Европратеници го тужат Европскиот парламент поради блокада на истрага за набавката на антиковид вакцини во ЕУ - Канал 5

Здравје

Европратеници го тужат Европскиот парламент поради блокада на истрага за набавката на антиковид вакцини во ЕУ

Според иницијаторите на тужбата, раководството на ЕП ги прекршило правилата со тоа што го отфрлило предлогот на седница зад затворени врати, наместо да го стави на пленарно гласање пред европратениците. 

Европратеници го тужат Европскиот парламент поради блокада на истрага за набавката на антиковид вакцини во ЕУ

Група европратеници од редовите на десничарските и екстремно десничарските партии поднеле тужба против Европскиот парламент до Општиот суд при Судот на правдата на ЕУ, со тврдење дека не било почитувано нивното право за покренување истрага околу начинот на набавка на антиковид вакцини од страна на ЕУ.

Во тужбата се оценува дека одлуката на Конференцијата на претседатели, што ја сочинуваат претседателката на Европарламентот, Роберта Мецола и лидерите на пратеничките групи, со која се отфрла барањето за формирање на Анкетен комитет за проверка на овие набавки, била противзаконска.

Според иницијаторите на тужбата, раководството на ЕП ги прекршило правилата со тоа што го отфрлило предлогот на седница зад затворени врати, наместо да го стави на пленарно гласање пред европратениците.

Станува збор за иницијатива потпишана од над 180 пратеници од редовите на групите Патриоти за Европа (ПФЕ), Европски конзервативци и реформисти (ЕЦР) и Европа на суверени нации (ЕСН) со која се предлага покренување парламентарна истрага за „наводите за корупција, перење пари, злоупотреба на моќта и прекумерно мешање во законодавните процеси“ при набавката на вакцини за време на корона пандемијата.

- Повеќе од 180 пратеници побараа истрага за тоа како ЕУ потрошила милијарди долари за договорите за вакцини и слични зделки. Раководството на Парламентот нема право да го спречи ова барање, изјави германската европратеничка Кристин Андерсон од редовите на ЕСН.

Со нејзиното мислење се согласува и холандската европратеничка Марике Елерс од редовите на Патриотите, која ја обвини Конференцијата на претседатели дека ја блокира истрагата, со тоа што не дозволила европратениците да се изјаснат за иницијативата.

- Лидерите на групите немаат надлежност да блокираат иницијатива чие предлагање е право на секој член (на ЕП), изјави Елерс.

Според судските документи, во кои увид имал бриселскиот портал „Политико“, тужбата е поднесена на 31 октомври, по што Судот му дал рок на Европскиот парламент да одговори на барањето на европратениците најдоцна до 20 ноември, пред да донесе одлука за постапување по предметот. Доколку ЕП не го прифати барањето, Судот може да покрене судска постапка, која би можела да трае со години.

На барање на „Политико“ за коментара на тужбата, Прес-службата на Европскиот парламент одговорила дека „не коментира поднесени или тековни судски постапки“.

[Претседателот на Европскиот парламент, Давид Сасоли, преку формално писмо соопшти дека во наредните три недели институцијата ќе работи забавено во обид да се намали ширењето на Ковид-19.]

Согласно процедурите на ЕП, европратениците можат да предлагаат формирање на анкетни комитети за оценка на транспарентност или утврдување на одговорност за некои постапки.

Доколку иницијативата биде поддржана од пропишаниот број европратеници, таа се доставува до Конференцијата на претседатели. Според толкувањата на мнозинството во Конференцијата, таа решава дали предлогот ќе го стави на гласање на пленарна седница, додека според иницијаторите на тужбата, таа само треба да ја констатира иницијативата и да ја предложи како точка за гласање пред пратениците.

Според Андерсон, која е членка на партијата Алтернатива за Германија, цел на предлагачите на тужбата е Судот да ја поништи одлуката на Конференцијата на претседателите и да ја поттикне претседателката на ЕП, Мецола да ја стави иницијативата на гласање на пленарна седница.

Шведскиот европратеник Чарли Вајмерс од редовите на ЕЦР, смета дека во овој случај не станува збор за „политичко прашање“ што треба да го разгледува Судот, туку за „процедурално и правно прашање“ околу непочитување на правилата.

- Ние сме прилично оптимисти дека одлуката (на Судот) ќе оди во наш прилог, изјави Вајмерс.

Германскиот европратеник Даниел Фројнд од групата на Зелените оцени дека правно гледано барањето на десничарските групи „можеби имаат поента“ и по него „веројатно требало да се одлучи на пленарна седница“.

Тој рече дека не поддржува Европарламентот да биде „малтретиран“ со предлози за формирање на разни комитети, но истакна дека анкетните комисии се законски инструменти кои им овозможуваат на европратениците да иницираа истражување на некои постапки.

Според Фројнд, можноста мнозинството пратенички групи да не поддржат изјаснување по иницијатива на пленарна седница, ја поништува целта поради која постои инструментот анкетна комисија.

Инаку, главно осомничена за неправилности и злоупотреби при набавките на вакцините е претседателката на Европската комисија, Урсула фон дер Лајен. Таа беше обвинета за непочитување на процедурите при договарање на набавките на вакцини од американската компанија „Фајзер“. Ова обвинување беше повод за покренување иницијатива во Европарламентот за изгласување на недоверба на Европската комисија, која беше отфрлена во јули годинава, како и за судска постапка против Фон дер Лајен пред Суд во Белгија, кој ја одби како неоснована.

Тагови: вакцина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево и топло со мала до умерена облачност

Времето денес ќе биде сончево и топло со мала до умерена облачност.

Денес сончево и топло со мала до умерена облачност

Ќе дува слаб до умерен ветер од југоисточен правец. Во попладневните часови ќе има услови за локален развој на нестабилна облачност проследена со пороен дожд, грмежи и засилен ветер. Минималната температура ќе биде во интервал од 10 до 18, а максималната ќе достигне од 30 до 35 степени.

Во Скопје, сончево и топло со мала до умерена облачност. Ќе дува слаб до умерен ветер од јужен правец. Минималната температура ќе се спушти до 15, а максималната ќе достигне до 34 степени.

Во петок ќе се задржи сончево и топло време. Во деновите од викендот под влијание на циклонска активност ќе преовладува променливо облачно време со повремени врнежи од дожд. Локално врнежите ќе бидат поројни и пообилни, проследени со грмежи и засилен северен ветер. Од сабота дневната температура ќе биде во значително опаѓање.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 10. септември 2026 година

Дневен хороскоп за четврток, 10. септември 2026 година. 

Дневен хороскоп за 10. септември 2026 година

Девица 23.8.-23.9.

Љубов

Ќе бидете разиграни и подготвени на разни палавштини. Доколку ја вклучите и смислата за хумор, би можеле убаво да се забавувате.

Кариера

Од секогаш сте ценеле она што ќе го направите со свои раце. Денеска ќе покажете необичен талент , што бара умешност на рацете.

Здравје и совет

Подобрување.

Вага 24.9.-23.10

Љубов

Ќе си признаете себеси дека би можело да биде и подобро , но денеска не е ден кога сте подготвени да дадете се од себе . Затоа не правете драма.

Кариера

Пуштете им на другите , а особено на надредените , да ги покажат своите планови. Вие не сте судија , туку доброинамерен соработник.

Здравје и совет

Вежбајте дисциплина.

Шкорпија 24.10-22.11.

Љубов

Во своето љубовно секојдневие ќе внесете оригинални идеи , а најверојатно на ручек или вечера за само вас двајцата.

Кариера

Пред вас е убава деловна можност за добра и интересна работа , што ќе дојде ненадејно. Ќе мора бргу да реагирате.

Здравје и совет

Потсетете се што е тоа што го сакате.

Стрелец 23.11.-21.12.

Љубов

Како што ќе минува денот, ќе забележувате како вашиот приватен живот ќе добива нов сјај и се враќа во рамнотежа.

Кариера

Ненадејно би можело да се укаже можност за деловна соработка со пријатели. Станува збор за работа поврзана со естетика.

Здравје и совет

Ќе ви недостига сила , штедете се.

Јарец 22.12.-20.1.

Љубов

И денеска е убав ден за дружење.Можете да излезете и убаво да се забавувате , било да сте сами или во двојка. Уживајте.

Кариера

Ќе продолжите со напорната работа без притисоци. Ќе се чувствувате сигурно и опуштено , а другите ќе ве поддржат.

Здравје и совет

Малите грижи уште повеќе се намалуваат.

Водолија 21.1.-19.2.

Љубов

Некои ќе бидат загрижени поради осаменоста , па утеха ќе побараат во неврзано муабетење со кафе. Ќе им биде забавно , но односите се површни.

Кариера

Ќе се потрудите работата да ја завршите што побргу зашто нема да ви се работи. Резултатите ќе бидат половични , а можни се и грешки.

Здравје и совет

Размислете за своите достигнувања.

Риби 20.2.- 20.3.

Љубов

Оние кои се во врска ќе се обидат да си го збогатат својот сексуален живот заедно со партнерот. Оние кои се сами , ќе се обидат да најдат друг вид забава.

Кариера

Нема да дозволите да се занимавате со неважни работи , туку целосно ќе се посветите на вашата главна цел. Ќе бидете во право.

Здравје и совет

Држете се до познатите навики.

Овен 21.3-20.4.

Љубов

Среќни сте што другата страна ве разбира или барем така ви се чини. Сега запрете со празни зборови и причекајте состојбата да се подобри.

Кариера

Ако некои од вашите колеги се жали на работата, треба да му се објасни дека треба да се работи користејќи ги сопствените знаења и искуства.

Здравје и совет

Немојте да бидете премногу дрски.

Бик 21.4- 20.5.

Љубов

Ќе ги заборавите прашањата што ве измачуваа и во позитивен дух продолжувате понатаму. Ќе увидите дека таквиот пристап е поздрав.

Кариера

Некој сепак ќе мора да попушти , а тоа ќе биде онаа попаметната страна Прифатете ги новите предизвици кои се пред вас.

Здравје и совет

Преоден пад на имунитетот.

Близнаци 21.5.-21.6.

Љубов

Денеска почнува вашиот поволен љубовен период. Се отвораат шанси за излегувања на многу интересни места.

Кариера

Оние кои работат креативна работа , ќе бидат многу современи во своето изразување и идеите. И натаму шефовите ве нервираат.

Здравје и совет

Неопходно ви е релаксирање.

Рак 22.6-22.7.

Љубов

Барањата за внимание кон еден член ан семејството накусо ќе ве оддалечи од саканата личност.

Кариера

Денот е добар за разработување на стручни стратегии со кои ќе ја унапредите работата на местото каде што сте вработени.

Здравје и совет

Верувајте му на вашето шесто чуло.

Лав 23.7-22.8.

Љубов

Вашата верба во љубовта ќе биде доволна гаранција за да си дозволите еден на друг самостоен излез и забава во друштво.

Кариера

Ќе посакате вашата работа да биде посериозна , но тоа е само минлива желба. Всушност, се е на своето место.

Здравје и совет

Одете таму каде што ви е убаво.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Магазин

Три работи за себе кои не треба да ги откривате пред сите: Укажуваат на вашите слабости, а манипулаторите се хранат со нив

Некои работи е попаметно да се зачуваат за себе, додека не бидете сигурни кому навистина можете да му ветувате.

Три работи за себе кои не треба да ги откривате пред сите: Укажуваат на вашите слабости, а манипулаторите се хранат со нив

Отвореноста е добра особеност, но не мора секој да знае сè за вас. Постојат работи што треба да би зачувате само за себе додека не процените кому навистина можете да му верувате.

Социјалните мрежи нè научија отворено да говориме за ставовите или проблемите со кои се соочуваме. Сепак, границата помеѓу искреноста и претераното откривање работи за себе е многу тенка. Потребно е да се биде внимателен со манипулаторите, зашто она што го откривате како слабост, во иднина може да го искористат против вас.

Вашите големи цели

Не е лошо да се говори за идните планови, но не мора секој да знае што сакате да постигнете. Големите идеи понекогаш е подобро да се развиваат во тишина, особено додека немате јасен план како да ги остварите. Премногу туѓо мислење може да ве поколеба, а има и такви кои вашите амбиции ќе се обидат да ги минимизираат, или да ги искористат против вас.

Пред да споделите некоја своја цел, бидете сигурни дека околу вас има луѓе кои умеат да дадат конструктивна критика, а не такви кои од завист бараат причина да ве обесхрабрат.

Семејни трауми

Семејните проблеми и болните искуства може длабоко да влијаат на тоа кои сме денес. Разговорот за нив може да биде лековит, но важно е да изберете кому му ги доверувате.

Најдлабоката болка бара луѓе на кои целосно им верувате, погрешните лица може подоцна тоа да го искористат за да ве повредат или манипулираат.

Тоа не значи дека траумата треба да се потиснува, туку разговорот со стручно лице може да ви помогне да разберете што всушност се случило, како тоа ве обликувало и како да се ослободите од товарот на минатото.

Не секоја личност што ги слуша вашите проблеми заслужува да ги знае.

Грешки од минатото

Сите имаме одлуки поради кои жалиме и ден-денес. Тоа е дел од животот. Важно е да си ги признаете сопствените грешки, од нив да извлечете поука и да го промените она што можете. Но, тоа не значи дека сте должни да ги прераскажувате пред секого.

Не мора секому да му објаснувате кои сте биле, што сте направиле и поради што сте погрешиле. Човекот кој сте биле некогаш, не е нужно истата личност која сте денес.

Ако нешто сте научиле, сте се промениле и сте продолжиле понатаму, нема причина старите грешки да ве етикетираат.

Не значи дека треба да лажете, туку да ги знаете сопствените граници

Поставувањето граници не значи дека сте неискрени. Не мора ништо да криете од срам, но имате право да изберете кому ќе се отворите за најчувствителните делови од својот живот.

Некои луѓе вашата слабост ќе ја разберат и чуваат, додека други ќе ја запомнат за еден ден да ја употребат против вас.

Затоа бидете искрени, но не и наивни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер