Македонија

Комисијата за култура ги усвои измените на Законот за употреба на македонскиот јазик во прво читање

Собраниската Комисија за култура на продолжението на втората седница денеска едногласно ги усвои Предлог-законот за изменување и дополнување на Законот за употреба на македонски јазик во прво читање и активностите за подготовка на Предлог-програма за одбележување на јубилејни годишнини на значајни настани и истакнати личности во Република Македонија.


Министерот за култура Роберт Алаѓозовски го образложи Предлог-законот и посочи дека заради несоодветното законско решение, Советот за македонски јазик во неколку наврати укажувал на неприменливоста на новоутврдениот начин на полагање на испитот за добивање на лекторска лиценца.

- Се бараше измена на Законот за употреба на македонскиот јазик со која повторно ќе се воведе стариот начин на полагање на лекторскиот испит. Имено, до 2012 година лекторскиот испит се полагаше пред комисија, составена од стручни лица од соодветната област, а формирана од страна на министерот за култура. Заради деблокирање на процесот за полагање на лекторскиот испит, кој датира од 2013 година, се предлага измена во текстот на овој Предлог-закон, односно испитот да се полага пред комисија, а не компјутерски за што се потребни соодветни измени на неколку одредби, изјави Алаѓозовски.
Пратеничката Елизабета Канческа Милевска укажа дека Министерството за култура тука нема никаква обврска, бидејќи тоа паѓа на комисијата за што, како што рече, треба да се води сметка за капацитетот при изборот.

Членовите на Комисијата за култура едногласно го усвоија заклучокот со кој овој Предлог-закон во прво читање е прифатлив и тој оди на пленарна седница.

Претходно, Комисијата едногласно го усвои заклучокот со кој Службата на Собранието треба да подготви и испрати писмено барање до сите државни органи, јавни служби, научни институции, здруженија на граѓани и други заинтересирани субјекти најдоцна до 1 ноември 2017 година до Комисијата да достават предлози за одбележување на јубилеи и значајни настани и личности во текот на 2018 година. Комисијата за култура треба да основа работна група за разгледување на предлозите, чиј состав ќе биде дополнително утврден.

Пратеникот Енес Ибрахими предложи, бидејќи во Македонија нема доволен број институции со кои се застапени турската заедница и другите заедници, Комисијата да испрати допис и до Управата за афирмирање и унапредување на културата на припадниците на заедниците и до независните организации и агенции, кои се занимаваат со правата на сите помалубројни заедници, како и до барем една невладина организација од сите заедници.

Регион

Додик: Ќе побарам од Србија и Вучиќ поддршка за разидување на Република Српска од БиХ

Претседателот на Република Српска Милорад Додик синоќа изјави дека ќе побара од Србија да разбере дека Република Српска мора да оди по патот на одвојување од Босна и Херцеговина, поради Резолуцијата за Сребреница.

Додик рече дека, без разлика што резолуцијата на Генералното собрание на ОН не е обврзувачка, таа ќе биде отфрлена бидејќи нејзината содржина бидејќи ја сметаат за политички мотивирана. Да се ​​биде политички мотивиран на овој начин не придонесува за стабилизација на односите во Босна и Херцеговина, особено за стабилизација и нормализирање на бошњачкиот и српскиот народ, изјави Додик за сараевската телевизија „Фејс“.

„Мислам дека Вучиќ работи добро, дека е одговорен државник на Србија и дека го разбира контекстот во кој секоја осуда на српскиот народ ја затвора можноста за некои идни развојни позиции на самиот народ“, рече Додик.

Претседателот на Република Српска најави дека ќе му предложи на Вучиќ РС и Србија заеднички да ја отфрлат резолуцијата на Соборот на српскиот народ, што ќе се одржи веднаш по гласањето на резолуцијата.

Дoдик најави и дека ќе побара Србија, како меѓународно призната земја и членка на ОН, формално да продолжи да ги оспорува елементите на таа резолуција.

Сакаме Србија да разбере дека треба да одиме по патот на одвојување во Босна и Херцеговина, рече Додик, а на забелешката на новинарот дека бара Србија да ги поддржи во отцепување, тој одговори дека тоа не е отцепување, туку разделување.

На повтореното прашање дали од Вучиќ на Саборот јасно ќе биде побарано да ја поддржи РС во отцепување, тој рече дека немаат план за отцепување, туку дека сакаат да одат на раздвојување.

„Има ентитетска линија... Раздвојување е да ги преземеме сите функции што ги имаме, да обезбедиме пари во буџетот за сите вработени што работат во Министерството за одбрана, да ги повлечеме војниците, да ги повлечеме луѓето што работат во Централната изборна комисија, да прогласиме дека нема да се спроведуваат одлуките на судот и обвинителството и кој и да е орган на Босна и Херцеговина на територијата на Република Српска“, посочи Додик. /МИА

Свет

Австрија домаќин на конференција посветена на системи за автономно оружје

Во Виена денеска почнува дводневна меѓународна конференција за системи за автономно оружје, јави ДПА.

Министерството за надворешни работи испрати покани за конференцијата на тема „Човештвото на крстопат: Автономни системи за оружје и предизвикот на регулативите“ откако експертските разговори под покровителство на Обединетите нации во Женева во последните 10 години не доведоа до разговори на дипломатско ниво.

На форумот се очекува да присуствуваат претставници од околу 130 земји, како и од Обединетите нации, невладини организации и истражувачки институти. Системите за оружје, кои самостојно таргетираат и ангажираат цели користејќи вештачка интелигенција, се во центарот на дискусијата, особено со оглед на конфликтите во Газа и Украина.

На дневен ред се и прашања како што се употребата на технологии за вештачка интелигенција од страна на терористите и опасностите од трка во вооружување со системи за вештачка интелигенција.

Ќе биде подготвен извештај до генералниот секретар на ОН Антонио Гутереш за следната седница на Генералното собрание на ОН. /МИА

Живот

Во ЗОО Скопје се роди двогрба камила

Во Зоолошката градина во Скопје се роди двогрба камила од фамилијата Бактријан.

- Нашето ново бебе. Во фамилијата Бактријан двогрби камили имаме подмладок, оваа преслатка млада дама, која е второ дете на Карло и Мираи. Се роди на 03 април и по краток карантин со мајката, веќе ужива во пролетните сончеви денови, стои во објавата од Зоолошката градина на Фејсбук.

Фото: Фејсбук на ЗОО Скопје

притисни ентер