Компанија од САД: Го дешифриравме геномот на изумрената птица додо, може да ја вратиме во живот

Стартапот Colossal Biosciences од Далас тврди дека е блиску до оживување на додо, птица која исчезнала во 17 век, откако успешно го дешифрирале целиот нејзин геном.

Претходно објавија дека планираат да го реинкарнираат тасманискиот волк и волнениот мамут.

Но, стартапот има уште многу работа пред да се „оживее“ додото. Научниците не можат да го реинкарнираат животот од нула, но ќе мора да откријат како да вметнат гени специфични за додо во ембрионот на веќе постоечко животно, пишува Business Insider.

„Следниот чекор е да се споредат генетските информации со гените на тесно поврзани птици како што се гулабот Никобар и осаменикот Родригез за да се открие точно кои мутации на додо создаваат додо“, изјави Бет Шапиро, водечки генетичар на проектот, за Си-Ен-Ен. Шапиро додава дека крајниот план на стартапот е повторно да ги доведе овие птици на Маурициус, каде што живееле пред луѓето да ги истребат.

Планот е „многу, многу предизвикувачки“, изјави за Гардијан Јуан Бирни, заменик директор на Европската лабораторија за молекуларна биологија, кој не е вклучен во проектот. И покрај тоа што беше многу напорна мисија, компанијата успеала да собере дополнителни 150 милиони долари за проектот. Според Bloomberg, оваа последна инвестиција го проценува стартапот на 1,5 милијарди долари.

„Постојат јасни етички прашања за создавање на вид кој е наменет да биде пуштен во дивината. Некои луѓе мислат дека ако нешто може да се направи, тогаш треба да се направи. Но, не сум сигурен точно која е целта на сето ова и ако ова е навистина најдобрата распределба на ресурсите.Прво треба да ги спасиме видовите што ги имаме пред да исчезнат“, рече Бирни.

Colossal Biosciences тврди дека преку ова истражување сака да помогне во зачувувањето на веќе постоечките видови. „Очигледно сме среде криза со истребување. Особено се радувам на унапредување на генетските алатки за спасување на загрозените птици“, коментира Шапиро.

Во тек реставрација на пештерската црква „Света Богородица“ на островот Мал Град, кај Пустец

 Со европски пари се реставрира црквата „Света Богородица“ на островот Мал Град, кај Пустец, Мала Преспа, под надѕор на Регионалната дирекција за национална култура од Корча.

-Во тек е реставрацијата на црквата „Света Богородица“ на островот Мал Град, каде на виделина излегуваат дел од извонредни византиски фрески. Во исто време се поставува и надворешната врата, изработена врз основа на оригиналната, која се наоѓа во Музејот на средновековна уметност во Корча, објави општина Пустец. Со овој прекуграничен проект кој е продолжение на проектот „SmartCulTour“ ќе биде санирана и патеката до неа, а ќе биде поставено и осветлување на островот, информираа од општина Пустец.

Додаваат дека проектот е финансиран од Европската Унија преку ИПА Програмата за прекугранична соработка и со заложба на општините Битола и Пустец, како и Дирекцијата за музеи од Битола, Регионалната дирекција за културно наследство Корча и Младинскиот културен центар од Битола.

Оценуваат дека „оваа соработка ќе го подигне односот меѓу нашите институции и држави на друго ниво“

Пештерската црква „Света Богородица“, со својот фрескоживопис отскокнува од другите пештерски цркви расфрлани по бреговите на Преспанското и Охридското Езеро.

Островот Мал Град се наоѓа на три километри североисточно од Пустец на југоисточниот брег на Преспанското Езеро.

Врз основа на записите сочувани на неа, оваа црква претрпела три измени. Во првиот натпис пишува дека основач на црквата е Бојко со жена му Евдокија во 1345 година. Во вториот натпис, пишува дека црквата е возобновена во 1369 година од Кесар Новак, неговата жена Кали, неговиот син Амирал и неговата ќерка Марија. А, третиот натпис датира во 1607 година, кога е насликана надворешната западна фасада. Внатрешноста на црквата е целосно живописна и е доста позната по ѕидните фрески од византискиот палеолошки стил.

Видео: Ники Минаж уапсена поради дрога, снимила се и објавила: „Ме наместија“

Контроверзната раперка Ники Минаж е уапсена на аеродромот Шипхол во Амстердам во Холандија, јавуваат локалните медиуми, а пренесува Скај њуз. 

Раперката го снимила нејзиното апсење и се` објавила на социјалните мрежи.

На снимката се слуша како полицаецот и вели: „Ти си уапсена“.

"Се обидоа да ме спречат да дојдам на концертот. Ми ги земаа торбите пред да ги видам. Ги ставија во авионот. Сега велат дека чекаат царина. Вака изгледа кога луѓето се дебело платени пари за да се обидат да ја саботираат турнејата откако сè останато не успеало“, се пожалила таа.

Холандската полиција соопшти дека 41-годишна Американка била уапсена под сомнение дека поседувала лесни дроги, но не го навела името на жената за која станува збор. Уметницата наводно се подготвувала да лета за Манчестер на концерт во арената Co-op Live каде што требало да настапи.

КФОР демантира дека учествувал во преговори за повлекување на Срби од Бањска

Кфор денеска ги демантираше тврдењата од неодамнешниот извештај на Меѓународната кризна група (МКГ) дека учествувала во наводните преговори за повлекување на група „српски борци“ по настаните во селото Бањска минатата година.

„Тоа не е точно. Кфор во ниту еден момент не бил вклучен во наводните преговори“, се посочува во соопштението на Кфор.

Во соопштението се демантираат наводите од извештајот на МКГ дека по настаните во Бањска во септември минатата година, припадници на КФОР преговарале за „повлекување на група српски борци во околните шуми, од каде исчезнале“.

притисни ентер