинато во првиот квартал од истата година. Забележлив пад на приходите од вакцините BioNTech проценува дека овие мерки, по целосна имплементација до 2029 година, треба да донесат годишни заштеди до 500 милиони евра. Заштедените средства ќе бидат насочени кон истражување, развој и комерцијализација на терапии против рак, што го потврдува стратешкиот пресврт на компанијата кон онкологијата. Одлуката доаѓа во период на значителен пад на приходите од антиковид вакцините. Во првиот квартал, BioNTech оствари приход од 118,1 милиони евра, во споредба со 182,8 милиони евра во истиот период од претходната година, првенствено поради послабата продажба на вакцини. Нето загубата се зголеми на 531,9 милиони евра, од 415,8 милиони евра една година претходно, што е поврзано со зголемени инвестиции во имуно-онколошки програми. Загуба од една милијарда евра За целата 2025 година, групацијата забележа загуба од една милијарда евра, што дополнително го одразува падот на приходите и растот на трошоците за развој. Во 2026 година, BioNTech очекува приходи помеѓу две и 2,3 милијарди евра, со континуиран пад на продажбата на вакцини против Ковид-19 во Европа и Соединетите Американски Држави. Во исто време, подготвува вакцина прилагодена на нови варијанти на вирусот за сезоната на имунизација 2026/2027 година. По аквизицијата на CureVac, компанијата планира да поднесе повеќе регулаторни барања за онколошки терапии до 2030 година, со цел зајакнување на својата позиција на пазарот за лекување на рак.Тагови: антиковид вакцини Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаГодишна инфлација во јуни: Македонија – 3,4%, Хрватска – 4,5%, Турција 32,11%Годишната инфлација во Македонија во јуни е 3,4%, но тоа што е посебен успех е фактот што инфлацијата кај храната и безалкохолните пијалаци е 2,5%, а кај облеката и обувките 2,1%.Практично, годишната инфлација во јуни најмногу ја зголемуваат алкохолните пијалаци, тутунот и наркотиците со 9,3%, како и транспортот со 6,2%. Колку за споредба во регионот: Грција – 3,9% Бугарија – 5,6% Хрватска – 4,5% Словенија – 3,6% Турција – 32,11% Другите земји од регионот сè уште немаат објавено податоци за јуни, па последните достапни се за мај: Косово – 6,8% БиХ – 5,6% Црна Гора – 3,6% Србија – 3,5% Албанија – 3% Ако го споредиме јуни 2026 со јуни 2022, тогаш бројките се следни: Јуни 2026 – 3,4% Јуни 2022 – 14,5% Ова е споредбата кога ќе се споредат двете енергетски кризи – првата по нападот на Русија врз Украина, а втората по нападот на САД врз Иран. 1 : 4,26.Тагови: инфлација Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаНови докази пред завршницата за предметот за претседателката на ДКСКНаместо завршни зборови, нови докази во судењето за претседателката на ДКСК Татјана Димитровска. Одбраната на Билјана Петровска Мантева, која се товари за откривање службена тајна на екс-директорот на ТЕЦ Неготино Небојша Стојановиќ. Одбраната достави документација со која тврди дека известувања од истата предистражна постапка за набавката на мазут веќе биле доставени до ад есм и подружниците уште во август 2024 година, повеќе од еден месец пред дејствието за кое мантева се товари. Обвинителството се спротивстави, но достави и свој доказ за работниот ангажман на Небојша Стојановиќ . Доказите ќе се изведуваат на утрешното рочиште, на кое се закажани и завршните зборови од главната расправа. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаВладата прогласи едностран раскин на Договорот со концесионерот Енерџи Лукс КочаниВладата прогласи едностран раскин на Договорот со концесионерот Енерџи Лукс Кочани за изградба на мала хидроцентрала на Блатешка река под падините на Плачковица. Мештаните од виничкото село Блатец, кои со жив штит чуваа стража на реката, велат дека ова претставува кулминација на нивната десетгодишната борба за зачувување на планинската река од која пијат вода и ги наводенуваат своите земјоделски посеви. -За овие десет години, концесионерот нема удрено ни една лопата од својот план, така што реката сега за сега е зачувана. Ние сме посветени на нашата борба и остануваме на тоа да не започне никаква градба на тоа место. // Ова е еден голем чекор и се надеваме дека ќе биде последен чекор, дека успехот е веќе на крајот, меѓутоа доколку се искористат овие правни норми и хипотетички се продолжи концесијата, ние сме на терен, ние отрпнавме на терен и остануваме на терен се додека не ја видиме нашата река онаква каква што треба да биде,- - Блаже Анакиевски, жител на с.Блатец. Концесионерот во рок од 30 дена има право да ја обжали одлуката на Владата пред Управен суд, меѓутоа, градоначалникот на Виница – Митко Костадиновски е на ставот дека стручни лица всушност никогаш не отишле на терен да ја увидат фактичката состојба, односно дека трасата на хидроцентралата со моќност од 606 kW е на главната водоводна цевка на селото Блатец. -Граѓаните треба да бидат спокојни и да немаат никаков проблем, затоа што без разлика и да се уваже жалбата, ние пред да биде укината концесијата на Енерџи Лукс, ние како општина Виница им дадовме прекин за изградба. // Тие имаат право да поднесат на ново за дозвола за градба, но кога ќе излезат на терен стручнаци и кога ќе видат дека таму каде што им е одобрено за градба минува линискиот инфраструктруен објект за водоснабдување на село Блатец, мислам дека не постојат стручњаци од таа област што би дозволиле да биде тоа,- -Митко Костадиновски, градоначалник на О.Виница. Инвеститорот на хидроцентралата - Енерџи Лукс Кочани ја добил концесијата уште во 2013та година од кога и статусот на повластен производител на електрична енергија практично секоја година се обновувал, меѓутоа со оглед на тоа што не започнал со производство во утврдениот рок, Владата ја раскинала концесијата. Од Енерџи Лукс Кочани за Канал 5 изјавија дека се уште не ги добиле официјално документите за поништување на концесијата и најавија дека претстои правен спор за обжалување на одлуката пред Управен суд. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter